我地今日凌晨已經平安返到黎香港啦~~~ 有無掛住我地, 特別係Matthew仔呀?
雖然遲了好幾日, 都同大家拜個遲年, 祝新春行運大吉, 蛇年發過豬頭, 哈哈!!
雖然遲了好幾日, 都同大家拜個遲年, 祝新春行運大吉, 蛇年發過豬頭, 哈哈!!
其實媽媽的機全部執左出黎, 不過最好等埋爸爸的靚靚大機影先作介紹~~
所以今晚先只介紹旅程總結種種, 首先講的係班機時間
我地今次係2:40AM出發的班機, 對於大人相對會較累, 但其實對BB反而仲好
因為BB幾乎全程都o係訓, 免卻了很多扭計的麻煩~~~~
相比返黎的時間係10:10PM, 就真係經歷了Matthew仔扭計之苦.... 好在個幾鐘後, 佢都肯訓返~~
我地早了抵達, 約11點左右已經去到登機室, 媽媽就趁機o係度訓下抖下~~
因為, 之後的機程實在唔太好訓呀..........
去到日本剛好係7:15AM, Matthew仔醒左啦!! 好似知道自己去左新地方喎~~
又講下BB衣著, 我地策略係double coat, 一件較實較緊的褸仔再加大褸
然後再加雙重被仔~~ 由於最終都帶左超大架BB車, 絕對夠哂暖啦!
今次住宿酒店係位於難波、道頓堀同心齋橋之間的Hotel Vista Grande Osaka, 地點超方便!!
本來我地都冇plan過行程 (因為帶著BB好難預...), 但因為搭鐵路方便, 結果都去左好多地方
四星酒店的房間都唔係好大.... 不過係幾整潔舒適, 設計又方便, 特別有保溫暖水樽真係正呀!
洗手間係可以望通的... 之後媽媽都偷拍了Matthew仔的沖涼片段, 遲d分享啦!
真係好鍾意日本酒店的洗手間呀!! 個坐廁真係一流, 仲有防霧氣鏡~~
由於行程早去晚歸, 所以今次玩得超盡興, 第一日抵達就o係難波、道頓堀同心齋橋一帶逛逛
依個咁經典的大阪旅遊照, 其實正正就o係我地酒店樓下2分鐘路程咋, 係咪好正呢?
(更多的每日旅行詳情容後再記啦~~~
)
第二日就搭鐵路去奈良睇鹿鹿... 有超funny的Matthew爭食鹿餅事件, 慢慢再分享!!
第三日就去了京都, 古都風味真係好正, 當中的綠茶甜品更係正到爆呀!!!
第四日就去了神戶, 又影左好多相, 並且豪食超有名的神戶牛柳!!!
最後一日係情人節, 我地留返o係大阪過節... 當然少不了情人節的慶祝~~
至於依幾日BB食咩? 其實我地帶得好少BB食糧, Matthew主要跟我地食, 食得不知幾開心!!
聽日再仔細講下Day 1的行程啦~~~~
留言
發佈留言