好想掛泵!!! @@

大家不要誤會,甜魔媽媽不是想停人奶;事實上,上胎那麼辛苦都餵了15個月,今胎相對順利又多貨,媽媽相當有決心至少餵一年,甚至是兩年或以上呢!


之不過,媽媽真心覺得埋身真的比泵奶好+方便太多太多了;因為已經買了坊間最貴、也聲稱最好用的Freestyle,面對的問題仍然多多.....


  1. 泵奶慢:不知道是不是第2胎的關係,甜魔媽媽覺得餵奶的進度比第一胎快很多,包括上奶快、增奶量快,同時奶量深化也快了很多... 奶量深化是我自己創作的名詞,怎說好呢,如果餵奶超過半年的媽媽應該會感到,餵到後期胸部沒那麼易漏奶、滴奶,也沒那麼易谷,但當BB吸啜/電泵刺激到噴奶反射 (Milk Ejection Reflex, 下簡稱MER;這是後期餵奶一個很重要的concept,遲些再詳細分享),奶量卻可以源源不絕而出,適合少餐多吃的大B;借用健康院的母乳姑娘講法,有點似撻著了的熱水爐! 去到這個stage,泵奶會越來越會費時,但埋身就越來越舒服,因為BB吸啜永遠最有效引發MER! (所以,泵媽相比下較難長時間餵哺,埋身的媽媽就可輕易餵到2-3歲,甚至更久,就是這個原因。) 今胎甜魔媽媽覺得餵奶進度比上胎成熟/快2-3個月,所以越發覺得電泵慢!!! 雖然家中的存貨仍然很多,不過清不到奶總會令人很擔心,擔心塞奶,擔心影響將來奶量, etc......
  2. 單泵功能漸失效:也是基於同樣原因,媽媽越來越覺得將單泵一邊時,產量很低,特別是半夜埋身餵了一邊後,很滿的另一邊常要泵半小時才有3-4安... 為了可以爭取睡眠時間,媽媽現時已經不會再半夜用電泵,索性用手揸就算了;手揸其實也很難刺激MER,不過勝在前清奶超快,反正我也希望不要太谷,所以一般用2-3分鐘快揸2-3安,就可以收工再睡! 慶幸的是,雙泵時由於有雙重刺激,產量仍然不錯,每3小時至少有5安,參加tasting/返工泵奶應該仍然安全。
     
  3. 配件問題其實一個奶泵的parts真的很多.... Freestyle的parts又難配 (大家如果知道那裡可以買到喇叭,請通知我!!!) 每次清洗真的很煩,遲些返工後媽媽就要面對這個問題了,因為以我現時情況,返工至少都要泵兩次奶,一定要親自洗泵沒得再搵姐姐幫手...!!
     
  4. 電池瓜柴這是今週令媽媽超級抓狂的問題,就是叉電電池瓜柴了!!! 明明叉著充電器,機面卻顯示下面的怪碼,叉足一晚也只剩一格電,唉.... 因為甜魔媽媽買的是水貨,拿去檢查總公司會「先打80大板」(付$1,000檢查費),好貴好貴!! @@ 如果大家有甚麼好提議,也請留言給我,感激不盡呢! 其實沒有電池,返工問題並不大,因為還可以插著電來泵;但去tasting的話就麻煩了,不是每次都有插座的獨立房呢...


其實還有令媽媽很心痛的第五點,就是習慣了埋食的Chloe妹妹,並不喜歡奶樽,每次頂多吃4安... 夜晚還好點 (tasting多訓練有素...),今週試行bottle feeding的首朝,素來大食的Chloe只吃了安幾就停了.... 同時間媽媽卻泵出了5安的奶,唉,怎麼兩種不同的餵哺方式妹妹的食量可以差那麼遠呢?? 唉,講來講去,如果不用返工,媽媽就不用那麼煩了~~


無論如何,為了小兄妹的健康 (Matthew哥哥現時也每天飲著多泵/揸出來的媽媽奶呢~~ 詳見《好消息!! Matthew仔再飲媽媽奶》),甜魔媽媽還是會繼續母乳餵哺。身邊的同路人媽媽,也一起努力吧~~~~  
  
 
** 想收到兩小兄妹的最新消息,可以like一下Matthew and Chloe fanpage哦~~ 

25 則留言:

  1. 好鍾意妹妹呢張相:D 好得意!

    回覆刪除
    回覆
    1. yeah, 我都好surprise佢突然對我單眼, 好彩影得及咋~~~

      刪除
  2. 喇叭係medela 個代理( 尚健醫療 ) or yahoo都有得賣架

    回覆刪除
    回覆
    1. 多謝呀, 我快手去睇睇先~~

      刪除
  3. 喇叭可以去citybaby 度問下, 佢D medela parts 都幾齊, 仲平過代理果邊

    回覆刪除
    回覆
    1. 多謝意見, 我搵到地方只賣$178咋, 好開心~~ :D

      刪除
  4. 电泵半小時得3-4安,手泵兩三分鐘已有2-3安,時間相差好大啊!
    請問手泵你用哪一個牌子?
    继续加油!

    回覆刪除
    回覆
    1. 手泵好多人都推介AVENT夠快, 不過我其實慣左用手揸, 谷時好快架, 不過就難清到後面的奶囉

      刪除
  5. 回覆
    1. 多謝妳的意見呀, 我都會買多一set呀!

      刪除
  6. 如果妹妹每日可以lunch time去妳公司開餐就好啦!

    回覆刪除
    回覆
    1. 我都好想, 不過妹妹仲咁細, lunch time來一次都唔夠呢... 所以點都要泵+ bottle feed~~

      刪除
  7. 我個囡十八個月大,雖然仲有奶比佢食,但其實己經唔多,但佢偏愛埋身,我都好憎泵奶,其實我奶唔多架,難道第二胎係一定多D?
    你個隻好貴,我無買到,只買了SWING喳!!!
    恭喜你生咗個囡,變成"好"字,唔知我下一胎係咩呢...

    回覆刪除
    回覆
    1. 餵到18個月好叻呀, 繼續加油, 埋身佢食一定比泵出來多好多架! 同埋祝妳遲d追返個仔, 一樣湊個好字啦~~ :D

      刪除
  8. 此留言已被作者移除。

    回覆刪除
  9. 回覆
    1. 都係架, 人奶媽媽更加特別偉大添

      刪除
  10. 妹妹好可愛呀, 手仔咀仔配合埋.

    回覆刪除
    回覆
    1. yeah, 我都覺得好難得捕捉到依一刻~~

      刪除
  11. 媽媽要加油呀﹗我都用過呢個泵,覺得出奶係慢D㗎,真係要畀D耐性佢﹗

    回覆刪除
    回覆
    1. 電泵係慢, 買佢只因好多人話清到後奶, 之不過我都未試過泵over 15分鐘, 返工後再慢慢試~~

      刪除