嘩哈哈哈，為食的甜魔媽媽其實上週五已經在坐月期出街食飯了! 嚴格來說這也不算越獄啦，因為是慶祝嫲嫲的生日，沒理由繼續又要她煮飯嘛；原本大家甚至想到不如大家落樓吃飯，媽媽一個留家吃飯算了，但經過一番討論，最保守的嫲嫲最終也批准媽媽落街了，於是一家人就到了樓下的
飛陽砂鍋粥潮州打冷小廚吃飯啦~~ ^___^
 |
| 當晚的菜式，終於不是雞酒／薑醋了!!! |
其實食物只要其要，媽媽能夠落樓呼吸一下新鮮空氣，已經很開心了! 講真，人奶媽出街吃飯並不算方便，當晚媽媽都沒敢碰
蠔仔粥 (因為味精多)；也沒怎麼吃
滷水鵝片，本來鵝我一向沒禁忌，只是見大家喜歡就不多爭了，而且見到底下的豆腐，我傷心啊.... > < (妹妹腸胃受不了寒涼的豆腐!) 去到
魚香茄子煲也怕太油，只淺嚐了2件；全晚吃得最多的，是
金銀蛋莧菜，以及
菜芯炒牛肉的菜芯，牛肉也沒多吃，因為覺得「拿」得非常緊要；最後
沙拉骨也吃了件半，再加白飯一大碗!
不夠飽? 不會啦，回家還有蛋糕呢；從來嫲嫲及婆婆每年的生日都很近，今年更是只隔一天，所以當晚也一起慶祝了! 不過大家心裡都知道，吃蛋糕的主角其實不是任何一位9月壽星，而是下個月才生日的Matthew仔~~
 |
| 又有蛋糕食／吹，Matthew仔最開心了!!! |
不過好動為食豬Matthew玩了整個下午，晚餐時已經沉沉睡了，去到8點媽媽才勉強捉他起身，但明顯有人未瞓夠呢.......
 |
| 我仲係好眼瞓呢...... |
 |
| 唔，但又冇理由錯過吹蠟燭架...... |
 |
| 好，要精神!!!! |
又睇下爸爸影的大機相啦，明顯為食Matthew對影合照興趣不大，雙眼注意力只放在蛋糕上...
嫲嫲抱埋妹妹來影相，有人等到不耐煩，打哂「喊露」!!!!! Hahaha~~~~ 最後再來大合照時，有人直情面露兇光了......
 |
| 打哂喊露 |
 |
| 面露兇光 |
好啦好啦，俾你吹完快快食啦!!! Matthew都不知今年吹第幾個蛋糕了，不過仍然超級鍾意；而更加開心是之後自己分一大件大蛋糕，不要小看他，為食豬真的吃得完的!
 |
| 我唔止獨自分一大件蛋糕，仲要自已叉來吃!! |
 |
| Yummy!!! |
還有當晚其他花絮~~~~~~~
 |
| 叔叔、嫲嫲、爺爺與妹妹 |
 |
| 婆婆與妹妹 |
** 想收到兩小兄妹的最新消息，可以like一下
Matthew and Chloe fanpage哦~~
爸爸同叔叔好似樣呀...
回覆刪除係丫, 佢地兩兄弟好似樣, 只係叔叔較瘦, 爸爸就中年發福....!! XD
刪除嫲嫲及婆婆每年的生日都很近，今年更是只隔一天 <-- 佢地慶祝舊曆?
回覆刪除matthew仔個樣真係好眼瞓...所以目露兇光都絕對正常 XD
婆婆慶祝新曆, 嫲嫲就慶祝舊曆, 不過依幾年keep住都好近呢~~
刪除matthew擺到明勁唔妥我地影咁耐啦... 目露兇光真係笑C我! XD
祝嫲嫲&婆婆生日快樂,身體健康
回覆刪除代佢地多謝妳呀~ ^3^
刪除matthew訓緊覺都肯起身冇喊都唔錯嫁啦
回覆刪除梗係啦, 佢知道有蛋糕食／蠟燭吹嘛, 起身時自己都係度「happy birthday....」啦!! :p
刪除祝婆婆嫲嫲生日快樂，身體健康，開開心心^^
回覆刪除Matthew 真的無論眼訓呆豬, 為食樣定兇惡樣都一樣咁可愛，wakaka >3<
代兩老多謝妳呀~~ ^3^
刪除內地標準，乳母每日攝取量：鈣1200mg、鐵25mg、鋅21.5mg。
回覆刪除你自己計下數下，不要相差太遠。
haitang
最怕計數, 總之我會keep住3份高鈣食物 (奶/芝士/遲d yogurt), 然後盡量揀高鈣的菜/豆食啦 :p
刪除鐵質依排食得肉多, 應該都冇少, 但鋅就唔記得邊度吸收添??
祝婆婆嫲嫲生日快樂!! 你好快就坐完月啦!!!
回覆刪除多謝, 我超想快到d到9/30呀, 個日我會提早俾自己放監去慶祝老公生日, haha!!
刪除Matthew就快可以吹自己生日蛋糕啦
回覆刪除仲要過埋爸爸的假生日, 就到matthew真正的生日啦, haha~~
刪除嫲嫲每次同兩粒乖孫影相都笑得十級燦爛!!
回覆刪除比個like嫲嫲先!
梗係啦, 真係心肝寶貝金孫黎架~~ ;)
刪除祝女麻女麻生日快樂
回覆刪除叔叔同爸爸超似樣呀...我頭先一睇...真係以為係爸爸呢...
代嫲嫲多謝妳~~
刪除haha, 其實細心睇下, 叔叔比爸爸瘦好多好多呢!! XD
為食豬matthew打住「喊露」切蛋糕,但一食蛋糕時就精神晒,笑死ee
回覆刪除梗係啦, 超級為食豬黎架~~
刪除