Karl'z Cake Design ~ 近在咫尺的靚餅店

連寫了好幾篇出外試食的食記,也是時間寫寫附近一帶的食店啦! 其實在坐月期間,已聽到老公講附近開了間新甜品店,問要不要問給我吃;不過甜魔媽媽還是想親身到訪,結果,就留待10/1妹妹滿月,兼一班親愛好食友到訪之日,一次過分享甜美吧~~


甜品間叫Karl'z Cake Design,店面、裝修及甜品設計都很精緻引人入勝,當然相比同區,甜品的取價也較高,約由$29-31一件甜品,媽媽首先揀了七款~~




付款後見廚房又捧出一盤新鮮出爐的「牛奶妹」,又臨時加碼揀多件,湊成8件更加完滿了!


要讚餅店的紙袋設計非常精美,以可愛迷人的玫瑰花杯子蛋糕圖案加上棗紅色的絲帶,愛美的女生一定會為之著迷吧!


其實店員也算細心,有很仔細的將每款蛋糕以膠紙固定在餅盒之內,不過可惜回到家裡,蛋糕們仍是東歪西倒.... 一來是樓上有個小孩輕輕一下撞了過來,二來就是蛋糕與底層的硬餅紙貼得不是很牢!


不要緊啦,味道才是最重要的,等待人齊就一起開動試食了! 由左上角開始介紹,橙香班戟沒多少橙香味,淡淡的說不出所以然來,是比較弱的一款;72%特濃就不錯了,朱古力味甘濃而甜度不會很高,質感也較實淨,吃得相當滿足;牛奶果仁由味道淡柔的牛奶慕絲餅,加上脆口的果仁而成,也算可以;而新加的牛奶妹是由草莓及牛奶兩層慕絲組成,上層未見特別出色,但下面的牛奶慕絲層很香又滑,幾喜歡的!


店員相當推祟這裡的卷物,試了士多啤梨卷也算不錯,卷蛋十分鬆軟,忌廉輕香不膩,草莓也算清甜;另一款抹茶紅豆卷也同樣質感鬆軟,口味清幽中見甜美,不過甜魔媽媽認為東海堂的卷蛋其實更勝一籌 (特別綠茶味更為甘濃!),而且價位便宜許多! 黃金脆脆就真的幾推介,除了口感清脆迷人,這個組合在別處也實在少見;最後歌劇院的朱古力及咖啡味都夠濃郁,層次感也豐富突出,也是吃得過的~


總的來說,Karl'z在元朗區算是有質素的餅店,但未致於驚艷 (識飲識食的Matthew仔都沒有來搶...!! =P),不需特別山長水遠來試試。無論如何,在國慶日與大家在家中勁開零食,開心的吃甜品,仍是一件無比快樂事! 十分期待下次再聚再吃啊~~


 
Karl'z Cake Design
地址:元朗建業街51號地下5號舖
電話:2363 4668
 

16 則留言:

  1. 初初以為你堂食,見你話揀咗七件時嚇親我,hahaha~~
    我都好鍾意食西餅架,有機會都試下你呢間先~~~ ^^

    回覆刪除
    回覆
    1. 經開可以一試, 不過又未致於要山長水遠特登來買呀 ;)

      刪除
  2. 每款都好吸引~上次去元朗又錯過左呀....

    回覆刪除
    回覆
    1. 經開可以一試, 不過又未致於要山長水遠特登來買呀

      刪除
  3. 吾可以去的地方~~~hehehehhehehe

    回覆刪除
    回覆
    1. 又未至於唔可以去, 係可以唔去啫, hehe

      刪除
  4. 多謝晒...咁多件中最鐘意拿破崙

    回覆刪除
    回覆
    1. 唔好客氣, 好期待今週日一齊再食再開心!!!

      刪除
  5. 睇妳介紹完,我都係掛住老字號金蘋果多D!
    上次返香港,經過門口勁想食都無買,因老公唔批准,驚我水肚不服,唉!

    回覆刪除
    回覆
    1. 係丫, 金蘋果的出品真係唔錯, 鍾意芒果的一定勁like~~

      o係HK咁鬼便利, 唔駛怕水肚不服啦, 計我話咩都食左先算, kekeke

      刪除
  6. 如果佢喺我屋企附近開分店我就去試啦!

    回覆刪除
    回覆
    1. 我相信佢唔會咁快開分店啦~~ :p

      刪除
  7. 回覆
    1. 係丫, 賣相唔錯架, 唔係都吸引唔到我去試啦 :p

      刪除
  8. 回覆
    1. yeah, 件72%特濃算係我少數心水之一~~

      刪除