2011 Kuala Lumpr Trip ~ Day 7 : 雲頂 + 肉骨茶 + 明記燒魚

Day 7, 遊KL第2日, 同老公買了票上雲頂, 山上風景優美, 天氣清涼, 但卻超悶...

都係去返市中心, 食野買野, 開心好多好多~~~ 

一起身, 去樓下Nomad Bistro食早餐~

用餐環境, 可以對住個pool食野, 算唔錯

breakfast buffet內容, 當然冇得同5星Sheraton比啦~~

有唔錯的乳酪食, 其實我已經好心足喇!! 另外french toast + maple sauce都唔差

之後去KL Sentral搭雲頂專車(單程RM9.3/位包纜車)~~
如果搭的士上去, 要成RM100一程架!!

唔駛一粒鐘, 就抵達雲頂高原纜車站~ 感覺, 娘娘地... 

去搭纜車lu!!! 估唔到依程車都幾耐, 大約搭了20分鐘~

老公, 唔好緊張呀....

開車喇!!! 畏高的老公嚇到C....... 

不過向下望又真係幾高, 有D位仲特別深下, 都難怪老公驚~~ 

沿路是大片原始森林, 其實風景好優美架, 我影了唔少相~~~ 

Finally終點在望.. 老公唔駛驚喇~~~ 
高原上飄著一大舊雲, 天氣都幾清涼下, 要著長袖衫先夠暖呢!

到雲頂的商場行下~ 真估唔到依度有恭和堂, 老公即整一碗涼茶(RM2)!

場內有頗吸引的雪糕, 但太凍搞到唔多想食...

去參觀雲頂介紹中心, 場內唔俾影相, 但我照偷拍了2張~

依個就係成個雲頂的模型~ 其實幾大幾多野玩, 不過全部都唔o岩我地....

去門口影張相

見有卡列車幾得意, 又去雲頂戶外樂園睇下啦! 其實, 吸引力都好一般...

沿路見到一個好殘舊的電池仔...

樂團門口, 冇乜野玩但收RM97/位, 梗係唔制!!! 

o係門口求其影一張相就算了~~~

太無聊, 冇野做唯有食~ 去了酒店內一間叫Bakery的cafe & bakery買野食

cafe採自助形式

買了3樣野, 送了2隻mini cupcake食~

揀了outdoor位坐, 可以享受下雲頂清涼的天氣~
先試免費的mini cupcake, 朱古力味唔太濃, 質感微黏, OK

雞批, 餡芯稀薄無味, 酥皮又唔多香, 麻麻~~

Pistachio & Lemon donut, 開心果同檸檬味6都唔突出, coating只覺係糖精甜味, 好在係冬甩並唔太油

   

Chocolate Fudge cake, 朱古力味唔算好濃, 質感都一般~~
食完野再格硬行多陣, 買了少少野, 既無心機入casino, 不如早早離去.....

雲頂實在太無聊, 我地留了只2小時, 就忍唔住要提早走人~~
對我黎講, 搭纜車已係最開心的環節, 不過老公不敢認同... 

落山喇~~~ 重見優美的風光, 我又係不斷影影影!!!

20分鐘左右, 又去到中途轉車站~~~

當時大約1:20pm, 上山的人潮才剛剛來到~~
好想同佢地講: 上面冇野行架, 回頭是岸呀!! 

再搭1粒鐘車, 又去返KL Sentral~ 一去到市中心, 天氣即時熱返, 同老公去了麥記買雪糕食 ; 試了古怪的青檸新地 (RM3.5), 感覺好啫喱....

再搭去Pasar Sani, 不過今次唔係去茨廠街/唐人街, 而係去搵Central Market~

路上見到依座靚靚印度廟~ 幾靚!

邊行邊諗起肉骨茶, 點知o係前方正好有間大口子肉骨茶店!! 正~~~ 

環境雖較up-dup, 但都有冷氣位, 正!!
店內大大杯的竹庶水只賣RM1.5, 好抵飲

要了一份細的招牌瓦煲雞 (RM20), 雞肉好嫩又超入味, 好得!!! 
食到阿B不斷大剔添呀~~~ 

仲有瓦煲肉骨茶 (RM11.5), 又係大大份, 好足料, 風味上佳! 

兩餸一飯, 好豐富的下午茶!! 
最緊要係全部味道都好得!! 搞到翌日三人又心思思重來呢~~~

繼續向前行~~

忍唔住兜了去唐人街, 幫襯冠記門口的伯伯

其實日前已被他的出品香味所吸引, 只係連掃4場後實在冇位, 今日就可以食得落啦!! 圖中椰汁薄戟+花生夾餅只賣RM1.5, 好平!! 當中以花生夾餅好味出色D~

唔太識路, 兜了成十分鐘先到Central Market

Central Market分室外同室內兩部份, 先行較少野的室外部份
我地邊行, 邊買, 邊食 ; 講起食, 有咩好過熱天食Gelato?? 

要了朱古力同榴槤味gelato (RM6), 各投所好, 正!! 

原來室內都幾大, 又分為幾個部分~~

D舖都幾靚ga, 同老公o係依個場買左好多野呢~~~

場內又有fish spa, 收費只係RM5~

不過時間只得10分鐘, 同埋感覺唔多衛生, 最後都冇玩~

行到幾乎腳跛啦, 同老公去了場內的Old Town坐底休息下~

依間店的環境特別懷舊呢!

老公有d掛住HK的奶茶, 要了一杯絲襪奶茶(RM3.5)~

茶係幾滑, 不過都係HK的有風味D!

想食下馬來風味麵, 又要了Supreme Prawn Meehoon-Mee (RM10.5)~

口味微帶香辣幾惹味架!

我仲未餓丫.. 只點了杯Old Town Coffee Lava (RM4.9), 幾好味~~ 

之後搭的去就近的Jalan Alor食dinner~ 但受塞車影響, 截了好多架的士一係拒載, 一係硬性要收RM20, 超搵笨!! 好在後來遇到個華人司機, 願意以RM8車我地去目的地~

專程拜來訪鼎鼎有名的黃亞華燒雞翅, 但原來佢週一唔開, 激C!!! 

講起又講, 佢都買了唔少舖, 好巴閉呢~~~

好在Jalan Alor仲有唔少名食店, 改去食明記燒魚, 一樣開心~~ 

我同老公分別要了桔仔酸梅(RM4)同薏米水(RM2)~

要了份細的炒甘香大竹灘(RM15), 即係炒蟶子

蟶子肉質幾鮮爽, 但唔太食得慣佢的調味~~

一份中小型燒魔鬼魚(RM20), 好香並有豐富油脂, 正!!  不過多食都幾漏~

食埋在黃亞華飲恨的燒雞翼(RM10)~ 份量好足, 肉嫩又有蜜味, 味道唔錯! 

老公encore多個椰青(RM4.5), 十分之清甜, 正!! 

食完又去買生果返酒店食... 睇返相都覺得好飽好飽丫~~~~ 

明天再續!!