旅行返黎媽媽差不多散哂啦! 好在仲有一日清明假, 當日一家四口除了出去同班食友飲茶 (重點是吃麻蓉包.... 容後再記
), 其餘時間都在家攤抖, 以及爭取時間執相+寫遊記!
話說3/30 (六) 當日都幾早出發, 5:30AM就起身, 6:00AM就出門, 爸媽都覺得好眼訓呢~~
不過Matthew仔好似知道有得去威去玩, 晨咁早就好鬼精神!
), 其餘時間都在家攤抖, 以及爭取時間執相+寫遊記!話說3/30 (六) 當日都幾早出發, 5:30AM就起身, 6:00AM就出門, 爸媽都覺得好眼訓呢~~
不過Matthew仔好似知道有得去威去玩, 晨咁早就好鬼精神!
當日除了航班由8:55改早至8:00 (詳見昨日的分享), 驚喜仲有原來港龍會為BB準備BB餐~~
雖然依D果泥、糊仔唔再適合Matthew仔 (連梨汁佢都冇飲, 直接飲大人的橙汁), 但可以留俾妹妹享用喎, 就當係Matthew去旅行, 帶手信俾妹妹啦!
另外仲有baby wipe同尿片, 好週到丫!
機程只需一小時15分鐘, 真係好快, 去到高雄機場都未夠9:30AM! 始終早起, Matthew仔o係辦入境時又訓了~
不過好動豬只係小睡一小時, 到辦好手續爸媽「唱」埋台幣準備去搭車時, 好動豬就醒了!!
「咦, 依度咪傳說中的高雄? 比起香港熱D喎~~~」
奮鬥等旅遊大巴中~~~
我地10點幾上車, 去到總站都成點鐘啦! 如果係搭原定班機, 肚仔一定唔會approve (肚餓呀, 我地除了飛機餐只在機場買了2隻茶葉蛋頂肚), 不過依家就差不多剛剛好~~
去到resort好快拎到房, 又換件夏天衫 (日頭的墾丁真係幾熱!! 似6-7月的香港~~~), 就出發去醫肚lu
其實墾丁大街有好多選擇, 不過天氣咁熱唔想四圍行, 午餐就o係Resort附近的Smokey Joe's搞掂算啦
佢係一間美式墨西哥餐廳, 不過連意大利菜, 甚至中菜、台灣麵都有食, 其實都幾驚
今餐媽媽忙於幫Matthew仔開奶 (想佢lunch同下午奶一齊食!), 點菜交俾爸爸決定, 結果...
爸B點的義式炒綜合蘑菇 (NT$180), 即係意式炒雜菌, 非常大份, 有點點漏, 不過都勉強清碟
德式豬腳香腸併盤 (NT$580), 豬手皮糯吸引, 再熱D會更正, 但腸仔就好台式而非脆口的德國風味, 麻麻
仲有一份Smokey Joe's Greatest Bacon Cheeseburger (NT$380), 份量真係好巨, 而味道只是soso, 雖然我地好肚餓, 但頂多都只KO到一半咋.......
因為以上食物都唔太適合Matthew仔, 我地另外又點左Kid's menu套餐俾佢, 結果又係好大份!
依份Kid's menu包括有焗芝士煙肉通心粉、是日鮮湯 (粟米湯)、焦糖布丁、飲品及禮盒 (NT$260), 超級豐富! 除了餐湯Matthew幾乎飲完, 通心粉同布丁都有一半由媽媽解決, 好飽呀...
禮盒內有玩具同糖, Matthew仔梗係好開心啦, 不過好快就整唔到架車仔了~~~
Matthew要飲奶奶, 仲有一杯飲料就點了可樂, 並轉俾爸爸飲了~~~
今餐食了NT$15XX, 超超超飽, 仲打包左好多食物做下午茶, 搞到夜晚都冇乜胃口添~~~
之後返酒店換衫, 落一層去特大室外池開心游水!!
(轉用防水手機拍攝, 因有陽光效果都OK)
嘩, 個姿勢有無咁誘人呀?!?!
超級醒目look!!!
o係台灣好多飯店/酒店游水都有戴泳帽的要求, 結果爸爸買了一頂 (NT$50), 再加一副泳鏡 (忘了帶!)
兩父子落水啦!! 媽媽在岸上觀戰~~~~
超快樂的親子潑子時光!!!
雖然墾丁天氣比香港熱, 不過同時都超級大風, 濕左水都幾凍架!
所以玩+游左一陣, 我地決定帶Matthew去暖水按摩池度浸水了~~~
白白豬好可愛~~~ 過幾日佢就會曬到變黑黑豬了!!
游完水、沖完涼, 點解喊咁到淒涼? 原來扭眼訓了, 其實爸媽都累呀, 我地一齊午睡啦!
到我地再訓醒, 已經係七點, miss哂日落啦...
算啦, 更衣後又係時間出去食dinner, 順便逛下熱鬧的墾丁大街~~
發覺有好多車改裝成流動攤檔, 好特別好有風味呀~~~
酒吧~~~
買拖鞋~~~
當然少不了無數間夜市小食店~~~ 反而正式的餐館比起泰國少好多, 而且唔會太靚!
可能下就吃得太飽太滯, 去到夜晚都唔太餓, 第一樣買的竟然係冰淇淋 (NT$20)!
先申報一下, 我食得唔多, 主要係爸B仲有為食Matthew食的~~
老公大愛的臭豆腐, 氣味極其濃烈, 注定吃要它啦!!!
忘了NT$45定NT$55, 加少少辣醬都幾香幾吸引, 夜市小食真係好平~~
依D野好唔適合BB食, 我地去了一間早安！美芝城買飯俾Matthew食, 後來發現周圍好多分店
Matthew首晚的口糧, 係唔及日本的吸引架啦, 不過都算係飽肚又唔太油膩~~
繼續掃街, 老公想試炸鮮奶~~
甜甜地都幾得意~~
Matthew見到有狗狗, 又超級興奮啦!!!
食烤魷魚 (細NT$40), D醬汁好甜呢~~
依一檔好吸引, 不過下午先食完, 第2晚再黎試~~
仲有一間超級人氣王店, 去到想俾錢, 竟然話全部都有客人預留! 又係第2晚再黎試~~
去了最初經過的煎雞店Goodgee (試食覺得好好味!), 買了一盒外賣, 連同便利店買的台灣果啤, 返到Resort的露台慢慢hea~~~
好悠閒的時光~~
第一日行程就此結束~~~
留言
發佈留言