妹妹康復啦!!! 吃在公仔點心始祖 ★ 鴻星海鮮酒家 Super Star ★

Happy Weekend!週末遇上大晴天,大家心情應該都不錯吧;甜魔媽媽就更加開心,因為昨天去看了醫生,醫生經親身診斷,證明了兩兄妹均已康復,可以出街不用隔離了!之後特別到 鴻星 飲茶慶祝,帶來更多的歡樂搞笑片段~ =)


要講長假期後診所真的特別多人,甜魔媽媽前一天特別打了50通電話,完全打不通... 由於Matthew假期前出痘時,去到診所是優先看症(免得傳染給其他小朋友嘛...),所以昨天早上8時多,就與嫲嫲帶兩隻下樓搭的去診所。還好早到,診所到9點已經額滿;而我們的「優先看症」,結果也到近十點才可以見醫生... 等待過程更不可以進診所,兩兄妹都要餓著吹風...
 
還好醫生一見Matthew,就說他一早已康復,再看Chloe,也斷定她也已經不具傳染力。這位資深的兒科醫生更說:妹妹的水痘,應該不是過年前重聚感染,而是哥哥發病前1-3天感染,只是妹妹僭伏了較久才發作(水痘僭伏原來可以長至21日!!!)。如果是真的,Chloe沒在旅程中發病,真的萬分感恩,否則離境都可能成問題!

診所出來,終於可以玩一會了~
看完診已經十時多,正好鴻星已經開門,記得舊同事說這裡也有可愛猴子包包,就帶著兩兄妹,連同這段時間勞苦功高的嫲嫲,一起去飲個早午茶~ 當日仍是供應新春餐單,有些特別的新春點心,但也有些舊有的點心如可愛 熊貓豆沙包 不復供應。
  
大家都餓了,所以點了不少食物;人不多關係上菜也挺快。最先來到是小兄妹的主食 叉燒河粉 ($28),鴻星的叉燒當然不能與前兩天 國金軒天際萬豪 比,但水準還不錯,久違的妹妹吃到津津有味;個人就認為湯河更有水準,微彈滑溜、湯頭微鮮自然,兩兄妹幾乎全吃光。
 


除了叉燒河粉,也點了 貴妃雞米粉 ($28),那雞上了腿肉,嫩滑味香、十分好吃,愛吃雞的妹妹吃了很多;米粉就不及河粉精彩了。也點了 荷葉糯米雞 ($28),成品足料好吃,但很多糯米飯都黏在葉上,吃時不太方便。蜜汁叉燒包 (小) 也是飽肚之作,水準OK,不過多吃真的很膩,所以當店方不知為何給我們多點多上了 流沙奶皇包 (最前方),甜魔媽媽堅持要退掉。

  
小兄妹愛蝦餃,這裡的 純鮮蝦餃皇 分為$23/兩隻或$45/四隻,當然點四隻。 成品估不到很出色,蝦肉超級爽彈,個仔又飽滿碩大;如是平日Matthew應該不夠喉,不過這天太多公仔點心,而且之後還有燒賣。
  

鴻星燒賣皇 ($20/兩隻或$39/四隻) 也是我敢吃的貨色,新年期間特別加了髮菜,味道也不錯,妹妹不吃關係,嫲嫲與媽媽各吃一件後,餘下兩隻由Matthew包底。


當日最期待的是,是這【靈猴獻瑞】奶皇精靈猴 ($28),成品無論是賣相或味道,均不及 國金軒 精緻,不過都幾搞鬼可愛,還連上小朋友極愛的朱古力金幣上檯,兩兄妹喜歡不得了!

  
其實甜魔媽媽覺得 獅子王 ($16/兩隻) 的造型更加可愛,同樣附上朱古力金幣,十分抵食!不過點心英文是 Dumplings with Lava Mango Sauce,即獅身中間是芒果餡,吃來有一點怪,小兄妹不太接受,結果要由媽媽嫲嫲包抄。


新年期間沒有最可愛的 熊貓豆沙包,最後再點一客可愛又不貴 棉花白兔仔 ($12/四隻),好與之前兩款動物點心併成「動物園併盤」!


這就是甜魔媽媽自創的「動物園公仔點心併盤」了,小兄妹看到都喜歡不得了呢!=) Matthew大個仔了,開始有拍照的意識,馬上在併盤後擺pose;但Chloe就只顧吃... ^_^"


  

更大的對比是吃帶椰絲的棉花白兔仔時,吃到一嘴都是椰絲的Matthew覺得好玩,主動要求媽媽拍下他的食態,之後還叫媽媽給他看照片~


另一邊廂,驚青Chloe卻非常怕椰絲,連棉花糖也馬上吐了出來!妹妹真的超級細膽哦~ XD


埋單剛好$300,兩大兩小吃得開心飽足,物有所值啦。特別一提,第三次到訪才首次幫襯洗手間,原來都幾靚而且有換片位及親子設備,不錯抵讚呢。


  
一個上午在診所外轉圈,兩隻都有點累了,吃完先回家午睡養神啦!可惜下午開始下雨,沒能帶兩兄妹再訪迪士尼或去其他遊樂場玩;不過,兩兄妹聚在一起其實已很開心~ =)
 

去到今天,天氣回復晴朗,吃飽早餐後兩隻馬騮再度出山啦!搞笑是驚青底的Chloe隔了一週沒下樓玩,竟對遊樂設備產生了生疏感,初時甚麼都驚都縮,慢慢才回復正常~ XD
  

之後下午Matthew要回復正常的芭蕾舞班,更多的玩樂食記遲些再分享吧~ =)
 
鴻星海鮮酒家 Super Star Seafood Restaurant
地址:元朗朗日路8號形點二期3樓A301-A302號舖
電話:2628 0866
 
** 想收到兩小兄妹的最新消息,可以like一下Matthew and Chloe fanpage哦~~

12 則留言:

  1. 呀哈哈,點解妹妹會怕椰絲架 XDDD
    真係好耐無見過兔仔棉花糖啦 :D
    鴻星我最鐘意食個巨型壽~
    (Btw, 我見到你add左我煮野食個個blog係右邊column,多謝我好開心^^)

    回覆刪除
    回覆
    1. 其實媽媽我都好唔鍾意椰絲個口感, 所以妹妹唔like都唔奇, 加上驚青底性格, 就變成驚驚 XD
      鴻星巨型壽上次有食, 唔差, 但始終東海最好味, 下次妳都試下丫

      P.S. 我份人好懶, 好日都唔整理D setting, 新一年先毅然改變一下。
      其實妳影相好靚, 有機會可以一齊出黎食野丫~~~ :)

      刪除
    2. 我淨係食過鴻星同陶源個個炸>3< 我媽咪都話東海最好味~
      沈日系家上海都食左佢地個壽包預祝爹地生日,但成品不夠熱呢!
      呀!多謝 :) 我D影相技術都係自己摸下摸下。好呀!我期待呢個機會 YEAH :D

      刪除
    3. 搵工食東海啦,真係超好味呢

      刪除
  2. 回覆
    1. 依家間唔中去飲時美點雙輝有佢, 平日飲茶買少見少啦
      不過其實我唔鍾意食, 因同妹妹一樣討厭椰絲, 不過為左整動物園先點佢 :p

      刪除
  3. 回覆
    1. 好感恩兩個都算相親相愛, 希望以後都要保持落去呀~~~

      刪除
  4. 原來元朗都有鴻星仲喺Yoho Mall咁方便,下次同老人家飲茶都可以考慮下呢!

    妹妹唔鍾意食椰絲張相真係有十個趣! :D

    回覆刪除
    回覆
    1. 妹妹性格同反應成日同哥哥相反, 真係非常爆笑!
      係呀, 鴻星雖然唔係超好食, 但環境舒服、服務到位, 都係扶老帶幼的飲茶好去處呢~

      刪除
  5. 兩兄妹好番晒,可安心晒啦
    呢間係鴻星?我以為妳去左西餐廳,裝修完全唔似酒樓

    回覆刪除
    回覆
    1. mmm, 今日Matthew又有d唔舒服, 希望好快無事啦
      可能同商場想行年輕路線有關, 元朗依間鴻星裝修同出面好唔同, 同隔離茶木反而有點似!

      刪除