復活節墾丁 + 高雄之旅 DAY 4 (必睇video!)

其實爸媽都真心認為高雄冇野好玩, 原本打算2日一齊寫, 不過執執下發現Matthew的趣怪相超多~~ 所以, 都係分返開2日記錄, 就當係俾大家睇多D Matthew仔靚相 / video啦! 



起初我地唔覺墾丁特別靚景, 不過有高雄的灰朦朦的天色對比, 突然好懷念墾丁的藍天! 
搞到最後都冇上去85大樓的74/F觀光層 (收費NT$150, 比香港101抵) 鳥瞰全市風光... 算吧啦~~~
  
反而對高雄的野食有D期待~~ 依度係buffet早餐的地方, 都幾靚而且多款揀架!


媽媽懶得介紹, 直接去片俾大家睇食物選擇啦~~~






只係蛋都有多種食法, 唔錯, 當然如果有埋egg benedicts就完美啦~~~


 


即場煎蛋餅幾好食, 不過原來唔係每日有, 第2日就無得食啦~~



老公好鍾意食粥, 每朝例必整一碗~~


同墾丁間Resort一樣, 又係有粉麵食~~ 依度多埋刈包, 同埋白飯添!



有日式燒魚, 唔錯喎, 媽媽大肚後至like食魚了~~~


點心燒賣都有食~~~







Wow, 好開心, 終於有yogurt食啦! 雖然質地比較稀, 不過撈埋手工果醬 (係樓下Julian's出品) 都唔錯


牛奶及cereals係Matthew的主食!!



第一碟, 原來Matthew仔好鍾意食西瓜, 係咁搶!!



第2碟~~~


老公的~~~



我的, 超豐富, haha~~~


都係我的, 依個朝早食得好飽!!


食飽飽, 又去了餐廳旁邊的兒童遊戲室玩, Matthew仔又發達啦!!!


比起墾丁的resort少了波波池, 不過就有照妖鏡, haha~~~




Monster Matthew ar~~~~~


仍然有Matthew大愛的sir梯梯~~~
  

Wow~~~~


貪玩豬連依個咁高咁長都夠膽去試去玩!!



Matthew仔真係200個好動啊~~~~ 



DAY 3抵達當日係4/1, 室內泳池冇開, DAY 4早餐後亦去了游早水~~

老公第2日去埋同層的Gym房健身添! 好神心, 我就當然選擇同Matthew訓懶覺~~


話說金典的泳池一樣要求泳客戴帽, 而且連BB都唔例外!
初時好擔心Matthew會唔鍾意係咁扯, 不過佢的接受度又比預期中高喎, 仲好cute添 
 

之不過唔知係咪太興奮, 換上泳褲冇耐後, Matthew仔瀨尿了!!!! 


今次都係用Sony xperia拍攝, 不過室內冇陽光效果差好遠啦... 聽日帶返正常相機再拍過~~



其實我地今次真係好懶冇做功課, 完全冇研究過高雄有咩好玩..
問了酒店職員捷運係邊, 就由酒店步行過去 (其實有shuttle, 但一小時先一班), 順便逛下站旁的大遠百貨


除了司機帶買的牛肉乾, 我地旅程第一次買野竟然係Starbucks! 因為D櫻花杯真係好靚呀~~



當媽媽買得興高采烈之時, Matthew仔就在櫻花樹, no, 係櫻花杯下沉沉睡著~~
 

BB的睡臉好可愛~~~~~ 


逛了誠品, 不過依家香港都有, 無以前咁希罕啦~~~

無乜特別收穫, 都係去食啦! 去台灣成日都幫襯的Mister donut, 貪佢款多又唔太甜!


好可愛!! 俾依個兒童節推出的5Q吸引了~~~

買了一盒俾眼訓豬~~ 一陣醒過來一定好開心!!



又o係隔離買了超香的咖啡麵包食, 中間仲有流心吉士, 唔錯喎~~


 
聽講高雄左營一帶比較旺, 所以是日搭捷運去了左營~~
不過原來左營最旺點係巨蛋站先o岩, 我地落車的左營站除了轉高鐵, 冇乜野行架....
  

話完全冇野行又o岩唔哂, 因為步行5分鐘可以抵達一個國家自然公園~~~
不過園內仲有好多骨瘦如柴, 又兇神惡煞的野狗, 個樣頗恐怖令Matthew都冇「汪汪」叫...

而且去到咁上下, 就要行樓梯先可以再上, 要推車的我地no way la~~~


算啦, 搭的士去返巨蛋站先~~ 仲o係車上與醒來的Matthew享用了donut, 真係好cute呀!!


雖然唔算好肚餓, 不過行公園行到熱辣辣, 搵了間較舒服的餐廳食fine-dining~~



唔知係咪真係咁巴閉, 不過當日所試的食物都唔錯的~~~



餐廳以純白為主題, 樓底又高, 環境頗為吸引, 不過冷氣唔係好夠呢~~

Matthew都有自己的high chair同餐具, 好開心~~~

抵達之時正好2點, 可同時選點午餐同下午茶, 就各要了一份, 首先係餐包, 熱暖又微脆鬆軟, 有質素喎!


依度食物係散點 (晚市比午市menu更豐富), 而每款主菜加NT$120可轉套餐, 我地當然加

套餐包括餐湯、沙律、甜品同飲品, 首先餐湯係甘筍南瓜湯, 蔬果味好天然, 俾Matthew飲了超多!


之後沙律也很新鮮, 當中菠蘿尤其好食, 不過最吸引仍是同上的手工芝麻醬, 極香極甜!




爸爸點了Carbonara (NT$360), 成品超級足料, 除了大量煙肉、洋蔥、蘑菇, 仲添加了三色椒絲, 不過組合都幾和諧好味, 尤其鍾意扁意粉彈牙有口感, 為食Matthew都食了幾條呢~~ 

飲品方面, 老公點的Iced Mocha都好靚呢, 仲有一個心添~~~
    

另一份下午茶都唔弱 (NT$280), 係墨西哥芝士牛肉卷, 份量好足而且芝士包既香又脆, 中間釀滿芝士牛肉, 再配上酸甜開胃的Salsa醬, 好好味呀!! 
 

套餐仲有一份甜品綠茶布丁, 都OK, 另外本來仲想點Tiramisu, 可惜無貨, 於是改點雪糕芭菲, 但點知漏單, 算了, 埋單出去食過~~





我就要了簡單的熱紅茶, 就完成舒服的一頓輕餐~~ 加一後都唔駛NT$1000, 依度消費真抵!
  

大家以為依餐Matthew食得好悶??



Nonono, 其實好動豬不知幾high就真! 又抬腮 (媽媽超超超超冧的, 必睇!!), 又肉緊, 表情多多笑C人呀! 睇下爸爸苦心泡製的合成片啦~~~
 


食飽飽, 一家四口又出去慢慢行, 陽光普照的天氣下, 等Matthew都戴下超做型仔先! 


 



去了逛漢神巨蛋, 係一間好多野睇+買+食的日式百貨~~~


 
媽媽在六甲村睇中好多野, 餵奶bra、束褲、收復帶、etc...
不過依家階段仲早, 好多size未家, 最終只敗了兩樣野only~~~

但送的野超多!!! 開心到C9仔了~~~~ 


媽媽shopping時, Matthew就o係依個size玩, 大商場都有大商場的優點呀!



同層仲有機動遊戲, Matthew又係好好奇、好鍾意!!


之前未食到雪糕, 去了Bigtom完成心願~~ 佢的雪糕係媽媽至愛的香滑得來creamy + sticky型, 好正架! 


依個雪糕蜜糖吐司好好好好味!!  賣NT$330真係好抵~~~




每年多士都烘至金黃並點上砂糖, 好香好脆好香好味!!!!



又點了一壺raspberry茶共享~~~


 
順便俾Matthew仔嘆下午奶~~ 雖然, 為食豬對吐司興趣大好多!!!
  

之後搭捷運去美麗島一帶, 我要食地道的高雄小王牛肉麵呀!! (香港食評見此)


爸爸好衰架.......... 


好飽添, 只食得落一碗細的半筋半肉麵.. 牛肉水準相約, 湯底就明顯比香港的清甜, 好好好飲!! 

亦encore了滷超厚牛肚, 滷水味比香港店明顯較淡, 但辣油就勁過香港店超多, 想噴火丫! 但好食架 


我地係食得咁乾淨的.. 而且比香港平, 2樣加埋都唔駛NT$400, 可惜佢都幾遠水路, 唔係真係會日日黎食!



太辣了, 去了茶之魔手點了點過的波霸奶綠, 不過今次叫半糖, 都比墾丁的少糖甜?



之後順路去睇旅遊小冊子話必去的六合夜市~~~


Show下爸爸的大機照~~~



其實.... 我地覺得無乜野好睇好買....... 全程只行冇買過野食~~~


反而個車站夜景幾靚幾有特色, 留影了~~~


o係地下的廣告牌見到一個女版Matthew.. 心諗如果妹妹生到咁樣, 都幾好丫 


結果返去我地住者的三多站, 去便利店買蕃薯食~~
因為老公同Matthew都好愛蕃薯, 而蕃薯的確營養豐富, 而且便利店的出品係好食架!


又去50嵐encore了墾丁飲過的茉香綠茶, 始終飲過有信心保證D~~~


我食唔落野了, 不過都要餵飽Matthew, 就去一間較多人的地道小店, 點了雞絲飯
魯肉部位大部分落左爸爸肚, 煎蛋都係, Matthew就食雞絲撈白飯仲有恰蛋, 飽飽~~
    

返到酒店係最開心的時間, 因為我覺得全高雄最靚最正就係住緊間酒店!!

雖然每次返到去, Matthew都會同我爭生果而大喊..... 


不過當見到Julian's的精美甜品, 為食豬又開心返lu~~
冇錯, 媽媽特登留肚, 想試埋佢的蘋果批, 真係好香甜, 皮又夠鬆化好好味喎! 


反而Tiramisu只係一般, 芝香同酒香都唔太夠, 唯一好處係食完可以有個兜仔留返~~~



就係咁, 旅程的最後一晚過去... 聽晚就要返香港啦~~~

** 想得知最新飲食情報,可追蹤 甜魔媽媽;欲得知甜魔一家消息,就追蹤 Matthew and Chloe 吧~~

沒有留言:

發佈留言