Chloe滿月了!! 滿月飯@八月



來到今天,9/1出世的Chloe妹妹滿月了!! 一個月的時間說長不長,說短也不短,看著她由一個初生粉糰慢慢長至一個有肉地的小肥妹,感覺真的溫馨又奇妙呢~~~
 
也報告一下妹妹的生長情況:她初出世時3.71KG,及後收水至3.55KG,半個月時已升回4.01KG;至於滿月有多重,就要等明天到健康院打滿月針才知道,不過看她的大肚dup就知道,應該也不輕!! 吃奶情況大概是:
日間正常清醒時間 (即有吃奶、清醒、小睡的循環時) 2.5~3小時一次,早上7-10AM半醒未醒/夜晚8-10PM臨睡會索奶得較密,常會邊吃邊睡,但因上午媽媽也在睡,索性躺著側餵,就讓她嘆buffet好了;至於晚上媽媽也會邊上網邊給她嘆奶,等她吃飽點,半夜間基本上只需2:30AM左右餵一次奶就OK了!
 
初生Chloe除了明顯較初生Matthew痴身 (聽朋友說是女孩子的特性),有時日間沒有其他照顧者而媽媽真的要用電腦,唯有用揹帶揹著她 (因此其實出街時相對Chloe會更乖),其餘都算很好湊了!

由於今晚叔叔及嫲嫲都有事忙,所以Chloe的滿月飯提早了2天在屯門V city八月吃;新店非常之火紅呢,當晚我們5:40PM抵達門口已經出現人龍,還好一早訂了位 (分兩個時段, 5:30-8:00PM及8點後)呢!
 

店內裝修頗高貴,不過如素素所講實在是有點逼,同時也嘈,還好我們八大三小一B,被安排就坐較角度的位置,家人之間傾計尚沒問題~~


懶高貴的setting,不過餐具夠新的確加分
點了兩款不知名的茶,夜晚我都不敢飲了,但想講茶壺挺美的,哈!!


8月底才於八月花吃過一次 (詳見《八月花 Jasmine ~ 多年後再訪》),這晚有老有嫩又有餵奶媽媽,點的食物都差不多,主要是清淡健康為主。首先是雀籠點心 ($148),賣相逗得老人家很歡喜;內容則包括筍尖鮮蝦餃、鮑魚滑燒賣、雞絲脆春卷、娥姐素粉果、燕窩奶皇水晶包、菠蘿鮑魚雞粒酥各2件,我只試了蝦餃及雞粒酥各半件,前者很普通,後者則幾香口算不錯~~
 


很喜歡美心出品的中山蘿蔔蒸盆糕 ($58),因為蘿蔔很多很足料,這晚也點了一份,得到大家一致讚賞,為食Matthew也吃得津津有味呢!


公公喜歡吃叉燒,必點蜜汁叉燒皇 ($75),相信也是有很水準的;因為當晚我還未來得及試味,已經全部清光了!!
 

玫瑰豉油雞 ($75) 則是為玉仔姨姨而點,雞肉嫩滑,令媽媽寬心是味道不會太咸,所以也吃了兩件。


上回吃過有機腐衣鮮淮山 ($38) 相當回味,這次也encore了,淮山爽口、腐皮軟滑,又有胡麻醬的醒神調味,水準仍然,是款又美味又健康的小食!


媽媽想要吃多菜,又重溫了梅菜皇蒸玉蘭 ($70),不過其實梅菜還比芥蘭多呢!!


另一招牌之作的籠仔蘇薑星斑柳 ($98) 其實淡而無味,也會重溫只因魚及菜芯都是健康的食物,餵奶媽媽各吃了一大件!


生拆圍蝦炒滑蛋 ($88) 就是為了Matthew而點,雖然他一早吃飽了粥粥,但一見到蛋蛋又非常興奮了!! 事實上那蛋也幾滑了,大蝦也算爽,媽媽也吃了不少! (對,我不戒口海鮮的,相反想由海鮮吸收多點鋅呢~~)


還有一盅專為餵奶媽媽而點的清燉杞子土雞湯 ($38),記得初飲此湯是在星光行翠園,當時感覺很驚艷,可是晚重溫卻覺得味道太咸... 不過也飲光了,而且還連湯渣也吃光了~~~



瑤柱杞子浸菜苗 ($78) 又是健康之選,可知杞子除有明目之效,多吃還可以延年益壽呢;而清淡的菜苗在瑤柱的襯托之下,變得更加美味,不錯的!



生爆鹽煎肉 ($78) 也是推介菜式,幾香口的,媽媽也吃了兩條,另外將配菜的青紅椒都吃光了~~


大家雖已點了白飯 (我獨個KO了一碗!),也照點兩份迷你桶仔飯 ($22@) 來過一過癮,不過今晚沒試了~~~


還有擔擔麵 ($22@) 也點了兩碗,當然不是重慶的麻辣風味,花生醬味更重。


見人多有食力,飯後重溫了101鮮果拿破侖 ($78);巨大的甜品一上檯,為食Matthew就超興奮了!!! 結果為食豬除了吃了不少拿破侖餅 (他挺喜歡custard的!),還將伴碟的棉花糖絲也吃了不少呢~~


八月系的甜品選擇很多很豐富,不過媽媽覺得最好吃還是得得哋甜薄撐 ($26),不過今次就沒有為食Matthew的份了~~~


雖然今餐飯妹妹還是睡的多 (大家開餐前約5點媽媽先去餵了奶),但也有少量清醒時光,也與大家拍了一些合照~~~






當然Matthew仔繼續仍是永遠的焦點所在........ 他實在太多表情太可愛了!!!! 






還有一個video,可以一次過看到好動為食豬的百態~~~ (嘻嘻,爸爸在放侍產假真好!!!)


早開飯的好處是早點結束,當晚吃到7:30PM埋單,回到家裡才8:00PM,剛好夠鐘餵妹妹了,真fit! 而且媽媽也拆解了早前Freestyle奶泵的問題,原來媽媽雙泵當單泵用時忘了封另一邊喉,吸力全走了,所以才泵不成功! 結果當晚在餵完妹妹一邊後,試泵另一邊,15分鐘不夠就有近3安奶,據朋友講算是不錯,真開心!! 總算沒有花了冤枉錢~~ 不過其實餵奶經驗豐富的甜魔媽媽,在泵奶方面真是新手,仍有不少疑問,包括:

  • 到底2個key之間甚麼時間轉換? 還是任由auto mode就可以?
  • 力度怎才算適合? 第一次泵開了最高level,事後胸部很痺呢....
  • 我試著邊餵邊汞,不過漏了不少奶出來,到底要怎樣才可以邊餵邊汞呢?
  • Freestyle有兩組喇叭,分別是24mm及27mm,到底如何確定那組適合自己? 

有泵媽經驗,特別是用過Freestyle的媽媽,請留言分享心得!!
 
另外,之後一家四口在假期尚有豐富的節目,包括今天下午也有一場探訪! 很期待的~~~
 
  
** 想收到兩小兄妹的最新消息,可以like一下Matthew and Chloe fanpage哦~~

26 則留言:

  1. V city 八月真的好正,價錢都好公道,又可訂位,又好美,yummy ^^

    回覆刪除
    回覆
    1. 真係幾抵架, 同屋企人去食飯咪最開心囉, 反正老人家去太高級、太靜局的地方反而唔慣! :P

      刪除
  2. 話甘快就滿月喇...
    Medela 所有奶泵都有2set 喇叭架... 24mm及27mm 基本上shield既size樣, 分別係nipple 位既管口大細.
    用咩size要視乎你泵奶既情況... FB你.

    回覆刪除
    回覆
    1. 係丫, 時間真係過得好多, 仲有好多謝妳FB的分享呀!! ^3^

      刪除
  3. 不知不覺呀真係,原來已經一個月,咁即係你放監啦,哈哈哈!
    我開頭都吾識泵架,用單泵另一邊仲會流,所以都係用雙泵方便D,雖然要成日洗,但起碼我地可以輕鬆D,吾駛成日都要埋身做吾到自己野呀! 加油!

    回覆刪除
    回覆
    1. hehe, 未夠一個月都已經放監, 依家10月日日出街玩添呀!

      咁妳上胎係泵餵定埋身餵架? 美國有埋泵送, 真係好正, HK買電泵貴到喊呀

      刪除
    2. 我上次兩樣都有,不過佢大少少可能覺得埋身食得慢,所以我都開始泵了。 其實我有時都吾夠會餵出面買既奶架,不過食得幾多得幾多啦! 我都覺得好意外會有free pump送,哈哈

      刪除
    3. 餵出面買既奶 --> 係咪講緊媽媽奶呀? hk又係冇乜的, 焗著買超貴的奶粉!!

      刪除
  4. 嫲嫲 & 婆婆抱住兩粒孫個樣甜到呢。。。。
    Matthew 仲咩喊呀?

    回覆刪除
    回覆
    1. 為食豬食飽飽, 又化身好動豬想o係餐廳「跑步」囉!! 頂佢唔順呀~ ^_^"

      刪除
  5. chloe個樣真係好趣怪大D拍得住哥哥甘得意

    回覆刪除
    回覆
    1. 哎呀, 即係屋企遲D會有2隻小魔怪.....!!!!!

      刪除
  6. 時間過得好快呀。。。你可以放監喇!
    變態既我, 最鍾意matthew仔喊果幾張呀. wahahhaha.
    呢間啲野咁似八月花既?

    回覆刪除
    回覆
    1. HAHA, 我一早放左自己監啦! 不過正式坐完月, 感覺真係特別正~~~

      依間野同八月花, 八月居係同一group呀, menu都一樣咁滯

      刪除
  7. 回覆
    1. 為食豬食飽飽, 又化身好動豬想o係餐廳「跑步」囉! haha~~

      刪除
  8. 回覆
    1. Yeah, 自由的空氣真係太太太好啦~~~~ :D

      刪除
  9. Matthew 仔連喊個樣都咁可愛既...

    回覆刪除
    回覆
    1. hehe, 媽媽都特別鍾意matthew的喊樣, 所以post咁多張喊相~~ :P

      刪除
  10. Matthew 仔連喊個樣都咁可愛既...

    回覆刪除
  11. Matthew 仔連喊個樣都咁可愛既...

    回覆刪除
  12. 恭喜你放監~
    我有用freestyle,希望可以幫到你:
    到底2個key之間甚麼時間轉換? 還是任由auto mode就可以? <---部機咗邊有2滴水嗰粒係用嚟按摩、引奶陣,我通常都由佢auto轉
    力度怎才算適合? 第一次泵開了最高level,事後胸部很痺呢....<---呢啲好個人,有啲媽咪去到level5已經ok,我通常level 6至7
    我試著邊餵邊汞,不過漏了不少奶出來,到底要怎樣才可以邊餵邊汞呢?<--我無試過邊餵邊汞,幫唔到你
    Freestyle有兩組喇叭,分別是24mm及27mm,到底如何確定那組適合自己? <---啱啱到"合"實,唔會鬆又唔會緊得滯痛為之適合自己

    回覆刪除
    回覆
    1. 多謝妹豬媽的祝賀, 同埋咁詳細的分享!!! 我用用下越來越上手啦, 或者遲D又寫篇blog講泵奶, hehe

      刪除
  13. 佢真係好中意食飽飽跑步wo....尋日見到妹妹好可愛呀
    好想錫啖佢

    回覆刪除
    回覆
    1. Matthew係一等一的好動豬嘛~~
      chloe依家仲係比較一舊飯同貪瞓, 遲d到x'mas左右就會開始好玩架啦, 到時係咁鍚佢啦!!

      刪除