跳至主要內容

再訪MoMo Cafe ~ 甜品 + 豬仔篇




繼續未完的食物先... 見到友人拎了香草蜆肉意粉, 真係流哂口水, 不過真係太飽了~~~



老公首先開始食甜品, Tiramisu一般, 朱古力mousse就唔錯, 另外仲有即焗心太軟~~ 
   
嘩, 心太軟果然好香濃好流心, 超級美味呀~~~~ 


但即焗souffle就一般啦... 我唔太欣賞隻藍莓味, 假假地~~~


拎了更多甜品, 以及雪糕.... 可惜係牛記出品, 如係HD我會掃上半打, 同Matthew豬共享!!! 
Anyway雪糕拌心太軟, 仍然係無得輸的無敵組合~~~~


最後飲埋清潤糖水 (木瓜雪耳糖水唔錯!), 食埋芒果布甸 (冇影但係真心推介), 好飽了~~


餐飲今次老公點了Cappuccio, 質素唔錯~~~~


我就好乖要了熱檸水.... 結果檸檬又俾兩隻豬仔拎去玩了~~~


講返豬仔前, 我好似冇講dinner buffet的定價? 原來現已升至週末$448位, 雖然好多信用卡都有85折, 6位以上仲有8折優惠, 不過以佢的選擇來講都有D貴呢~~ 但帶BB去真係好開心的! 

話說我地當日聽完OP的講座, 馬上由佐敦出發, 5:45pm就抵達MoMo Cafe, 但buffet 6點先開始呢!



大概沿路我係咁講之後會有好多野食, 為食豬好似真係記得間野 (上次tea buffet唔係好耐前), 結果去到仲未開始, 好失望, 媽媽唯有硬著頭皮去「唉」個包返黎... 頂唔順佢食包都會咁開心! 


真係好鍾意帶Matthew食buffet, 其實佢已可以食麵包、芝士、生果、魚肉、炒飯、雞蛋、蕃茄, 甚至甜品同雪糕, 其實佢可以食的野一D不少, 但就完全免費, 感覺超抵呢呢!! 


當Matthew食完朱古力mousse, 俾mousse整污糟了手手, 會有咩反應??


原來Matthew係超有衣食架, 會好努力嘗試食返攤mousse漬呀!!!! 


豬仔前後努力啜了3-4次, 終於乾淨哂啦!!! haha~~~~


恩恩一家因為買車關係遲到 (哈哈, 我地又撞車了... 有無咁橋呀?), Matthew仔一見人又好high呢!



其實唔止係Matthew, 當晚恩恩都好鬼hyper的~~~~



唔信? 有片為證架, 兩隻豬仔幾乎要fing甩個頭 (同埋隻腳仔) 啦~~~~ 




好動豬食飽後, 只high chair上玩都未夠, 又要出去行返個圈~~ 咁橋當晚又有Matthew做老襯? 

精力無限的豬仔又行上行落樓梯啦~~~ 再過多2個月, 媽媽都無得同你癩呢!!


仲要訓埋落地... 咩人黎架??!



上上落落左N次, 換埋片片後又返去位置上~~ 有姐姐請糖食, 好開心喎! 



唔止係咁, Matthew食完糖糖仲要挑戰埋媽媽的檸檬片........



Matthew, 你真係浮誇派達人呀!!! 


大概Matthew仔的反應太過癮了, 恩恩父母都要俾佢試食檸檬! 但恩恩豬的接受度好高呢~~~
  

超開心的一晚, 用上內部認購價好抵!! 但現已再無優惠, 如俾正價媽媽會更推介Tea buffet呢~ 

留言

此網誌的熱門文章

聖誕必吃!香港文華東方酒店 ღ 上海灘 × 文華東方節慶下午茶

最近吃了不少下午茶,但最出色的一定要數文華東方酒店期限推出的【上海灘 × 文華東方節慶下午茶】,無論氣氛、賣相還是味道都是一等一的好,非常推介給愛吃下午茶的朋友!     除了 Café Causette 或快船廊,一如之前數次與  Timothy Oulton  的合作,下午茶也在酒店大堂供應,而大堂也擺放著美美的下午茶攤位,上面綴以嬌美的紅玫瑰;另一邊則是閃爍的聖誕樹,配上古典雅致的環境,氣氛好極了!

輕鬆親子假期 @帝京酒店:Lion Rock 半自助午餐 + 家庭房體驗

爸爸開始放假,甜魔家也開始了超多場小渡假;首先分享由  2月派對  上幸運抽獎得來的  Lion Rock  半自助午餐 + 家庭房住宿體驗,沒壓力之下去食去玩,真的份外輕鬆愉快;而且酒店與超好行的 MOKO 商場接鄰,兩母女忍不住一起大敗家呢! 上週六Chloe完成跆拳道考試後(對,妹妹已經升級藍帶!),一家人先到酒店三樓的 Lion Rock 獅子樓  嘆一頓開揚美景下的半自助午餐,價錢$148起已包括自助前菜、新鮮沙律、湯品、甜品糖水及新鮮水果,匯豐卡還有8折優惠,相當抵食~ 

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~