跳至主要內容

再訪朗豪 ~ 懷舊KT展 + The Backyard (Yahoo copy版)

既然妹妹繼續未有動靜, 8/28 (三) 上午辦完正經事, 下午時分媽媽同嫲嫲推了Matthew出去, 約同剛收工的老公, 去“Hello Kitty走過獅子山下”朗豪坊香港懷舊展影下相先~~ 
 


影相之前特登去對面雅蘭店的和民食Tea, 希望可以食到IN吐司盒子, 可惜又無貨!!! 


   不過除了可以重溫熱情果香芒茶, 老公又趁機影了幾張效果特別的照片, 幾有趣~~~
 


貪心為食Matthew 「(我要) 依個, 依個, 依個~~~~」 (當日佢真係咁講架 ) 
Matthew認得心太軟隔離係Ice-cream, 所以係咁講「Ice-cream, 依個」!!  

超搞笑的笑樣~~~~
 

打完底去影相啦!! 其實個場唔算好大, 而且未夠5點都有唔少人, 不過實在佈置得的確幾別致吸引呢, 我地照影了唔少相, 第一個主題係Matthew (及嫲嫲) @ 懷舊KT展~~ 嫲嫲真係好鬼鍚依隻孫呢~~~
第一個主題咁多張相中, 媽媽最鍾意就係依幅, Matthew似唔似摸錶等緊理髮店開門?  
 
然後第2個主題就係Matthew及媽媽 @ 懷舊KT展~~  其實同時身負Matthew and Chloe對媽媽來講真係唔野少, 不過又好甜呀~~
 


頭2張Matthew咁入神, 因為四樓大瑩幕在播佢最愛的PSY呀! 之後好動豬仔好快要求落地了~



媽媽都係冇依隻好動豬符, 都係交返佢俾嫲嫲看管算啦~~~   
至於媽媽, 就繼續影第三個主題 --- Chloe @ 懷舊KT展~~
 

當日特登著了KT裙去襯返個場景, haha~~
 

來到8/28, 大家有無覺得Chloe又大左呢? 
 


非常應景的一張~~
 
 
 
不過我唔止要休息一天, 而係要休息攤抖十個禮拜~~~


生仔我會希望佢醒目精靈, 能文能武, 但生女我同老公好一致, 最希望係妹妹要靚靚!!
 


最好以後嫁入豪門, 等媽媽唔駛憂!
 

冬瓜Chloe, 妳會幾時出黎見大家呀?? 
 
影完相並告別了嫲嫲, 我地一家四口接著去朗豪酒店飲野~~~~     成日聽講The Backyard環境好正, 早前見到Groupon出團購, 手痕買了一張$188二人餐試試~~   

送酒的小食~~~
 

成了Matthew仔的玩具, haha~~~ 

交哂俾老公處置的白、紅酒~~ (其實可以點果汁、汽水, 但飲酒好似抵D)

飲品冇評價, 但佢的小食真心好食, 依個酥炸蝦球伴海膽及三文魚子,配蛋黃醬非常香脆、富有鮮味又juicy, 老公大讚好正好正!!
 
 迷你和牛及西班牙黑毛豬肉漢堡都唔錯, 我好like佢中間的blue cheese dressing, 令到漢堡好香好吸引, 為食Matthew都食左少少呢~~
 

反而環境方面, 可能我地去的時間尚早只係6點, 仲未有入夜時的情調, 覺得一般啦~~
 

太耐冇團購, 冇留意條款要另俾現場加一, 食完打算就咁走人, 結果俾人叫停, 好樣衰....

雖然只係小食, 但加埋早前的Tea都飽哂了, 夜晚返到去再KO埋ToTT's送的蛋糕啦!!
 

又有蛋糕同蠟燭, 最開心當然又係Matthew仔啦, 歌都未唱完就吹熄左蠟燭啦~~
 
  http://www.youtube.com/watch?v=YEc7acAL0vM
   
最後再來張開心大合照, 相信下次再同蛋糕合照之時, Chloe已經出世, 十分期待呀~~
  

 
** 來到39週, 媽媽真係隨時作動入院生得!! 由於Yahoo Blog係預先寫定set時間出街的, 未必咁快update到, 如想緊貼情況, 請likeMatthew and Chloe fanpage, 以得到最新通知
 
** 真係估唔到Y! Blog要執.... 可能會改去 --> http://gourmetyan.blogspot.hk/, 但一日未肯定前, 同時最好大家Like定Matthew and Chloe, 以保持聯絡呀! 

留言

  1. 回覆
    1. 係丫, 我今日起開始精神d, 希望weekend可以打起妹妹出產記啦~

      刪除
  2. 我想問你件KITTY 衫在那裡買GA?

    回覆刪除
    回覆
    1. hehe, 習慣左手o係yahoo reply左添, uniqlo有架, 趁未轉季快d去睇啦!

      刪除
  3. MAMA 您件KT 衫超襯, 哈哈~
    妹妹果時O係您肚真係超超超大個呀~
    呢輯相好靚, 好可愛~
    嘻嘻
    Matthew 哥哥真係好可愛, 好鬼馬
    >3<

    回覆刪除
    回覆
    1. 事實chloe真係好大隻妹, 而哥哥matthew則無論幾時都係媽媽的心肝寶貝~~~ ^3^

      刪除
    2. 事實係兩個都好可愛, 當然兩個都是心肝寶貝啦, 嘻嘻>3<

      刪除

發佈留言

此網誌的熱門文章

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~