3 Time + Ethan Birthday Party

上週六起身梳洗一輪, 先帶Matthew上Playgroup, 再一起用過午餐, 然後就到屯門參加Ethan BB的一歲生日會了! 之後更要到屯門市中心忙碌shopping, 行程十分緊密!!

媽媽大肚關係, Matthew最終都冇報Rockababy, 改在元朗上PG, 內容遲些一次分享!

反而想講講當日的午餐地點, 這間3 Time其實已經開張一段日子, 不過由於感覺好bar, 一直未有嘗試, 直到早前找尋Cafe La Vita時, 才發現OR上評價很正面, 所以Amber採訪前也來了吃!

當日首訪只是自己一個, 吃得份外輕鬆; 午餐頭盤是帶有fusion意味的泰茄子天婦羅, 炸得輕脆不油, 點上沙律醬又幾討好喎, 我buy! 

午餐由$40-52, 共有5款選擇, 另外又有5款飲品選擇, 免收加一, 都幾抵食



在年輕主理人阿君推介之下, 忍不住點了青檸梳打少冰, 成品十分清新, 在微熱的初夏飲用感覺實在太好, 與之後的辣味意粉也極匹配!

    

主菜點了蒜片黑椒牛肉意大利麵 ($52), 天啊, 那巨大的牛肉粒肉味很濃而且juicy, 中芯還略帶粉紅, 好吃極了!  而意粉除了口感al dente, 還帶有辣椒的甜與辣, 以及蒜片的香, 口味極其豐富迷人, 這碟意粉, 我會給100分滿分!! 

當日老公正好是學校假期, 馬上致電給他去試 (但就不是同時因我要接受探訪!), 他吃後也超滿意

所以上週六完了PG, 又帶埋姐姐三大一小去開餐, 這次我試柑桔梳打也不錯, 但青檸味會清新D~~

頭盤仍是泰茄子天婦羅, 仍然好吃, 為食Matthew仔好想好想吃!!!

主菜就點了三款一起分享, 首先是香草忌廉汁雞肉闊麵 ($52), 忌廉汁很香又濃, 平均的掛在口感適中的闊麵之上, 再加上適量黑胡椒調味, 很是吸引; 配料除了雞肉還有三色椒及蘆筍, 組合清新! 

第二款是扒金槍魚扒五穀包 ($52), 用料很足又靚, 粉嫩厚切的吞拿魚扒固然美味, 底下襯以香甜芒果及新鮮蕃茄片, 組合也很清新動人, Matthew當然又來搶食了!! 

還有當日special的墨西哥焗肉醬意粉 ($52), 那醬汁極其惹味開胃, 不過焗意明顯不及炒的口感好~

埋單$156, 其實真係好有質素, 遲D一定會來試更多食物選擇的晚餐 
又, 今餐爸爸影了超多Matthew的靚相, 或者遲D整個爆笑collection再出街啦~~

食飽係時間出發去Ethan生日party, Matthew好似知道有得玩, 沿路已經超high, 仲係咁食青檸! 


而當一去到, 爛玩豬即以9秒9速度飛奔去玩!!!!

睇真D, 個場又真係幾繽紛好吸引o既, Matthew同其他的小朋友都玩得十級開心!

至like依道梯矮矮地唔太高, 好適合歲半至2歲BB玩, Matthew去到好快就學識自己爬上梯, 同sir落去, 超級興奮呢!!

Oh, 依個係錯誤示範, 其實Matthew係識自己爬上梯的~~~
 


不如去片睇下Matthew仔點樣自己爬上去, 又sir落黎啦~~~ 爛玩豬真係好hyber興奮架!! 
  

     
  
仲有一段爸爸唔知幾時偷拍兩母子的片, 睇返其實幾sweet的, 原來我見到個仔係會不期然甜笑架! 

  

玩完一輪好動豬仲興起要爬上樓梯去上層, 都好, 爸媽都想飲啖水~~

傻豬仔第一次用即棄紙杯飲水, 竟然非常開心, 馬上由爸爸樣變成媽媽樣, 哈哈~~ 



進入戲玉環節, Ethan的party正式開始啦~~

Ethan父母好有心思, 除了準備好多食物, 仲有詩歌、出奇蛋, 以及立體蛋糕, 真係週到!

食野環節, 無論幾時都有隻為食豬要搶埋一份o既.............

個立體蛋糕好精美架, 不過Matthew仔扭眼訓到爆了 (梗係啦... PG之後一直直踩冇訓過!), 結果無緣品嚐就要帶扭計豬離開了~~~

趁Matthew訓著, 即同老公去屯門市中心勁入貨~~ 本來今次主要係幫Matthew買泳褲仔同短褲 (好快出發去墾丁啦!!!), 不過都忍唔住買左少少妹妹衫... 大家唔好尖叫, 圖中大部分都係朋友俾的, 但重點想講係---女仔衫真係靚太多啦!! 令到媽媽心底非常激動~~~~ 



所以, 各位千萬要祝我唔好食炸糊.... 又或者, 其實我在21週照結構之前, 都應該要忍下手!!