好消息!! Matthew仔再飲媽媽奶


隔了半個月,今天又來寫寫有關母乳的topic吧! 雖然上胎甜魔媽媽餵奶比今胎險阻重重得多,不過在克服最初的困難後,媽媽最後也堅持餵了15個月之久 (詳見:《媽媽奶停工計劃》)! 其實,那時是發覺陀了妹妹後才開始停奶的,不然媽媽還想一直餵到下去,直到自然離乳呢~~
 
但老實講,在開始停奶計劃之後,Matthew仔間中還是想啜啜媽媽奶的 (始終是15個月的習慣啊!),特別是夜晚扭眼瞓時。那時爸媽開始安排Matthew與姐姐同睡 (怕力大無窮的Matthew同床會踢到肚中妹妹啊~~),小小人兒不依之時,餵奶真的超級有效啊! 有時他扭得特別緊要的,媽媽也會給他啜一陣;加上新春去大阪旅行/復活假去台灣旅行時,一家三口都是同床,最後媽媽要到今年4-5月才正式停奶~~
不過即使在停了奶後 (我的定義是用手再也擠不出奶來),Matthew仔其實仍然懂得如何啜奶,也間中想啜奶;特別當大肚媽媽作狀要餵妹妹公仔,他也大大呷醋的~~ (所以媽媽一直認為妹妹出世後他一定會呷醋,很感恩,事實是沒有!!) 加上Matthew已經越來越大,懂得表達自己,在6月有幾次扭睡時,試過指向媽媽的胸部說「奶奶」,然後又好奇啜幾啖**... 我不知道他那時是否啜得出奶來,但就會想以後妹妹出世後,兩兄妹能一起吃奶就太好了!

** 按: 甜魔媽媽是陀B非常穩陣的媽媽,所以比較大膽;但大家不要學我,因為這樣真的有引致子宮收縮,導致早產的風險的!
 
很可惜,到妹妹出世之後,雖然媽媽這次的奶有多 (其實不是多了很多,每天只多5-8安左右),但Matthew仔似乎覺得自己是個大哥哥了,不再願意乖乖伏在媽媽心口吃奶... 有時媽媽到房間哄他睡覺,在沒其他人的情況下他有時會好奇的啜一兩口,啜到有奶還會叫「奶奶」,不過很快又不好意思的推開了! 所以媽媽還是實現不了同時餵兩兄妹的心願...
 
但隨著雪櫃的冰奶越來越多 (9月的冰奶是留來給10月試食時用的... 不過吃的速度及份量遠不及新泵出來的快及多! 有篇關於泵奶的blog文,會明天出街~~),開始有貨滿之患;同時,儲奶袋又實在太貴---甜魔媽媽已經不捨得買medela的儲奶袋 (~$180/20包),只用台灣製六甲村的奶袋,不過在荷花買也要$104/20包 (VIP價),除開也要$5有多,很貴呢! 所以精明的甜魔媽媽想出一條好橋---用got milk的朱古力味吸管,吸引Matthew飲泵出來的媽媽奶!
 
這款got milk的朱古力味吸管,8月在尖沙咀玩具反斗城shopping時拿過一支試用裝,Matthew不知多喜歡,由平時只飲半盒奶,變成一盒飲清光 (對,他現在較喜歡飲盒仔奶);而且這飲管強調沒有人工色素、沒有防腐劑、沒有人工香味,及沒有麩質,聽上去不會太無益。最重要是定價---$25/6支,比起儲奶袋便宜,一旦成功就可以解決貨滿之患,有著數呢!


媽媽知道以朱古力味吸引Matthew不是最好的方法,不過誰叫他真的不愛奶呢,就算是奶粉/盒仔奶時,也要靠添加朱古力味穀物/朱古力奶,來吸引他飲全日唯一的一頓奶,其他時間只好給點芝士/乳酪來補鈣.... :(
 
好了,公佈結果:計劃實行了兩天,在朱古力味的吸引之下,Matthew仔果然肯飲媽媽奶了,很開心!! =D  始終人奶比牛奶的吸收率會高很多,媽媽很希望這樣可以令Matthew吸收更多的鈣質、抗體及其他營養 (特別是DHA,媽媽現時每天都有吃魚油的~~),變得更加健康精叻! 同時,多出來的奶可以讓Matthew也飲,不致浪費,這樣媽媽才更有動力去增奶啊! 試想,如果奶泵出來都是倒的話,不是谷得難受相信大多的媽媽都不願泵了~~
 
甜魔媽媽知道got milk曾經做過六折團購,不過錯過了也沒辦法,所以也在此呼籲:如果大家見到那裡有低過$25/6支的定價/又做團價,請通知一聲啊,謝謝!
 
最後,很近沒貼Matthew的可愛照片... 送上兩張facebook貼過的可愛生活照~~~
 
Matthew: 我最鍾意食雞脾!!
Matthew: 我係尿布頭BB!!

** 想收到兩小兄妹的最新消息,可以like一下Matthew and Chloe fanpage哦~~
 

12 則留言:

  1. matthew怕醜唔啜mama媽好可愛呢!!

    回覆刪除
    回覆
    1. 係幾得意, 不過我情願佢肯繼續埋身, 唔駛整出黎咁煩呀!

      刪除
  2. 好嘢唔住浪費媽媽心血matthew又健康一舉兩得

    回覆刪除
    回覆
    1. 係丫, 最希望佢唔係貪一時新鮮, 之後都會keep住飲啦

      刪除
  3. 咁大個仲比佢啜?ummm...我會覺得怪怪地,哈哈!不過見過有人餵到3歲,所以你餵到15個月都吾出奇既.....

    回覆刪除
    回覆
    1. 我唔覺得怪呀, 不過反而matthew仔唔好意思了, haha~~
      3歲好似真係有d大, 但其實我真係想餵到2歲架!

      刪除
  4. 你真係好叻,又有恆心,餵人奶可以滿足晒兩兄妹,好成功呢! ^0^
    原來有朱古力味飲管架? 好得意~~ 我未見過呢! 想買俾自己試下飲添!wakakaka~~~~ XDXD

    回覆刪除
    回覆
    1. 都係好在今次餵奶順利, 夠妹妹飲之餘又多少少可以分俾哥哥啦!

      又係喎, 我都應該自己試飲一支, 睇下甜度如何, haha

      刪除
  5. 真的要大讚媽媽叻叻,感謝主^^

    回覆刪除
    回覆
    1. 多謝vivi, 遲d妳都要努力呀!!

      刪除
  6. Matthew 仔仍記得那里啜人奶,好得意!
    可惜睇唔到兩兄妹同時飲人奶的分享~会夠兩個飲嗎?

    回覆刪除
    回覆
    1. 媽媽有幾多奶好視乎需求/刺激有幾多, 四胞胎都可以夠飲, 2個應該都得架~~
      不過我依家只係每日多一支奶俾matthew飲, 情況差好遠呢! ;)

      刪除