Gap折上折再敗家 ‵▽′

寫完蛋糕,今晚再來一篇敗物blog;沒錯,上週日甜魔媽媽又去GAP用折上折優惠敗家啦!! 這次去的尖沙咀店,敗得很爽,很抵,特別開心是因為自己也有斬獲啊!! ^O^
  
這次的優惠是買滿$500即減$100,買滿$800減$200,而買滿$1,000則馬上減$300,變相差不多全單七折!! 甜魔媽媽一來到就看中下圖的羽絨長褸,原價$988,特價只$298,質地舒服又暖和,買來在乍暖還寒的初春著完,下年還可以慢慢穿~~~


同物料不同色的羽絨背心也很超值,由$538減至$158,很適合作causal打扮。接下來甜魔媽媽快不用上班,當是日常出街衫實在一流,真的想不到不買的理由~~~~ XD


雖然早前趁折上折優惠 (詳文接此),已在GAP給Chloe妹妹買了多件來年冬天穿的外套,但今次這件白色的外套由$348減至$128,又很失控的買下來!! 買的是12-18 month的大小,應該接下來的秋冬很合身了~~~


GAP的BB衫減起價來真的可以很盡,如這條粉紅色的絨褲,又由$149減至$38;又是買了12-18 month的碼,下年再穿~~


還有這條半legging半褲款的牛仔褲,可以作較為中性的型格打扮,very nice!! $199減至$58,又買了12-18 month的大小給Chloe妹妹~~~


這一條就有點男仔頭,不過又是因為太抵,由$229減至$68,而且中間有夾綿很暖和的,也買了一條12-18 month碼的,在最寒的天時給妹妹穿吧!


還有簡簡單單的居家褲/legging,由$129減至$28,不買對不起自己,就掃下6-12 month及12-18 month碼各一,約在初秋妹妹已經可以穿著~~~


買了很多衣物給Chloe妹妹,對Matthew哥哥似乎不太公平呢,怎樣也要揀一件以示公允~~ 就選了這件GAP logo的上衣,$179減至$68,算是最場最抵的男仔衫~~ (不知為何,B仔衫總不及B女衫靚+抵!!!!)
 

先此聲明,我們真是沒計過數的,只是覺得抵就拿下來;結果加上玉仔姨姨揀了一條$158牛仔褲,以上十件貨品加起來正好是$1,020!! 馬上扣減$300,埋單$720,超級便宜萬個抵啊~~~ 敗得太太太爽了! 還附送三張十分邪惡的VIP折扣卡,憑卡於4/4前可享LOGO衫、sweater、Denim、Kid/Babies衫七折優惠 (每項quota x2),甜魔媽媽已經很醒目的馬上送出2張給姨姨及友人,但餘下一張,果然又出事,隔了三天又到了屯門GAP再逛再敗....!!!!
 
上次老公沒有斬獲,深深不忿,結果下面這兩件都是他的。其實男人的衫恕我真的不懂欣賞,不過既然可以買夠額,做到折上折,也支持他去買啦~~~ 第一件是屬於從來沒有折的GAP logo系列,用上VIP card可尊享七折,由$499減至$349,正!
 

另一件原價$500多,特價$268的外套,其實都幾好丫,返工出街皆宜~~~


媽媽也趁有VIP七折優惠敗了一件GAP logo,$449減至$314.3,最開心是size,原來我可以穿得下XXS碼啦!! 雖然有點緊身效果,不過裡面是已經再穿上另一件薄外套的,所以也OK啦~~~

  

其實以上三件加起來都$900多,隨便再執兩件特價的Baby items -- $58牛仔褲及$28的夾衣 (用VIP卡可以額外七折... 不過它們太便宜,這次不用了),又成功買滿$1017.6,結果全單馬上減$300,埋單$717.6,太太太爽了!!!! XD

這件買重複了,後來拿去換貨,結果又敗多兩件.... 算了別再提!! 
  
又,這兩次給Matthew買的衣物很少,幸好有個超鍚Matthew的婆婆又在H&M's給他揀了一套靚仔型仔衫~~ Slim cut的牛仔褲可以突顯Matthew的長腿,$199算是這樣了~~~


還有一件中袖的恤衫,可作較斯文有氣質的打扮了~~~ 其實H&M's的BB衫都非常之靚靚,反正屯門店也不遠,下次也要去再逛再買!!


真不知以後不返工的日子,甜魔媽媽會否傾家蕩產去敗家?? 祝我好運!! XD
 

** 想收到兩小兄妹的最新消息,可以like一下Matthew and Chloe fanpage哦~~

19 則留言:

  1. 羽絨背心好抵呀唔知仲有冇做緊特价呢??整返件羽絨背心著吓先^0^

    回覆刪除
    回覆
    1. 其實我都想去買多件送俾99, 不過琴日去屯門店已經冇啦~~ 唔知尖沙咀店仲有無~~

      刪除
  2. HK係咪好興gap?我本身對gap麻麻,不過佢有時D小朋友衫平就會買,都係中意carter's 多,嘻嘻

    回覆刪除
    回覆
    1. 我覺得Gap D童裝唔錯架,我好鐘意買佢俾D朋友仔女

      刪除
    2. 其實carter's我都好鍾意, 但HK冇直營店嘛, 而我始終最愛去實店揀衫~~
      而baby / kid wear黎講, gap o係HK真係算又抵又靚啦!

      刪除
  3. 穿xxs碼!實在令我羨慕到流哂口水,恭喜甜魔媽媽成功踢走脂肪!!

    回覆刪除
    回覆
    1. 同時湊兩件真係太辛苦啦, 不知不覺又瘦左好多, 搞到有d期待summer啦! hehe

      刪除
  4. 穿xxs碼!! 好叻呀!! 恭喜哂呢!!
    btw, GAP仲有冇折呢?! 呢排天氣潮濕, 提唔起勁去逛街呢.

    回覆刪除
    回覆
    1. 好似上週三最後一日折上折, 唔係我都唔會咁快又急急再敗啦~~

      其實我都好麻麻春天天氣, 依家希望快到summer, 又可以幫自己同小兄妹買夏裝!!

      刪除
  5. 見你shop到咁都feel到你有幾high! wahahhahaha
    gap減起上黎真係好勁, 折上折一定忍唔到手, 但副作用係會喺街勁撞衫囉...

    回覆刪除
    回覆
    1. 真係超級high, 撞衫都唔理得咁多了~~~ :p

      刪除
  6. gap嘅折上折真係好難令人唔失控咁買! :P

    回覆刪除
    回覆
    1. 係啦, 真係失控咁買, 其實之後星期五我又去敗多左一次...
      不過唔再寫喇, 費時精明消費印象一野破滅!! :P

      刪除
  7. 羽絨長褸298好抵,幾多%羽絨,有無其他色?

    haitang

    回覆刪除
    回覆
    1. 佢冇標明幾多%羽絨, 比例應該唔高, 但因裡面有絨毛, 都幾暖, 而且color都多架, 但好快就斷色斷碼!

      刪除
  8. 嘩,特價的話平咁多嫁!! 真係買得超爽又唔貴呢

    回覆刪除
    回覆
    1. 係丫, 抵到爆, 所以忍唔住一個禮拜敗3次 (寫左2次, 仲有一次唔敢寫了) :p

      刪除
  9. 难怪你失控,我都睇到心郁,但奈何無時間去!呜鸣!

    回覆刪除
    回覆
    1. 因為我返半日多左時間嘛, 真係多左好多敗家的機會添 :p

      刪除