跳至主要內容

2011 Maldives + Kuala Lumpr Trip ~ Day 5 : Male + 離開

Day 5是離開Maldives的日子, 同老公都依依不捨的早上睇日出, 漫步花草小徑食早餐, 然後收拾行裝中午check-out~~

是日下午就報了Capital City tour到馬里觀光, 夜晚再回Resort嘆埋最後的海景晚餐, 就差不多時間搭快艇離開往機場了.. Maldives, bye bye~~ 


既為adjust生理時鐘, 亦因太不捨, 最後一日二人都好早起身
牙都未擦, 就去了附近的吊橋影相~ 好在唔係跟團冇熟人! 



是日有霧唔太晴, 影出黎唔夠day 4靚



天光喇! 都係時間返去, 最後一次餵魚+浮潛~~~


最後一日因海面特別平靜, 特別多魚, 老公用lumix機仔影了超多相


特登俾大家睇下我同魚仔的距離.. 真係好近!!


其實樓下都有唔少珊瑚~ 部分珊瑚仲好近水添!! 


之後經過梳洗, 最後一次出發去食早餐lu~ 明顯老公真係好唔捨得依度 


其實我都好唔捨得依度的自然風光...


最後一日早餐, 雖然老公喉痛, 我又唔飲得多, 都叫了咖啡同cappuccino, 不過兩者都唔及samui好飲.. 都唔知算好事定唔好~


但之後幾日, 都有掛住依度豐富的生果, 乳酪, double cheese & ham scrambled egg..


以及即叫即製的french toast配nutella... miss you all!


食完早餐仲有個幾鐘, 返房慢慢執野~ belly boy 11:30am黎pick行李, 我地則hea至12點先離開... 走時天陰陰, 似乎間屋都唔捨得我地丫!


去lobby check-out+俾完錢, 再o係links @ sheraton上網+睇多陣電視, 又差不多出發


下午我地報了Sheraton的Captial City Tour, 2-5pm, 每位USD60+13.5%


一有得出去玩, 天色又再度放晴, 真係好感恩!! 



上船了~~~


都幾多唔同國藉的住客join tour~


當中有來自HK, 專程來渡蜜月的couple~
另又有4個中國客, 佢地唔太聽唔明導遊的英文, 全程好迷惘...


約莫15分鐘就抵達馬里~ 一上岸就feel到好熱好熱, 比Resort熱得多了!! 
由於人數較多, 是日分開2小組遊覽, 負責我team的導遊相當nice


maldives係伊斯蘭教國家, 第一站去睇市內最大清真廟


廟內唔俾著鞋, 唔俾影相, 亦唔俾人著短裙短褲, 又或者露膊入去

好多人都唔及格, 好在導遊為我地準備了多條毛巾


入去喇! 裡面都幾靚ga, 仲超乾淨, 不過冇得影俾大家睇


改影廟門口的紀念碑文啦


之後去睇Sultan Park


個公園的花草都唔夠Resort靚, 無乜野睇


園中有幾座大炮, 算係景點架啦..

 之後去睇總統府


只係門口睇下, 冇得入去的


對面又係一間小廟, 入廟前要洗手同除鞋


出面有口古井

   
特別的柱定塔


廟隔離就係一個墓園, 正正同總統府打對台~


跟住去參觀當地的漁船


印象最深刻係d漁民竟然可以o係經一塊咁窄的板上岸.. 俾我一定跌落水!! 


此地魚獲好豐富, 當日下午正好見到一條剛被撈起的巨大吞拿魚~~


漁船隔離就係乾貨同水果市場, 有好多魚乾賣


同中國的咸魚一樣臭臭的


另一邊是水果市場


水果市場, 佢地好鍾意賣蕉, 同一種不知名的綠葉


  
之後過馬路去睇埋魚市場


早前見到的大吞拿魚, 已經被劏緊喇!!


魚市場有專責洗+劏魚的部門


馬里要睇的野差唔多喇.. 之後都係市內閒逛~


一d都唔吸引的chocolate promotion...


古怪的生果, 融成一pat野食, 導遊話味道好似芝士


時間有多, 導遊帶我地去so called當地最好的餐廳飲野, 叫Baywatch


餐廳有三層, 頂層有露台景, 不過唔吸引


實在太熱了, 最後大家都揀坐冷氣房~ 又係因為伊斯蘭教關係, 馬里市冇酒類飲品提供 (Resort例外)
老公要了椰青, 都唔新鮮唔好飲 ; 我要了一杯yellow shark, 由雪糕同芒果醬打成, 好甜又係唔好飲.. 兩杯流流地的飲品盛惠USD14, 馬里的消費都唔低~~


剩返少少時間, 就作最後衝刺去買野喇!! 不過當地的手信店又貴又唔靚, 最後只買了少量postcard... 早知跟一隊去行超市好過~~


另外因為買手信遲到, 我地miss了4:45返去的船...
好在5:15又有船, 結果5:25pm都返到resort


Resort內真係涼好多ga... 同老公洗個臉, 抹下身, 就清清爽爽的去Sand Coast享受最後的晚餐~ 第3次黎, 亦係最早來到一次, 係最光最清的一批相


以超級好味的Naan bread開胃後 (掛C人了~~), 頭盤有Prawns with Dried Curry and Spinach (USD19) 大蝦鮮美爽脆, 配上香口乾咖哩同菠菜, 惹味超好食! 


Scallop, Cucumber and Yoghurt Salad with Smoked Almonds (USD19)
擺碟靚到不得了, 味道清新自然 


來到主菜環節, 最後一晚試下佢的印度/斯里蘭卡風味菜啦!


Sri Lankan Fried Prawns (USD32), 蝦口味微甜, 特別又開胃, 但比頭盤比下去了

Mutton Curry (USD28), 咖哩風味本來平平, 但拌上乳酪醬後滋味即時提昇; 我地另外點Naan bread食, 好正! 以上食物又跟白飯, 幾日來無好好食過飯, 好滿足


Baby Grapefruit Jelly with Compori Granite (USD15)
口味清新的一杯啫喱, 唔差, 但之前兩晚的好食D


Sri Lankan Dessert Tasting Platter - Jaggery Cashew Custard, Coconut Pancakes, Jackfruit Mousse (USD16) 佢的拼盤都係麻麻, 早知encore早2晚的西式甜品~~


食完飯七點幾, 再hea多陣, 真係要搭8pm船離開resort啦.....
是晚乘搭10:45pm機前往KL, 計埋3小時差, 抵達KL會是早上六點


反正對馬里無乜好感, 早早check-in後, 在機場刷牙洗臉同小睡, 準備精神展開另一趟旅程! Kuala Lumpr, 我來也~~~~ 

留言

此網誌的熱門文章

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~