Matthew仔收禮物、生熱痱

寫完生日party,也寫一寫Matthew豬最近收的禮物 (不過不包括生日會上收的禮物,因為數目實在太多,無法逐一記錄!!),其實也是記錄上週五及今週一的兩場探訪~~ 


首先是上週五一位準媽媽的探訪,當日大家先在New York Cafe & Bar吃過午餐 (哈哈,又去啦!!),就上到甜魔府上交流媽媽經啦~~ 

總係寧舍多古靈精怪樣~~~

說真的,真的很開心見到準媽媽懷孕後的改變,包括不再工作狂,不再飲食不定,由長期偏瘦變成有返少少肉地啦! 也真的感謝她準備了一連三件大禮,Matthew一件,妹妹一件,媽媽一件.... (早前blog友M探訪時也是這樣... 太感謝妳們的厚愛啦!!)

這一件是Matthew的~~
成品非常精美!! 媽媽也覺得好好玩,不過......
之不過,Matthew仔的為食基因太強啦,與大半年前媽媽收吉百利朱古力 (詳見《Matthew又收禮物 ~ 吉百利》)/早前blog友M送禮的情況一樣,為食豬仔對於媽媽收的、食得的禮物興趣大多了呢,哈哈!

反而對媽媽的禮物更感興趣!!!
都未食,駛唔駛笑得咁開心燦爛呀?? XD
另一場探訪及禮物,就是叉叉契媽在重陽上午的到訪。當時一見到她,媽媽已經嘩然「又有蛋糕?!」是的,Matthew仔的兩歲生日果然巴閉,一連吹了兩個蛋糕都未夠,還有第三個蛋糕!!

Matthew又可以開心吹蠟燭了~~~~
不過更加開心是有波波Tent (Matthew仔的叫法) 收,好動豬玩到超級開心呢,成頭大汗,過哂午睡schedule都不願離開呢!!


成頭大汗了.....
好不容易捉走好動豬,哄了他進睡 (Matthew很不捨得波波Tent,喊了很久呢...),醒過來後第一件事又是去玩! 今次仲加埋爸爸,哈哈~~~ 多謝哂契媽了!
 

不過不知是否這隻好動豬太好動、太多汗了,最近身上出現不少紅點,Matthew忍不住抓,之後很快就損了.... 所以他一直叫「痛痛」,聽到人心都痛了~~~ 結果,今週二終於忍不住,打電話去預約了醫生看診,經過好一段掙扎 (好動豬很怕見醫生! 在診所喊了超耐,不停叫「byebye doctor!!」) 醫生最後斷定他應該是熱痱!!!


雖然Matthew仔對medicine的好感也很低,常常講「byebye medicine」,不過他也明白搽藥可以幫助他止痕止痛,所以也會讓媽媽幫手搽~~ 但在過程中總會扭下計,媽媽對這隻超級好動豬真的超級牙痕呀!!!!


得意還得意,十分希望Matthew的熱痱快點好,因為情況都幾嚴重的.... 還好這兩天開始轉涼了,希望對病情有幫助啦!!

  
生兒育女就是這樣,煩惱與樂趣都超多~~ 希望繼續以文字及照片記錄下可愛小兄妹的一點一滴成長片段!!!

 
** 想收到兩小兄妹的最新消息,可以like一下Matthew and Chloe fanpage哦~~

24 則留言:

  1. 哎喲起得甘厲害呀matthew仔冇有怕你有媽媽悉心照顧好快冇事架喇

    回覆刪除
    回覆
    1. 依2日涼左呀, 希望會好快D啦!!

      刪除
  2. 係呀...生兒育女真係好多野担心
    豬仔前排鼻敏感同多痰先話好少少,呢幾日又到jj位紅左,又要睇醫生..唉~

    回覆刪除
    回覆
    1. jj紅係因為咩呀? 搽d zinc oxide的藥膏得唔得呀?

      刪除
  3. 你去街市買新鮮土伏苓-紅蘿蔔-茅根-蜜束
    煲水OR湯俾佢飲
    肺燥腎濕就會出熱痱-濕疹
    要戒口

    回覆刪除
    回覆
    1. 多謝你丫, 會轉告嫲嫲, thx~~ :D

      刪除
  4. 嘩, 睇見都痕呀!
    個波波池幾好喎. 但我喺斗斗城見親果啲都係啲大大舊好複雜, 無呢款咁簡單呀

    回覆刪除
    回覆
    1. 依款波波池可以收到好細架, 不過唔知耐唔耐用, 如果OK下次再問契媽邊度有得買! ;)

      刪除
  5. 小朋友鍾意玩又大汗,我個仔細個都係噤,最緊要成日抹汗(阿媽要好似顛婆成日幫佢抹),唔好比d汗醃住,係屋企可以只用水沖下涼,就會快d好

    回覆刪除
    回覆
    1. 多謝意見, 會叫姐姐跟得密D喇~~ :D

      刪除
  6. 哇, 起得好勁呀...不過又搽藥, 天氣又涼左, 應該好快會好返既...
    瑤瑤豬都有LEI個波波池呀, 不過玩2玩就唔入去Lu...

    回覆刪除
    回覆
    1. 無計啦, matthew豬仔真係好大汗, 不過我最費解係點解夏天冇, 黎到秋天先至發...

      波波池長期放出黎梗係冇哂魅力啦, 如果間唔中先拎出來會吸引好多! ;)

      刪除
  7. 希望Matthew 仔D熱痱快D好返晒啦陰公B>.<

    回覆刪除
    回覆
    1. 真係好陰公豬呀... > <
      其實都有少少擔心掛住佢~~

      刪除
  8. 晉晉晴晴都有出過,最初都以為係熱痱,點知唔係。不過晴比晉嚴重很多,最後還是要食藥

    回覆刪除
    回覆
    1. 見到妳留言, 好感謝, 如有需要一定會問妳拎電話!!

      刪除
  9. 睇見都好痕呀,難怪果日matthew係咁r啦

    回覆刪除
    回覆
    1. 係呀, bb又忍唔到, 真係好慘呢 > <

      刪除
  10. Matthew 仔第一張相相同甜魔媽媽相似到有99% (留番1%比爸爸).
    或者試試 Avenno Baby, 豈碼無 steroids

    回覆刪除
    回覆
    1. matthew似足媽媽的香蕉眼嘛~~

      依家先試醫生的藥, 唔得再搽其他, 多謝意見呀! :)

      刪除
  11. 嘩, 好犀利, 睇到我頭都痕, Matthew仔要快d好返呀.

    回覆刪除
    回覆
    1. 係丫, 衷心希望matthew快d好返, 佢一痛都不知搞到幾多人心痛呢...

      刪除
  12. 可以用士銀花煲水沖涼, 我囡囡間唔中都會有 (就唔係好似matthew仔咁勁囉!)

    回覆刪除
    回覆
    1. 多謝意見呀! matthew來快得去得都快, 依家已經好返好多了~~ :)

      刪除