跳至主要內容

12月生日飯 ~ 紫粵軒 @ 九龍東皇冠假日酒店

先skip過下午RockAbaby的片段, 繼續講埋訂婚紀念日的晚餐先 
當晚老公繼續唔得閒, 不過就算得閒, 其實都一早約了食12月壽星生日飯@紫粵軒


 
原來由上環搭去將軍澳好快的, 當日與Matthew早了抵達, 先於Popcorn行下街先~~


個場原來好靚, 又佈置到好有聖誕氣氛, 好開心喎~~~
可惜個時Matthew仲訓緊覺... 無緣同咁可愛的聖誕老人同鹿仔合照了!

 
穿過商場, 就黎到九龍東皇冠假日酒店~~~


各位, Matthew仔醒啦!!! 餐廳6點先開, 好動豬就o係外面行來行去, 行到媽媽眼到花........ 
 
CEO伉儷都到了, 我地一齊落一層去The Chef's Table拎餅~~


冇錯依度係食buffet為主, 但都有自家出品的蛋糕架! 多謝CEO, 一早訂了兩個~~
 

順便上埋去36/F的Sky lounge睇下風光, 其實依度景色一般啦


反而47/F (頂層) 的星幕Cielo意大利餐廳就真係正喇~~
 

個天台真係好開揚, 又靚景, 好想去嘆個brunch呀!! 


另一邊的fine-dining area都好正.. 問過了餐廳welcome BB, 幾時去食好呢? 


夠鐘啦, 有得入座了~~~ 紫粵軒採波浪型牆壁, 將廚房同洗手間都隱藏起來, 好有格調美!

 

原本訂了14位, 最終9大1細來吃, 其實都有好處, 就係坐得闊落舒服好多!



前菜的炸小雲吞, 無乜特別


 食友帶來的美點就真係好好好味~~~ 


有CEO o係度, 永遠都唔駛煩點菜, 多謝+辛苦哂~~

首先有蜜汁香叉燒 ($88), 肉質是睇得到的豐腴, 食落鬆化富有蜜味, 正呀! 
 
特色鹽香雞(半隻$158), 食友話部食到有D位好瘦, 部分位置又好肥, 但媽媽食了2舊, 都正常好味喎
最後仲揀了一舊雞胸肉, 搣鬆成手撕雞俾Matthew食, BB食到津津有味!!

又有招牌, CEO當然不會錯過香煎瀨尿蝦扒 ($258), 不過講真食落真係同一般蝦餅無分別呢
 

雙蔥爆龍蝦 ($278) 又係好矜貴兼夾好色彩繽紛的一味, 但味道一般啦! 咸味蓋過了龍蝦鮮甜味


宮廷醬烤骨 ($158), 依個就唔錯了, 千層肉炆得好鬆化軟稔入味, 那醬汁微帶玫瑰露香, 撈飯好正! 
 
講起白飯, 冇錯, 真的為Matthew點了一碗白飯, 佢真係食左大半碗架... 雖然地下食得仲多! 



壽星女揀的金沙蝦球 ($178), 熱辣飽滿又爽口的蝦球外, 是薄薄一層又香口的咸蛋醬, 媽媽覺得好正! 
 
食太多肉, 點都要黎一碟菜, 上素釀竹笙卷 ($118) 清清地都OK


又點了生炒臘味糯米飯 ($160), 飯粒分明、質感都唔錯, 不過可以再香口D
 


仲有龍蝦湯響米海鮮泡飯 ($188), 唔知係咪影相太耐關係, 脆米放落湯並無「吱」的效果
不過真係幾鍾意佢的龍蝦湯, 好鮮甜, 好想淨湯黎2大碗呀!! 
 

另外, 是晚Matthew仔發現了CEO同佢的智商差不多, 係咁同佢傾計~~ (CEO升呢啦!! )



又送上Matthew仔豪邁的食飯相~~~


哎呀, 真係好污糟呀.. 辛苦了掃地的嬸嬸了~~~~ 


仲未完架... 今餐只食了七成飽, 因為飯後仲有2大個蛋糕丫~~ 
祝兩位壽星生日快樂!!! 


 
人唔齊, 不過都黎張開心的大合照~~~ 


 
又講下蛋糕先~~ 大家好鍾意依個抹茶紅豆白朱古力慕絲蛋糕, 味道的確清新可喜, 但雪得冰左D


媽媽鍾意甜漏野, 所以更加鍾意依個香軟朱古力蛋糕 
實身的蛋糕超濃又rich, 有少少似PL的craquelin au chocolate, 好好味呀!!!

有人睇C我地KO唔到依個devil, 但在甜魔媽媽同CEO的合力聯手下, 順利清光了 


最後再敬送果盤俾大家清新一下~~~
 

連同蛋糕 ($200@), 請埋壽星今餐每人$330, 又唔貴喎, 而且質素比預期中好, 可以再黎返兜

不過由將軍澳搭去元朗真係好耐.. 要1.5粒鐘先返到屋企, join唔到食友的抹茶下場了~~

留言

此網誌的熱門文章

聖誕必吃!香港文華東方酒店 ღ 上海灘 × 文華東方節慶下午茶

最近吃了不少下午茶,但最出色的一定要數文華東方酒店期限推出的【上海灘 × 文華東方節慶下午茶】,無論氣氛、賣相還是味道都是一等一的好,非常推介給愛吃下午茶的朋友!     除了 Café Causette 或快船廊,一如之前數次與  Timothy Oulton  的合作,下午茶也在酒店大堂供應,而大堂也擺放著美美的下午茶攤位,上面綴以嬌美的紅玫瑰;另一邊則是閃爍的聖誕樹,配上古典雅致的環境,氣氛好極了!

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。