跳至主要內容

媽媽,我要飲水呀~~~~~

不知其他媽媽會否這樣,總之甜魔媽媽來到第二胎真的很多細節都粗疏了很多,特別早前工作忙碌,很多的細節都沒時間去留意! 來到三月轉成半職後,總算多了時間心思留意小兄妹,直到今天才醒起:也是時間給Chloe妹妹飲水了!!
 
  
因為母乳的水份很多,因此健康院都會教純母乳餵哺的寶寶不用飲水;其實這也是今胎餵母乳餵得很爽的原因,特別Chloe妹妹是埋身餵的BB,真的太好照顧了! 不過她已由2月中開始嘗試米糊,雖然也加了不少人奶來沖,但米糊始終經過乾燥,原理與奶粉一樣會熱氣,其實間中也應該飲一點水了! 不過甜魔媽媽完全忘記了這點,不止媽媽,連兩老也一樣,到今天媽媽才「bling」起要給妹妹飲點水!!
 


由於Matthew仔初生特別首兩個月補了不少奶粉,因此他很早就有飲點水的習慣,才4個月已經開始用學習杯。現在滿6個月的Chloe妹妹拿起同款的學習杯,第一次飲已經掌握得很好,令人驚覺她大個女之餘,還有就是自己真粗心有點慚愧!
   
  
又,見到妹妹飲水,Matthew仔最興奮了,馬上又要來幫忙,還發揮創意將學習杯蓋放在妹妹的頭上扮成帽帽... 好動豬的小腦袋裡太多鬼主意啦!!!



也送上Chloe妹妹努力吃蘋果的片段,經過幾個星期的熱身,妹妹對固體食物的熱情提高了不少,越來越喜歡吃果果,而最後的一張,終於開始有為食Matthew哥哥的肉緊風範啦!! XD





肉緊的妹妹!!!
其實有點納悶是今天天氣很不好,寒冷又有雨粉,原本的行程只得取消。希望明天會是晴朗的一天,也祝大家週末愉快呀!
    
** 想收到兩小兄妹的最新消息,可以like一下Matthew and Chloe fanpage哦~~ 

留言

  1. 妹妹都係走唔出吃貨行列架喇haha~~~

    回覆刪除
    回覆
    1. OK啦, 只要食得斯文有儀態D, 依件吃貨都算合格啦~~ :P

      刪除
  2. 我都好想餵佢飲水,但妹妹吾肯飲,激氣!
    我打算5個月先開始餵米糊,到時又多好多功夫了!

    回覆刪除
    回覆
    1. 依家全人奶唔飲都OK, 到5個月餵米糊時再飲水都唔遲丫

      刪除
  3. wuwuwu...妹妹好橙丫,妳多D睇下佢啦

    回覆刪除
    回覆
    1. 其實之前都有跡象, 就係餵完米糊好快就想啜人奶, 但大意媽媽一時都冇為意到原來佢可能係口渴! 依家返半日會多D時間留意啦! ^_^"

      刪除
  4. 肉緊的妹妹好可愛,佢都係超中意食野呢

    回覆刪除
    回覆
    1. 好在冇哥哥咁狼c, 總算有返少少儀態啦~~~

      刪除
  5. 妹妹好似每張相相都係望住鏡頭,我估佢應該係望住影緊佢嘅媽媽:)

    回覆刪除
  6. 一排無見Chloe又大個左D, BB真係大得好快, 見小兄妹咁好感情, 真係想生多個呀, 哈哈...

    回覆刪除
    回覆
    1. 支持, 生兩個當然開心又sweet好多啦!! :D

      刪除
  7. 我仔仔係細Chloe幾日,佢係全奶粉嫁,再加上宜家又開始食米糊,但佢點都唔肯飲水,點算好呀??我見Chloe好叻叻肯飲水,你係點令到佢肯飲嫁,可唔可以教下我??

    回覆刪除
    回覆
    1. 如果BB唔鍾意飲水, 可以加少少葡萄糖, 令水有D甜味吸引佢地, 以前Matthew仔都係咁引佢架

      刪除
    2. 我驚佢會飲慣左甜,之後都唔飲

      刪除
    3. 又唔會, 旨在建立起飲水的習慣, 當然糖度唔可以太多啦~~

      刪除
  8. 又1証明妹妹在長大中~~~~~肯乖乖飲水..........又少1份煩惱

    回覆刪除
    回覆
    1. 其實佢一時時啦, 不過情況點都比哥哥好, good girl黎架

      刪除
  9. 飲水好緊要呀. 妹妹well done!

    回覆刪除
    回覆
    1. Chloe妹妹so far都係乖+易湊過Matthew哥哥好多呀

      刪除
  10. 一仔果時半人奶半奶粉,我都係等佢6個月先比水,有d遲呢,开始時唔肯飲水添,好彩果年夏天刚巧去了濕地公園,熱到佢先肯飲水。
    但平時,佢每次飲水都係飲一兩啖,太少了!
    只返半天工,好羡慕!遲d是否做麻FTM?

    回覆刪除
    回覆
    1. 飲水係要成日提架, 養成了習慣就會好D~~

      係丫, 4月開始轉做FTM, 暫定為期2-3年, 等Chloe返學就要再出去做野搵$$$啦....

      刪除
    2. hehe 还有半個月就四月喇!
      巧虎已定了价啦,你会訂吗?

      刪除

發佈留言

此網誌的熱門文章

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~