時間過得真快，來到今天，Chloe妹妹2週大了!!
還記得當年Matthew仔2週大時，媽媽才第一次上facebook update BB的照片；而今胎由於精神好多了，其實在facebook fanpage中每天都有新照片上載，但當然最全面的update還是要到blog內看看~~
9/9 (一), 是Chloe再到健康院睇黃的日子，當日的結果真的令媽媽頗意外的，因為妹妹繼上週五睇黃後，體重竟然毫無進展，保持在3.68KG，而黃疸指數仍然高企...
 |
| 我第3次去健康院檢查!! |
只餵一邊胸的話，妹妹日間差不多2小時就要吃一次，夜晚則仍保持3-4小時一次的吃奶習慣；不過由於餵單邊的時間較短，由先前的30-35分鐘減至15-20分鐘，那密度仍是可以接受。反而是媽媽自己，因為每邊胸最快都要4小時才清一次奶，初期要習慣永遠有一邊胸「谷谷地」的感覺，還好幾天後也適應了，最緊要是touchwood so far還未有塞奶的問題!
 |
| Chloe: 每次我吃飽了奶，就會嘟起小咀，再餵我也難了!! |
9/10 (二) 是非常論盡的一天，因為一家四口居住的屋苑全部單位內停電!! 停電真的很麻煩，大家唯有暫到嫲嫲家中休息；其實帶備的行李不多，但同時還要處理雪櫃中的5支冰奶，要雪一大袋冰帶來帶去，很麻煩! 不過挺開心的是，首次與妹妹一起出門的Matthew，很細心拍拍妹妹，充份彰顯了好哥哥的風範~~~
 |
| 停電的一天，兩兄妹首次一起出門，Chloe首次到訪嫲嫲家，Matthew就第N次整古做怪!! |
停電由早上10點至下午5點，不過其實4點多已恢復供電，我們又可以回家了! 回家第一件事當然是趁天氣仍暖給妹豬沖涼，嘻嘻，貼一張浴照給大家看看吧~~~
媽媽要寫natures purest的試用報告，就讓妹豬再Hug me bear玩了很久，一直到睡著~~~
9/11 (三) 是再到健康院覆診的日子，妹妹的黃開始退了，而且轉了多餐少食、每次只餵單邊 (可以吃多點後奶，之後去水便的情況減少了) 後，兩天間重了0.11KG去到3.77KG，成績很好，醫生說不用再覆診，之後9/17再到健康做半個月的體檢就OK了，感恩!
其實，今胎媽媽真的沒有懷疑過妹妹吃不夠奶奶呢... 除了每天超大量的大小便便，每次給她沖涼時，見到那巨大的肚dup，就知道她的的確確吃飽了奶奶!!! 不過當日下午因為媽媽吃了不少豆腐，妹妹又痾了超勁的一次 (詳見坐月飲食一文)，令到媽媽很歉疚.....
.jpg) |
| 很大的肚dup，不過令妳肚痾，始終是媽媽不好! |
這天還有一件很爽的事----頭痕已久的媽媽終於第2次洗頭了!! 沒法子，嫲嫲真的很保守，叫我盡量不要洗頭 (上一胎連沖涼也不建議，直到塞奶時姑娘教沖花灑會有幫助，才自此開了例)，要洗也要特別煲來洗，真不方便啊..... 唉，來到今天也要再爭取多次!
9/12 (四) 這天可說是黑色星期四，不知是否前一晚兩部冷氣都開得有點大，兩兄妹都有點點著涼呢... 妹妹Chloe只是呼吸有點濁，其他一切正常；哥哥Matthew比較嚴重，明顯是打敗仗了，沒有胃口只想昏睡，下午還開始發起燒來了.....
 |
| 可憐的Matthew仔...... |
 |
| Matthew仔: 我可以食大蕉取代吃藥嗎? |
還好這天的妹妹仍舊乖巧又好湊，乖乖的吃飽了就玩／睡，痾濕了才偶爾哭一兩聲，才沒有給媽媽造成額外的壓力~~~
9/13 (五) 來到這天妹豬基本上完全沒事了 (初生BB有母體的抗體保護，很少會病的~~)，挺精神的玩了很久，媽媽也趁機給這個愛睡、少有開眼的寶寶拍了不少照片~~
 |
| Chloe: 其實我有D擔心哥哥呢... 他的情況如何呢? |
 |
| 起初疑惑的眼神...... |
 |
| 慢慢地又笑逐顏開了~~~~ |
 |
| 嘟起可愛豬咀準備想吹了~~~ |
 |
| Happy Birthday to you! 下個月就是你的2歲生日了~~~~~ |
9/14 (六) 又到週末，爸爸也在家，可以與妹妹有多些互動了! 因為來到第2週，Chloe妹妹除了日間醒的次數／時間多了少許，夜晚大部分時間還是昏睡... 媽媽估計她的清醒時間只有2-3小時呢! 還有，別看妹妹的樣子斯斯文文的，其實她發惡時都幾得人驚架~~~
 |
| Chloe: 我很溫柔，不過我也很惡!!!! |
另一方面，來到這週妹妹嬌嗲的性格慢慢浮現出來了~~ 夜晚昏睡的她，當然不會扭抱甚麼的，但日間她主要是淺睡為主 (睡半小時至一小時，過程中會紮動；也有一兩次的沉睡，動都不動的那種)，有時突然醒了就會扭抱。如果家中有其他照顧者有空還好，一般抱多一陣都令她安靜下來，甚至舒服睡著；如果只得媽媽有空，她大概聞到奶味就會扭要吃奶，令到媽媽覺得有點煩呢，因為不想她將媽媽的乳頭當是安撫奶咀啊! 不過育嬰指引又說未夠一個月的BB最好不要給奶咀，不然真的給她含個膠奶咀算了~~
 |
| 爸爸的懷抱都幾好瞓~~~ |
也再一次給大家看看妹豬的大肚dup，真的圓鼓鼓的好飽滿啊~~~
 |
| 仲有最靚的(00)腩肉......... |
 |
| 另一件show「身材」的衫衫..... |
 |
| 咦，媽媽妳偷拍呀??? |
 |
| Chloe: 我最鍾意瞓覺!!! |
不過就算爸爸及Matthew有得返教會，也只是半天而已，下午又回到家，挺悶的哦.... 不過Matthew好動豬總會找到玩意，最近就迷上了puzzle，他真的懂得自己砌大部分的圖啊!!
 |
| 叻叻Matthew豬在書房玩puzzle |
來到下午有節目了，因為表妹夫婦連同7個月大的表姪仔，由重慶來香港旅行了!! 全人奶的表姪仔，長得非常肥美，並不比Matthew仔輕很多；而這個Matthew哥哥，一來就剝了人家的袜子，真淘氣!! 而甜魔媽媽也趁機請大家吃吃薑醋，吃吃月餅，稍為過一下甜癮，嘻嘻~~ (按: 其實由昨天起，甜魔媽媽已忍不住開始吃Godiva truffle朱古力；不過只敢是日間吃，而且每次只吃半粒...)
看一看表哥與表妹的分別，體型真的相差好遠啊~~~ 雖然媽媽想Chloe健康，不過並不想女孩子長得那麼壯碩啊.... 所以腸胃敏感一些，或者也是好事?!
照顧Chloe真的很舒服很方便，不過也因此令媽媽份外覺得坐月好悶想出街... 我在想，或者下星期就會破一破戒，在健康院的visit以外偷出一次街!! 待續吧~~~~
p.s. 今週餵奶難題---大概首胎餵了15個月人奶的關係，乳腺已經很鬆很開，很早就有噴奶反射，妹妹經常給嗆倒哦! 有時嗆得緊要，她又已經半飽時，就會停止再吃，有點煩~~
p.s.s. 早前講的餵奶專題，我還是會寫的，大概是下星期中吧，大家密切留意了!
** 想收到兩小兄妹的最新消息，可以like一下Matthew and Chloe fanpage哦~~
妹妹的肚dum 好可愛，嘻嘻，Matthew 哥哥好返哂未呀？
回覆刪除matthew仔好哂啦, 不過又到妹妹病, 唉, 希望初生bb的抗體可以保護佢打勝仗啦!!
刪除仔似老豆
回覆刪除女似你
係丫, 我覺得係第一胎似爸爸, 第2胎似媽媽呢~~
刪除第一張覺得似哥哥, 但睇睇吓又真係有d似陳茵薇:D
回覆刪除嘩, 正呀, 唔知陳豪幾時出現??? ^O^
刪除哥哥kiss chole果張相..我以前細果陣錫我妹都俾人影低過呀
回覆刪除好熟悉的pose^^
得閒Share黎睇下啦~~~ :D
刪除妹妹好底錫，愛睡，愛吃，幫了媽媽好大忙!希望哥哥早日康復，回復Matthew仔可愛本色!
回覆刪除哥哥好返哂啦, 不過今日好似妹妹有D發病.... > <
刪除BB真係要隔離好d!!
媽媽好勁，可以写咁多！
回覆刪除平時停电都麻烦，坐月+餵人奶+停电，原来更麻烦，好彩可以去嫲嘛家暫避！
謝分享餵第二胎人奶的經驗！我唔夠人奶餵一仔，頭幾個月無經驗餵得好la hea，所以若生第二個時，我最擔心係餵人奶既問題！
妹妹係自己瞓bb床，偶爾才和你地一起瞓，对吧？
係丫, 妹妹夜晚自己瞓小床, 係日頭淺睡時先會同我地一齊瞓下, 咁樣瞓得耐D架
刪除第一胎由於乳腺未通未開, 通常都會論盡d, 但妳有堅持餵落去, 乳腺應該鬆左粗左唔少, 下胎再餵會輕鬆容易好多架啦, 放心!!!
但bb头幾個月大，最好都不要同大人或小朋友瞓呀！
刪除下胎会容易d...哈，我会一直睇你的母乳教学;-)
同小朋友瞓一定唔會啦, 同大人瞓都係日頭擺近妹妹去自己度小休一下, 咁樣佢先瞓得好d... 衰妹今個禮拜醒多左, 超級痴人呀! 依點真係同男仔好唔同呢~~
刪除妳好乖呀甘聽奶奶話,我一出院第一時間去洗頭不過媽媽煲嘢比我洗
回覆刪除咁99對我真係幾好架, 阿媽反而唔理我咁多的 :P
刪除Matthew哥哥你好返未呀? 情深親吻妹妹嗰張真係好SWEET~~~
回覆刪除matthew好返哂啦, 不過今日好似妹妹有D發病.... > <
刪除BB真係要隔離好d!!
好好超可愛呢 ^^
回覆刪除多謝丫, 唔知以後有無機會一齊玩呢? hehe
刪除女仔瘦啲無所謂啦! 佢極大可能係繼承左你食極唔肥既基因!
回覆刪除但都一定要重到磅, 健康院先會放我呢... 聽日又去檢查了, 到時就知!
刪除人地話男仔通常似丫媽，女仔似丫爸
回覆刪除但你對仔女真係相反
妹妹真係超級似你呀^^好深的雙眼皮...好細的小咀~~
我覺得係第一胎似爸爸, 第2胎似媽媽, 如此類推喎~~
刪除所以細佬應該似妳呀, 都係一個靚B!!
妹妺的樣子好標緻好靚呀！Matthew 仔好返未呀？
回覆刪除妹妹出世時係比哥哥靚好多呀, 希望大個左更加靚啦!
刪除matthew差不多好哂啦, 不過早前有d傳染俾妹妹, 依家有兩兄妹真係同以前好唔同呢, 要好小心交叉感染了~~~