跳至主要內容

Cafe Deco ~ 甜魔高峰(瘋)會議

昨天記錄了一家三口的遊樂片段, 今晚就慢慢講下一眾甜魔在Cafe Deco的瘋狂片段! 
  
 
一進店是密密麻麻的Cert及獎狀, 好鬼巴閉!


第N次來Cafe Deco了, 不過每次都是夜晚, 其實日頭來感覺也不錯呀~~~



這個counter絕對可令甜魔心跳加速, 尖叫不能自控啊!! 
 

更多的熟食counter, 將在晚市供應dinner items~~


是日天氣大好, 落地玻璃窗外風光優美, 此情此景真係份外開胃! 

 
好, 都係時間食野啦! 雖然當日甜品才是「主菜」, 不過都點了幾款咸食當「頭盤」

番茄紫蘇 Margherita Pizza ($148), 用料十分簡單, 就是蕃茄、mozarella及edam芝士, 加些香草而成
口味卻很和諧, 吃來相當滋味, 唔錯呢~~~

 
夏威夷香辣燒雞 Haiwaiian Pizza ($156), 夏威夷pizza沒有火腿改加辣雞, 口味新奇, 但前一款較好味


炸魚柳配薯條 Fish & Chips ($188), 魚柳份量很大, 外層炸漿相對較厚, 還好香脆不膩, 裡面魚肉也細嫩
另外是日發薯瘟, 墊底的細薯條給媽媽清了8成!!!
 
 
煙肉芝士意粉 Spaghetti Carbonara ($168), 麻麻地, 唔夠蛋香口感又有點膠


天多尼烤雞 Tandoori Corn Fod Chicken ($198), 烤雞很滑, 以惹味的印尼燒烤方法烹製, 頗為惹味!


所有tandoori項目均可選配印度烤包, 不過這裡的naan就不及太平山餐廳的鬆軟可口了~~


爸媽又點了杯Old Time Rich and Creamy Milk Shake ($64)
奶昔口味超多, 好不容易由16款自家製雪糕中, 選出Rum & Raisin味, 成品頗香滑, 但不夠濃~~
 

影到爆哂光的一張Matthew, 好搞笑, 係咪BB睇唔慣我地咁癲呢?


到底我地有幾癲? 除了橙酒梳乎厘 Grand Mariner Souffle熱情果草莓撻 Passion Fruit & Raspberry Sablee Tart缺貨, 其餘16款甜品全掃, 仲未計新地!!

首先是法式焦糖燉蛋配鮮草莓及火焰霖酒 Creme Brulee Flambe ($88)


Creme brulee上檯後, 侍者會加酒點火, 不過環境太光啦, 完全睇唔到...
最後再加上水果而成, 成品都幾香滑, 而且有淡淡酒香~~~~ 


之後的甜品實在太多, 原諒媽媽不能逐一細評了....

草莓青檸芝士空心餅 Raspberry and Lime Mascarpone Profiteroles ($48)


峰景黑榛林蛋糕 Traditional Black Forest Cake with Real Kirsch ($48)


朱古力花生漿漩渦芝士餅 Chocolate Peanut Butter Swirl Cheesecake ($52), 好rich呀! 


威尼斯芝士蛋糕 Venetian Tiramisu ($76), 酒味頗香濃, 好味~~~ 


有機意大利檸檬撻 Organic Italian Lemon Tart ($52), 檸檬餡超清新, 撻皮又脆, 好好味! 


峰景餐廳朱古力榛子餅 Valrhona Chocolate and Hazelnut Cake ($68)
據聞好好好味的Cafe Deco Signature, 不過食得太急啦, 試唔出真味添


農村雪利酒海綿蛋糕 Rustic Sherry Trifle ($78)


士多啤梨紅心香草餅Strawberry & Vanilla Red Heart ($48), custard的甜與紅莓的酸形成鮮明對比, 好好食! 


芒雪香豆金寶 Mango and Tonka Bean Crumble ($48), 都幾香脆可口!
 

德國芝士餅 German Cheesecake with Dark Cherries ($52), 賣相特別, 味道也唔錯, 軟滑得來富芝香果香 
 

暖蘋果撻配雪尼拿雪糕 Warm Apple Tarte Tain with Calvadoes Creme Fraiche ($78)
蘋果酥既熱暖又鬆化香甜, 配上香滑冰凍的雲尼拿雪糕, 好好味呀! 


暖朱古力布甸配桑莓奶凍雪糕 Warm Valrhona Chocolate Fondant with Coconut Heart ($88)


成品OK流心架, 味道都算濃郁, 滿意! 


特色鮮果馬鈴配熱情果漿 Pavlova ($72), 十分清脆, 甜度適中, 也很讚! 


雪呢拿籽雪糕泡芙配朱古力漿 Perfect Profiteroles ($72), 甜品上檯後, 侍者即場淋上朱古力漿


泡芙中間唔係cream而係雪糕, 加上朱古力漿, 吸引力可想而知!! 


時令果碟配玫瑰草莓泡沫 Seasonal Fruit Platter ($85)
哎呀呀, 平時掃甜品都會out走唔抵食的水果, 今次忘記左添.. 算啦, 留俾Matthew食都好!


仲未完架... 食完甜品小休一陣, 大家又由七款Ice-cream creation中, 選點了4款下來!!

 

Coupe Poire Belle Helene ($78), 法式新地配雙球雲尼拿雪糕伴燴梨熱朱古力漿


即場淋上熱朱古力漿, 理論上熱朱古力會融化朱古力片
不過由於我地影得太耐關係, 熱朱古力漿已無力融化啦!



Wicked Ice Cream Sundae ($88)
雪糕新地配開心果、雲尼拿、朱古力雪糕配棉花糖、花生、熱朱古力漿


Tropical Granola Sundae - Your Ulimate Health-fix ($82)
熱帶燕麥新地配雙球蜜糖乳酪雪葩拌芒果乾、香蕉、椰子、燕麥


Coupe Volcano Pistachio ($86)
雙球開心果雪糕配新鮮草莓、自家製開心果杏仁餅、草莓泡沫



食到開始日落西斜, 真係好飽好癲又好鬼開心的一個下午!! 
  


要讚依度服務好好, 雖然大意的媽媽忘了帶VIP咭, 都仍然做返個9折俾我地, 慳左$23X呀!
最後埋單$2306, 人均$231換來超滿足享受, 好開心! 期待下次再聚~~~ 

留言

此網誌的熱門文章

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~