甜魔媽媽回到工作崗位後，實在少了很多與為食豬出外用餐的機會...所以，週六下午爸爸雖然還要返工，媽媽都堅持湊著兩件出街；堅持的結果，就是換來相當甜蜜的一晚，忙碌辛苦也很值得!!
不過甜魔媽媽還有秘密武器---就是工人姐姐啦! 其實平時媽媽很少要求她一同遠行，不過這天實在太想出街 (另外還有兩項任務，遲些有機會再分享)，也帶她一起出尖沙咀了~~ 好久沒有好好的影一影Matthew仔，其實他真的大個仔了很多呢!
 |
| 可愛的豬 (鴨) 咀?? |
來這裡的原因很多：有位，也有BB位；有綠茶，有甜品，也有Matthew愛吃的飯飯、蛋蛋、肉肉；但最重要的是因婆婆及姨姨這天出發去日本玩，媽媽答應了留港的Matthew也有日本菜吃 (原目標的丼丼屋也是同理!)，所以揀來這裡~~
 |
| Matthew: 我無得再去日本，不過媽媽帶我食日本野 |
這裡有四款晚餐 ($72-88)，除主食外另包餐湯及飲品，食客亦可以在散叫餐牌上，散點任何主食後加$25選配餐湯餐飲，另外還可以再加$25選點任何蛋糕 (要知道夢見屋其實是Italian Tomato集團旗下，所以蛋糕選擇也是Italian Tomato的款式)。當晚我們就點了兩份餐，首先上檯是忌廉蘑菇湯，其實非常之淡的，不過這樣反而更合Matthew胃口，他挺愛飲的。
這是專為Matthew點的紫菜雞蛋雞肉蘑菇湯飯 ($55)，食物取材健康，湯飯又軟硬適中，本應是非常適合小朋友的飯類，不過湯底就過份咸鮮了點，應該有加味精在內呢...
另一個咖哩吉列豬扒飯 ($88晚餐)，吉豬炸得香脆，不過未夠鬆化；咖哩汁是帶辛味的日式咖哩，幾香口，不過配的白飯未夠軟熟，還真掛念丼丼屋的出品!!
.JPG)
最後點了一個日式野菜牛肉鍋 ($92)，不過價錢好像是不包白飯，我們要額加散點；另外鍋蓋一開始死力也打不開，想點呢....?!?! 味道，倒是不錯，牛肉也多吃得滿足。
我們有兩杯餐飲，姐姐點了凍檸茶，我就加$10變成黑蜜綠茶牛奶，那綠茶牛奶實在很淡口，加上黑蜜也沒有太大的化學作用，一般啦...
整頓質素只是一般，遠不及與Matthew在日本旅行時吃得開心! 不過飯後揀蛋糕的時間來到，見到餅櫃超豐富的選擇，為食豬開始超興奮了~~~
這是新出的鹿兒島紫薯蛋糕 ($36)，惠顧晚餐關係，加$25就可以享用了! 面層的紫薯的確頗香甜潤澤好吃，比起美心的紫薯更美味，襯以糖梨也好吃，不過底下只是海綿蛋糕，口感沒層次變化啦!
這是另一款新出品北海道南瓜抹茶蛋糕 ($36)，又是憑餐特價$25，其實這餅的味道真不錯，香甜的南瓜與清新抹茶頗為合襯，還加上適量栗子更加美味，不過它的件頭卻是特別的小，圖中這件已是我們要求更換變大了的!
還額外加點一件芒果芝士撻 ($30)，這個反而挺不錯，香甜的芒果肉下，是濃淡適中的芝士餅，加上夠厚又鬆化的餅底，吃來相當的滿足!
不過吃蛋糕帶來的甜蜜滋味，都遠不及看著為食Matthew開心喜笑的傻樣---多得Vivi公主，店方特別在蛋糕上加點蠟燭上檯，為食豬又超級開心啦!!! 看看下面的連環圖吧~~
  |
| Matthew: 唔係生日都有蠟燭足，發達啦!!! |
 |
| 開心到見牙唔見眼~~~~ |
 |
| 豬咀Matthew: Let me blow~~~~ |
|
| 一張比一張豬~~~~~ ^3^ |
 |
| 咩樣黎架??? XD |
埋單$377 (東亞卡有95折)，以食物計只是一般，但開心無價，難得週末絕對無悔帶著豬仔出街吃喝玩樂~~ 最後送上好動Matthew在i square興奮亂跳的照片，而翌晚還有另一場開心的約會，遲些再記!
夢見屋 Yumemiya
地址：尖沙咀彌敦道63號iSQUARE 國際廣場3樓304號舖
電話：2739 4283
** 想收到兩小兄妹的最新消息，可以like一下Matthew and Chloe fanpage哦~~
Matthew豬一食甜就心花怒放^0^
回覆刪除hahaha, 太得甜魔媽媽的真傳啦!!
刪除見到第2張相, 仲諗點解大個仔左咁多,
回覆刪除哈哈, 祇要蠟燭一出, BB樣即刻返黎.
哎, 其實真係有d唔捨得佢咁快大呀~~
刪除Yeah 真的好開心呀，我仲有好多同Matthew 豬的正movie ar , send u later , haha ^.* 期待Jamie bday d 相呀；）
回覆刪除是的, 如果鹿兒島紫薯蛋糕底層加可可脆餅底應該仲正 ^^
刪除收到啦, thx ar, so happy~~
刪除妹妹係咪瞓足全程(餐)所以無出埸呢? ^^
回覆刪除妹妹都瞓左大半程, 之後痾大大poo!! 又變成黃河圖所以都係唔影俾大家睇啦~~ ^_^"
刪除Matthew仔見到啲嘢食個樣開心到呢....ee都感受到佢有幾開心! :))
回覆刪除佢真係隻200%為食的豬仔呀~~~ XD
刪除如果唔駛排队而價錢唔太貴的話, 都OK la! 要知道tst 根本係搵唔到位食飯...下次我都會參考去呢間, haha!
回覆刪除都係o既, 星期六的尖沙咀, 冇book位的情況下都差不多啦
刪除唔知點解, Matthew仔做咗哥哥後真係大個仔咗好多, 變了一個 小男孩~ 仲要係 "為食" 的小男好孩 哦~
回覆刪除agree ar, 依2-3個月佢真係大得特別快, 做媽媽的感受好複雜呀!!
刪除Yan Lo你好,
回覆刪除SeeWide特搜網是一個全新互動生活分享平台，集齊香港遊山玩水好去處，讓大家分享不同生活體驗
你的網誌十分切合我們網站的主題，內容及相片也很有質素，請問可否讓我們轉載網誌內的相片及內容？(會注明出處及不作改動)
我們的目的，是盡力網羅優質的相片及內容，建構一個屬於香港人的講玩講生活平台，並分享給一眾志同道合的網友
希望你能成為我們平台的一份子，助我們更有效地集結全港好玩之處！
另外，我們設有「稿費」制度，文章獲得本地瀏覽量，即可兌換稿費！
迎新推廣，每100本地瀏覽量，可獲高達HK$1稿費；我們亦可以你的名義，將稿費捐到香港宣明會，或你指定的慈善機構
詳情可參閱：http://www.seewide.com/space.php?do=help&essay_id=22#001
Matthew仔 愈來愈英俊啊﹗
回覆刪除thx ar!! :D
刪除