繼續寫Matthew仔先~~ 升任做哥哥後，其實他的表現真的令人很驚喜，令到媽媽非常心甜；可知道，身邊許多朋友／同事的分享，都說大B非常妒忌細B，如果是家姐還好一點，因為女性天生有母性去照顧幼小，一般哥哥則只會呷醋／搞破壞，令到二任媽媽非常煩惱!!
 |
| 相親相愛的小兄妹 |
Matthew最令媽媽意外的，是他原來超乎預期的痛鍚妹妹，早於妹妹Chloe出世當日，Matthew已經兩次到醫院探訪；然而之前的blog也講過，產後病房其實是不准12歲以下的小朋友內進，起初老人家不知情帶了Matthew進去，後來被姑娘見到趕出來，Matthew一直喊著叫「媽媽!! 妹妹!!」聽到媽媽不知幾心痛!! 所以當晚能夠落床後，馬上步出病房去走廊抱抱乖巧的Matthew哥哥...
到星期一中午可以出院了，媽媽同妹妹一回到家裡，Matthew不知幾興奮，通屋開心亂跳，又到妹妹的床仔旁邊要拍拍妹妹入睡，最神奇是見到媽媽抱著妹妹餵奶也不會呷醋，超乖乖~~
 |
| Matthew溫柔拍拍妹妹進睡 |
另外，妹妹出世前，Matthew週日至週五晚同姐姐睡，週六晚才與爸爸媽媽一起睡；妹妹出世後，由於媽媽要半夜起身餵奶，所以連唯一的週六晚，也要安排Matthew與姐姐同睡了... 其實，Matthew是非常清楚妹妹是與爸媽同房的，因為每天媽媽起身後 (按：Matthew仔很早醒，媽媽一般起身較遲)，他都會衝到主人房，大叫「妹妹!!」，那份乖巧及不介意，有時令媽媽竟有點心疼!
不過Matthew到底是個23個月未夠的幼兒，有時大家都很擔心他會粗手粗腳傷到妹妹；事實上，經過多次教導，Matthew知道對妹妹要gentle、要溫柔，一般摸妹妹時都是輕輕力的，當然也有時興奮起來，忍不住要拍妹妹頭頭，又或在附近拿起硬物跑跑跳跳，那時媽媽與老人家就要非常小心護著妹妹了!!
要小心監督的關係下，媽媽能夠拍下兩兄妹的合照實在不算多，不過上週五也拍到了一連串小兄妹的珍貴互動，很難得!
 |
| 小兄妹握手，Matthew很溫柔哦~~ |
 |
| Matthew: 妹妹手仔好小哦~~~ |
 |
| 哎呀，又忍不住鍚鍚妹妹了! 還是濕吻呢~~ |
 |
| 好動豬又萌生了奇怪念頭..... |
 |
| 原來他要跳Gangnam Style給妹妹看!! |
來到上週六，爸爸給妹妹設計了動物園場景來拍照，之後Matthew又再一次忍不住鍚鍚妹妹了~~~ 哎呀呀，如此肉緊妹妹的哥哥，長大後可會非常呷醋妹妹拍拖??
到週日，爸爸媽媽樂壞了!! 因為好動Matthew豬超早起身後 (又要辛苦姐姐了...)，去到十點左右又睡了，媽媽可以在很安全又安心的情況下，給小兄妹拍合照了~~ 照片上載到facebook，很多人都說Chloe在哥哥Matthew身邊，顯得好像一隻細小洋娃娃；事實是Chloe絕對是大隻妹，只是未滿23個月的Matthew更加是超大隻，所以才有強烈對比!
  |
| 不過妹妹的表情有點不滿呢! 「我未瞓架，咁樣好曬呢~~」 |
 |
| 爸爸開了窗簾，令光線更充足~~~ |
 |
| 手機相機一起影!! |
影完兩兄妹，搞鬼的爸爸也來睡在旁邊，來個父子女的大合照~~ 覺不覺得他與Matthew的睡相真是餅印啊???
- 早幾個月買隻Mell洋娃娃，送給Matthew，告訴他讓他知道家裡將會有另一個小BB
- 給Matthew看他初生的照片，告訴他初生BB是小小的、皺皺的、醜醜的，將來妹妹也會是這樣的
- 告訴Matthew初生BB比較笨，只懂哭、睡，及吃奶，不似Matthew一般叻叻，懂得又跑又跳、游水、唱歌、讀字....
- 因此，媽媽叫Matthew做好哥哥本份，將自己懂的ABC letters、英文生字，ABC song（他已能夠唱完全曲）、finger family及其他兒歌，數數字等逐樣逐樣教導妹妹
- 這點很重要：每晚告訴Matthew「媽媽鍚兩個BB，一個是Matthew BB，一個是Chloe BB，媽媽兩個都鍚鍚~~」
 |
| 講起皺皺的小手，這就是一週大的Chloe手手... 也不算太小呢! |
 |
| blog友Jo媽講的ET腳~~ |
之後，當然又少不了情不自禁的要親親妹妹了..... ^3^
 |
| 永遠都是咀對咀的，超肉緊~~~ >v< |
對了，Matthew對於妹妹的用品也非常感興趣，經常跑來搞搞震；好動豬最喜歡的，就是將妹妹的清潔用品壘起，然後大唱「Happy birthday to you....」，haha~~
這天Matthew還將妹妹的吃奶記錄表弄丟了..... 之後媽媽在垃圾桶才找出來，這隻豬仔真是令人哭笑不得呢!
現時始終妹妹還小，現時主要是Matthew哥哥主動逗妹妹；很期待日後妹妹日漸成長，兩兄妹會有更多的動人的互動!!
** 想收到兩小兄妹的最新消息，可以like一下Matthew and Chloe fanpage哦~~
Matthew仔好man呀甘愛錫妹妹真抵錫
回覆刪除係丫, 雖然有時佢搞亂皮檔累我又要執手尾時覺得有點炆, 但overall Matthew都係一個又乖又抵鍚的好哥哥呀!
刪除一早叫媽媽您放心，Matthew 哥哥會好錫妹妹，果然無令我們失望，還連環錫添，wakaka, so sweet ＞3＜
回覆刪除係丫, 天父所賜的, 真的比我所想更豐富更美好, 感恩啦~~~
刪除放心，matthew絕對係個好哥哥呀
回覆刪除遲D Hannah都會係個好姐姐, 準2任媽媽一齊加油, 趁依個時段做好思想薰陶啦~~
刪除哥哥好乖呀, 睇到我好感動, 哥哥沒有被冷落, 媽媽唔應該心疼, 應該係窩心,欣慰至啱:)
回覆刪除妹妹個頭仔枕住哥哥果幾張相都好得意, 點解媽媽唔瞓妹妹旁邊影全家福.
冇錯, 我應該要好窩心、欣慰, 係有時產後情緒波動啦.....
刪除四口子全家福暫時都唔好, 始終坐月期間個樣好殘, 遲D化下妝、執好d個樣再影相, 費事嚇親街坊啦! :p
Matthew sooo sweet! Congrats!
回覆刪除多謝+好開心又多一個blogger媽媽, 快手圈妳+add落友好網誌先~~
刪除剛開始睇你個 blog 就係你拕仔仔嘅時候, 都可以話係睇住佢成長（從網絡上）
回覆刪除今日睇完呢篇文章, 連我都甜到唔洗食甜點, 好替妳高興呀!
多謝妳的支持呀! 以前妳都o係yahoo blogger? 網名係咩? 頭先browse下見到希臘的相, 超流口水呀, 遲D一定要慢慢刨!!
刪除從前在 yahoo 用 Dolphine這名字但最近才學習寫博文請多少多指教
刪除icic, 遲d得閒一定會去妳度慢慢刨文呀!!
刪除睇見matthew仔咁錫妹妹, 真係好感動.
回覆刪除世事無絕對, 好多人話女仔會好啲. 但我又親眼見到啲恐怖case...反而matthew仔既表現好驚喜呀!
張父子女既相好好笑呀! 不過你老公係咪詐瞓, 佢好似笑緊呀!
係丫, 世事無絕對, 好慶幸一切都比想像中來得順利, 超感恩!!
刪除父子女合照個張當然老公係詐瞓啦, 佢的戲比較屎, 一眼就俾妳睇穿啦 XD
佢哋三個真係好似個餅印咁
回覆刪除Matthew咁錫妹妹,絶對係一個好哥哥,真係好抵讚
我覺得Chloe同Matthew係有d似, Matthew同爸爸係十分似, 但Chloe同爸爸又唔多似呢~~ anyway佢地張合照真係好funny!
刪除會唔會遲D幫妹豬追個細佬妹呀??
Matthew BB 真係好抵錫呢 ^3^
回覆刪除下次黎探我地/party上記得錫matthew多幾啖啦!! ;)
刪除好感動又開心哥哥咁錫妹妹呀!
回覆刪除又謝分享點樣教定大b迎接細b!
妹妹面珠有d紅既?
唔好客氣, 做2任媽媽真係唔簡單, 妳又會唔會幫一仔追個細佬妹呀?
刪除btw, 初生BB都係紅紅黃黃的, 我諗都要差不多滿月先會變返白淨了~~~~
hehe...会追呀！
刪除good ar, 好期待收到妳的好消息呢!! 有左前人經驗, 一仔都一定會係個好哥哥呢~~
刪除哥哥真係好鍚妹妹呀...
回覆刪除媽媽見到真係咩野辛苦都抵返啦~
係丫, 咁妳遲d會唔會幫熊貓囡囡追個細佬妹呀??
刪除真係非常難能可貴～～～matthew好叻叻呀～
回覆刪除媽媽都非常感動意外~~ 不過出於好奇/貪玩, 間中有時matthew都會想打下妹妹的!
刪除