Beef & Liberty ~ 奶昔好得! 其他...

連出多篇試食後,也是時間寫一寫自己的食記。上週六,又是HIM的聚會,今次揀來新開不久的Beef & Liberty大嘆漢堡餐,不過食物有得有唔得,好壞參半! 


Beef & Liberty位於金鐘永豐街23號,就是在Pizza Express的樓上。店內樓底很高,陽光自然投射進去,加上裝修別致悠適,予人感覺相當放鬆。不過可能因為食客不少,服務就差一些,是日我們五大兩小 (計上Chloe妹妹及未出世的小吉) 被安排就在四人卡位,相當之逼呢!




出門時給Matthew糾纏了一會,甜魔媽媽是日遲到了,真不好意思。到達之時頭盤食物已經上檯,首先是烤豬肋骨條 ($68),賣相相當吸引,但除了份量較小一客只有4條,另外是調味的蜜糖燒烤醬比較輕手,吃時反而是強烈的豬躁味,不好此味者勿點!!


另一頭盤是韓式炸雞翼 ($62),雞翼尚算香脆,水準正常,其實那辣醬味可以再突出,但令人不滿一客只有四隻,太孤寒了點吧?
 

然後HIM選點的三色奶昔 ($68) 也上檯了,甜魔媽媽分別試了CEO及文迪的雲尼拿味奶昔,以及Ivan的朱古力味奶昔;前者帶有點點雲尼拿籽在內,味道天然香甜,十分吸引,但酷愛朱古力味的媽媽當然更愛朱古力奶昔的超香濃、濃稠與馥郁,那感覺有點似在吃XTC的特濃朱古力味雪糕! 馬上又加點一杯朱古力,飲得十分痛快,筆時也在回味~~~~


然後主角的漢堡也上檯了,這是點了兩份的煙肉芝士漢堡 ($108),賣相是吸引極了,但其實吃來中間牛肉不夠juicy,重點是調味太輕,其實沒有多少味道;芝士看似豐富,但味道也不夠濃烈,以此價位來講口味稍嫌單薄了些,有些失望。
 

另一款是脆炸雞肉漢堡 ($82),要讚雞肉炸得不油,份量也夠多,加上火箭菜的配搭也較為清新,不過雞肉本身可以再juicy一些,cajun aloli醬也可以再多些。


相比主打的漢堡,其實甜魔媽媽反而更愛這裡的薯條,特別這客看似簡單的Liberty薯條 ($28),成品粗身、外脆內軟糯可口,十分出色。而每客薯條還附一份自選醬汁,當日選了微辣滋味的Cajun Aloili醬,以及清新可口的薄荷青瓜乳酪醬,兩者都與薯條十分匹配好吃!



另外也點了蕃薯條 ($32),成品也是炸得香脆不油,加上混了少量香草在內,口味更加豐富,淨食抑式點醬都很不錯。


來到甜品環節,我們點了Warm Skillet Cookie & Cream暖曲奇配奶油 ($48),一大塊厚身的美式曲奇先上,然後侍者再捧來奶油即場淋上去而成。




令到大家不快是我們要求自己添醬,以求用較佳角度拍下整個過程,但被侍者頗惡的一口拒絕! 甜魔媽媽算是影得夠快手,總算留下了過程圖,其他食友很多都只是拍到最後這個「一PAT野」的完成圖,十分的失望!


也講講味道方面,它的美式濃甜口味雖然不差,加上香滑的奶油更加吸引,不過那質感其實是太硬也實了。相比之下,Mrs Fields的曲奇會更加出色呢。



不過招牌的曲奇餅都不算差了,如果與這款Apple Pie with Creme Anglaise ($58) 相比,因為它真是質感粉糊,一PAT野又十分的韌口難咬,完全唔知想點.... 超難吃!!! @@ 最後剩了大半....


此店不收加一,但埋單也要人均$173,其實是不太抵食。其實當日的下場@ Cafe Deadend會來得精彩很多,不過由於天氣不穩,帶著Chloe妹妹媽媽不敢冒險,只有放棄了。


無論如何,感謝Ivan的心意手信,十分美味,而且回家也帶來另一個驚喜;沒錯,又是時間給小甜魔Matthew出場發威了!!

Matthew: 嘩,綠茶朱古力,正野喎!!
Matthew: 妹妹,妳有得睇冇得食~~~~



Chloe妹妹: 算啦,咁我食鞋囉....

嘩,哥哥,轉眼間你做乜搞成咁??
SOOOOOO DIRTY!!
仲要搞到Chloe妹妹都污糟哂.....
小兄妹實在太可愛啦~~~~~ =)

Beef & Liberty
地址:金鐘永豐街23號2樓
電話:2811 3009
網頁:http://www.beef-liberty.com/hk/
 
** 想收到兩小兄妹的最新消息,可以like一下Matthew and Chloe fanpage哦~~

10 則留言:

  1. 淨係咁突出嘅服務態度我已經唔會幫襯,尤其我係D就是唔出聲但塊面都會忍唔住黑咗嘅人,都唔想攪到同枱氣氛差嘛,所以如果事先知,一定避之則吉,若果避唔到,就最多食少少再搵下場!

    回覆刪除
    回覆
    1. 係丫, 所以ceo直情俾喊面, 不過我就俾面杯milkshake, OK就算啦! 希望餐廳見到食評, 會改善服務

      刪除
  2. 哎喲妹妹露底呀好誘惑嘅肉腿^0^

    回覆刪除
    回覆
    1. 係丫, 依條裙仔真係200個靚同sexy~~~~ XD

      刪除
  3. 事實真的只有奶昔較為滿意, 漢堡真的有點失望!
    妹妹似個小模特兒呢 :DDD

    回覆刪除
    回覆
    1. 佢奶昔得不過都好貴,都係冇咩意欲返兜~~

      遲啲小吉同Chloe一齊扮靚靚! ^^

      刪除
  4. 回覆
    1. 有,仲要都幾勁下,真係唔多掂

      刪除
  5. 你要多些自己出錢食野先明白試食同自費的分別,做返地球人。

    小角

    回覆刪除
    回覆
    1. 努力希望做到一半一半啦!

      刪除