跳至主要內容

Matthew做哥哥 ~ 小兄妹的珍貴互動

繼續寫Matthew仔先~~ 升任做哥哥後,其實他的表現真的令人很驚喜,令到媽媽非常心甜;可知道,身邊許多朋友/同事的分享,都說大B非常妒忌細B,如果是家姐還好一點,因為女性天生有母性去照顧幼小,一般哥哥則只會呷醋/搞破壞,令到二任媽媽非常煩惱!!

相親相愛的小兄妹

Matthew最令媽媽意外的,是他原來超乎預期的痛鍚妹妹,早於妹妹Chloe出世當日,Matthew已經兩次到醫院探訪;然而之前的blog也講過,產後病房其實是不准12歲以下的小朋友內進,起初老人家不知情帶了Matthew進去,後來被姑娘見到趕出來,Matthew一直喊著叫「媽媽!! 妹妹!!」聽到媽媽不知幾心痛!! 所以當晚能夠落床後,馬上步出病房去走廊抱抱乖巧的Matthew哥哥...

到星期一中午可以出院了,媽媽同妹妹一回到家裡,Matthew不知幾興奮,通屋開心亂跳,又到妹妹的床仔旁邊要拍拍妹妹入睡,最神奇是見到媽媽抱著妹妹餵奶也不會呷醋,超乖乖~~

Matthew溫柔拍拍妹妹進睡

另外,妹妹出世前,Matthew週日至週五晚同姐姐睡,週六晚才與爸爸媽媽一起睡;妹妹出世後,由於媽媽要半夜起身餵奶,所以連唯一的週六晚,也要安排Matthew與姐姐同睡了... 其實,Matthew是非常清楚妹妹是與爸媽同房的,因為每天媽媽起身後 (按:Matthew仔很早醒,媽媽一般起身較遲),他都會衝到主人房,大叫「妹妹!!」,那份乖巧及不介意,有時令媽媽竟有點心疼!


不過Matthew到底是個23個月未夠的幼兒,有時大家都很擔心他會粗手粗腳傷到妹妹;事實上,經過多次教導,Matthew知道對妹妹要gentle、要溫柔,一般摸妹妹時都是輕輕力的,當然也有時興奮起來,忍不住要拍妹妹頭頭,又或在附近拿起硬物跑跑跳跳,那時媽媽與老人家就要非常小心護著妹妹了!!

要小心監督的關係下,媽媽能夠拍下兩兄妹的合照實在不算多,不過上週五也拍到了一連串小兄妹的珍貴互動,很難得!

小兄妹握手,Matthew很溫柔哦~~
Matthew: 妹妹手仔好小哦~~~
很多人都講,囡囡是爸爸的隔世情人,但其實爸爸對於初生BB的好感麻麻呢~~ 反而Matthew哥哥更似是妹妹的情人,真的每朝早跑進媽媽的房間,見到妹妹後都想去親親妹妹的!
 
哎呀,又忍不住鍚鍚妹妹了! 還是濕吻呢~~
不過妹妹對於Matthew來講,持續好玩指數很低,通常摸摸、拍拍、抱抱、鍚鍚過後,好動豬又會另找娛樂,如這天他就想起要跳舞,而且是跳PSY的Gangnam Style!!
 
好動豬又萌生了奇怪念頭.....
原來他要跳Gangnam Style給妹妹看!!

來到上週六,爸爸給妹妹設計了動物園場景來拍照,之後Matthew又再一次忍不住鍚鍚妹妹了~~~ 哎呀呀,如此肉緊妹妹的哥哥,長大後可會非常呷醋妹妹拍拖??


到週日,爸爸媽媽樂壞了!! 因為好動Matthew豬超早起身後 (又要辛苦姐姐了...),去到十點左右又睡了,媽媽可以在很安全又安心的情況下,給小兄妹拍合照了~~ 照片上載到facebook,很多人都說Chloe在哥哥Matthew身邊,顯得好像一隻細小洋娃娃;事實是Chloe絕對是大隻妹,只是未滿23個月的Matthew更加是超大隻,所以才有強烈對比!





不過妹妹的表情有點不滿呢! 「我未瞓架,咁樣好曬呢~~」
爸爸開了窗簾,令光線更充足~~~
手機相機一起影!!

影完兩兄妹,搞鬼的爸爸也來睡在旁邊,來個父子女的大合照~~ 覺不覺得他與Matthew的睡相真是餅印啊???



在Matthew乖巧的背後,其實在其他媽媽的提醒之下,甜魔媽媽一早花了很多心思去教導/預先做好思想薰陶,今天特別想與其他媽媽分享,這些錦囊包括:
  1. 早幾個月買隻Mell洋娃娃,送給Matthew,告訴他讓他知道家裡將會有另一個小BB
  2. 給Matthew看他初生的照片,告訴他初生BB是小小的、皺皺的、醜醜的,將來妹妹也會是這樣的
  3. 告訴Matthew初生BB比較笨,只懂哭、睡,及吃奶,不似Matthew一般叻叻,懂得又跑又跳、游水、唱歌、讀字....
  4. 因此,媽媽叫Matthew做好哥哥本份,將自己懂的ABC letters、英文生字,ABC song(他已能夠唱完全曲)、finger family及其他兒歌,數數字等逐樣逐樣教導妹妹
  5. 這點很重要:每晚告訴Matthew「媽媽鍚兩個BB,一個是Matthew BB,一個是Chloe BB,媽媽兩個都鍚鍚~~」
希望以上的方法,也可以幫到其他的2任媽媽啦~~~

講起皺皺的小手,這就是一週大的Chloe手手... 也不算太小呢!
blog友Jo媽講的ET腳~~
來到週一,Matthew突然興起要重溫letter cards,令媽媽很是安慰;不過更加驚喜的是,他真的記住了媽媽的教導,想教妹妹認letter及生字呢!



之後,當然又少不了情不自禁的要親親妹妹了..... ^3^


永遠都是咀對咀的,超肉緊~~~ >v<
不過很快好動豬又興起要拍拍妹妹的頭頭... 還好現場已有兩位老人家馬上出手阻止,媽媽才能拍下這危險、但又珍貴的鏡頭!


對了,Matthew對於妹妹的用品也非常感興趣,經常跑來搞搞震;好動豬最喜歡的,就是將妹妹的清潔用品壘起,然後大唱「Happy birthday to you....」,haha~~


這天Matthew還將妹妹的吃奶記錄表弄丟了..... 之後媽媽在垃圾桶才找出來,這隻豬仔真是令人哭笑不得呢!
 

現時始終妹妹還小,現時主要是Matthew哥哥主動逗妹妹;很期待日後妹妹日漸成長,兩兄妹會有更多的動人的互動!!

** 想收到兩小兄妹的最新消息,可以like一下Matthew and Chloe fanpage哦~~




留言

  1. Matthew仔好man呀甘愛錫妹妹真抵錫

    回覆刪除
    回覆
    1. 係丫, 雖然有時佢搞亂皮檔累我又要執手尾時覺得有點炆, 但overall Matthew都係一個又乖又抵鍚的好哥哥呀!

      刪除
  2. 一早叫媽媽您放心,Matthew 哥哥會好錫妹妹,果然無令我們失望,還連環錫添,wakaka, so sweet >3<

    回覆刪除
    回覆
    1. 係丫, 天父所賜的, 真的比我所想更豐富更美好, 感恩啦~~~

      刪除
  3. 放心,matthew絕對係個好哥哥呀

    回覆刪除
    回覆
    1. 遲D Hannah都會係個好姐姐, 準2任媽媽一齊加油, 趁依個時段做好思想薰陶啦~~

      刪除
  4. 哥哥好乖呀, 睇到我好感動, 哥哥沒有被冷落, 媽媽唔應該心疼, 應該係窩心,欣慰至啱:)
    妹妹個頭仔枕住哥哥果幾張相都好得意, 點解媽媽唔瞓妹妹旁邊影全家福.

    回覆刪除
    回覆
    1. 冇錯, 我應該要好窩心、欣慰, 係有時產後情緒波動啦.....

      四口子全家福暫時都唔好, 始終坐月期間個樣好殘, 遲D化下妝、執好d個樣再影相, 費事嚇親街坊啦! :p

      刪除
  5. Matthew sooo sweet! Congrats!

    回覆刪除
    回覆
    1. 多謝+好開心又多一個blogger媽媽, 快手圈妳+add落友好網誌先~~

      刪除
  6. 剛開始睇你個 blog 就係你拕仔仔嘅時候, 都可以話係睇住佢成長(從網絡上)
    今日睇完呢篇文章, 連我都甜到唔洗食甜點, 好替妳高興呀!

    回覆刪除
    回覆
    1. 多謝妳的支持呀! 以前妳都o係yahoo blogger? 網名係咩? 頭先browse下見到希臘的相, 超流口水呀, 遲D一定要慢慢刨!!

      刪除
    2. 從前在 yahoo 用 Dolphine這名字但最近才學習寫博文請多少多指教

      刪除
    3. icic, 遲d得閒一定會去妳度慢慢刨文呀!!

      刪除
  7. 睇見matthew仔咁錫妹妹, 真係好感動.
    世事無絕對, 好多人話女仔會好啲. 但我又親眼見到啲恐怖case...反而matthew仔既表現好驚喜呀!
    張父子女既相好好笑呀! 不過你老公係咪詐瞓, 佢好似笑緊呀!

    回覆刪除
    回覆
    1. 係丫, 世事無絕對, 好慶幸一切都比想像中來得順利, 超感恩!!

      父子女合照個張當然老公係詐瞓啦, 佢的戲比較屎, 一眼就俾妳睇穿啦 XD

      刪除
  8. 佢哋三個真係好似個餅印咁
    Matthew咁錫妹妹,絶對係一個好哥哥,真係好抵讚

    回覆刪除
    回覆
    1. 我覺得Chloe同Matthew係有d似, Matthew同爸爸係十分似, 但Chloe同爸爸又唔多似呢~~ anyway佢地張合照真係好funny!

      會唔會遲D幫妹豬追個細佬妹呀??

      刪除
  9. 回覆
    1. 下次黎探我地/party上記得錫matthew多幾啖啦!! ;)

      刪除
  10. 好感動又開心哥哥咁錫妹妹呀!
    又謝分享點樣教定大b迎接細b!
    妹妹面珠有d紅既?

    回覆刪除
    回覆
    1. 唔好客氣, 做2任媽媽真係唔簡單, 妳又會唔會幫一仔追個細佬妹呀?

      btw, 初生BB都係紅紅黃黃的, 我諗都要差不多滿月先會變返白淨了~~~~

      刪除
    2. good ar, 好期待收到妳的好消息呢!! 有左前人經驗, 一仔都一定會係個好哥哥呢~~

      刪除
  11. 哥哥真係好鍚妹妹呀...
    媽媽見到真係咩野辛苦都抵返啦~

    回覆刪除
    回覆
    1. 係丫, 咁妳遲d會唔會幫熊貓囡囡追個細佬妹呀??

      刪除
  12. 真係非常難能可貴~~~matthew好叻叻呀~

    回覆刪除
    回覆
    1. 媽媽都非常感動意外~~ 不過出於好奇/貪玩, 間中有時matthew都會想打下妹妹的!

      刪除

發佈留言

此網誌的熱門文章

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~