跳至主要內容

採訪花絮@ Cafe Kool + 武吉士Matthew Duck

大家睇左《經濟日報》篇採訪未呢? 未都唔緊要, 媽媽好明白依家唔興買報紙 (我平日都唔買的), 所以特別將內容post上來與大家分享!! 
  


攝影師真係好勁, 完全捕捉到Matthew的為食神態; 當然都同依隻豬仔本身真係超為食有關啦! 



依張的Yummy face亦令到記者同攝影師好開心!! 如有興趣更可以睇埋內文, 部分都幾有趣的~~

 
 


 

除了報導本身, 媽媽今晚再會補充一D背後花絮; 雖然當日媽媽冇上鏡, 但探訪全程都陪著爸爸同Matthew架, 而地點就係位於九龍香格里拉酒店的Cafe Kool了~~
  


抵達之時只係6點, 店內一個人都未有, 但後來卻全場爆滿, PR話留唔到我食飯... 唉~~~ 



都睇下有咩食啦, 其實媽媽覺得港島香格里拉Cafe TOO選擇吸引D (見舊blog), 不過依度都唔少選擇!


   


甜品的選擇唔算好吸引, 但款式真係好多, 依個時間仲未出哂架!
 

 




最特別係即叫即焗雞蛋仔, 仲布好多特別口味; 原來記者想叫我地試, 不過當時仲未ready呀~~~



至於最為期待的HD雪糕櫃, 口味比Cafe TOO少四成 (個邊真係好誇張!!), 但都令人好開心了~~
 


仲有好多配料選擇架~~~


是日Matthew就係坐o係依張BB餐椅上接受採訪了~~~

Matthew「採訪? 我唔係黎食野o既咩???」 


為食豬見到咁多美食, 點會乖乖坐底丫, 第一時間就去擒HD雪糕櫃啦~~~


正好記者同攝影師夾好決定影為食BB拎雪糕, Matthew終於有野食啦!!


見到HD的雪糕真係好開心, 大家睇得到Matthew咀角的笑意嗎?? 


第一次食cone的BB, 好新奇, 同時又好開心興奮!! 



其實用cone係比較難架... 影完相返到位, 都係將雪糕放返落碟慢慢「筆」啦~~~



唔知點解D相錯哂white balance, 改post片俾大家睇啦! Matthew好衰架, 想自己霸哂D雪糕, 問佢可唔可以share俾爸爸或媽媽, 就係咁搖頭!! (其實佢o係屋企都係咁, 盒家庭庭唔准我地食)


食完淨雪糕, Matthew又首次試食雪糕cone, 原來都好味好鍾意喎!!!


之不過當記者同PR拎左更多甜品同海鮮黎拍照, 為食豬即刻轉移目標啦~~~ 今餐辛苦要服待Matthew上鏡的爸爸了, 其實拎到檯的食物並無點食過呢! 好在為食豬好交到戲, 拍攝順利完成!
 

由於假日前夕buffet full booking, 拍攝完畢我地要落去地下的lobby lounge繼續未完的訪問~~ Matthew仔好似好大班, 好巴閉咁, 話要點一杯蘋果汁俾自己喎! 


果汁到啦!! 為食豬蠢蠢欲動.........


好味!! 不過似乎冰多左D? BB都係改飲媽媽的橙汁啦~~


爸爸同記者就o係依度慢慢講返自己的湊仔、搵食經 (當然講食媽媽有唔少補充); 與此同時媽媽就餵Matthew食正式的粥仔晚餐 (好在今次有準備咋!!)~~


其實要餵依度好動豬都唔易架, 一陣間又唔知走去邊了...



終於完成拍攝同訪問, 係時間輪到爸爸媽媽醫肚; 天雨關係去了K11樓下新開的Bugis Corner開餐~

(按: 筆時OR仲未有記錄... 地址係尖沙咀K11地庫2樓B232呀!)    

幾鍾意佢簡單又有南洋風情的裝修, 而且食客唔多, 我地坐得好舒服呢~~


小店食物選擇唔多, 但小試了兩樣都好有水準呢, 首先係老公的鮮蝦喇沙 ($72), 湯底富有香濃椰汁味又鮮美, 喇沙又煮得o岩口感而且好入味, 各款配料質素亦唔錯, 令人好滿意呢!
 
媽媽就點了海南雞飯 ($56), 份量都幾足架, 又奉送一碗好夠熱的冬瓜湯, 正!


雞件唔算好滑, 同早前LIS Cafe的出品無得比, 不過點上三色醬都頗有風味, 而且份量好慷慨呢


油飯都算唔錯, 香口得來唔會過份油膩, 是晚Matthew嘈住要試, 都俾佢食了幾啖呢~~~



講起上黎, 依度為食豬是晚表情多多呢~~~



大概Matthew都知道Rubber Duck走了, 接下來由佢繼續扮鴨咀, 為大家帶來歡樂!!
 



媽媽硬係影唔到, 好在爸爸就成功用Note捕捉到Matthew Duck的搞笑一刻!! 



BB你真係太搞笑啦!! 更開心係翌日又係端午假, 媽媽繼續可以同豬仔玩~~~ 

留言

此網誌的熱門文章

聖誕必吃!香港文華東方酒店 ღ 上海灘 × 文華東方節慶下午茶

最近吃了不少下午茶,但最出色的一定要數文華東方酒店期限推出的【上海灘 × 文華東方節慶下午茶】,無論氣氛、賣相還是味道都是一等一的好,非常推介給愛吃下午茶的朋友!     除了 Café Causette 或快船廊,一如之前數次與  Timothy Oulton  的合作,下午茶也在酒店大堂供應,而大堂也擺放著美美的下午茶攤位,上面綴以嬌美的紅玫瑰;另一邊則是閃爍的聖誕樹,配上古典雅致的環境,氣氛好極了!

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~    

輕鬆親子假期 @帝京酒店:Lion Rock 半自助午餐 + 家庭房體驗

爸爸開始放假,甜魔家也開始了超多場小渡假;首先分享由  2月派對  上幸運抽獎得來的  Lion Rock  半自助午餐 + 家庭房住宿體驗,沒壓力之下去食去玩,真的份外輕鬆愉快;而且酒店與超好行的 MOKO 商場接鄰,兩母女忍不住一起大敗家呢! 上週六Chloe完成跆拳道考試後(對,妹妹已經升級藍帶!),一家人先到酒店三樓的 Lion Rock 獅子樓  嘆一頓開揚美景下的半自助午餐,價錢$148起已包括自助前菜、新鮮沙律、湯品、甜品糖水及新鮮水果,匯豐卡還有8折優惠,相當抵食~