未出發先興奮:旅遊預告:由香港地出發!!!

繼懷念台北美食篇,相信大家都想八卦,底甜魔媽媽2015另外兩場旅行會去那裡?今晚繼續一邊分享美食,一邊與大家揭曉答案吧~
 
首先一貼這張泰式海南雞飯,相信大家都知道第一個目的地是泰國了。說起來,兩口子最後一次遊泰已是差不多5年前的暑假(一週年結婚蘇梅島之旅),十分掛念泰國的靚景美食,以及風土人情!今年6週年結婚紀念,我們將會再遊曼谷,住豪華的Banyan Tree。期待啊!
 

心理作怪,每次旅行前後,都對當地食物有莫名喜愛。加上香港地的海南雞飯挺抵食,$55還連上熱飲,出發前頂一頂癮啦。香濃滑溜熱奶茶向來是我不二之選,這天竟抽到 Backpacker... 果然是旅遊運旺的一年!
  

至於第二個目的地,掙扎良久後,最終決定12月尾出發去首爾。掙扎,在於要考慮帶不帶小兄妹好?帶又帶那個好(絕不考慮同時帶兩件,會累死!!)?帶Matthew會好玩些,但一到午睡時間就死火;帶Chloe可以買靚衫,但很擔心怕冷的妹妹會著涼... 最後還是兩口子去算!=P


帶不了小兄妹去韓國旅行,改帶他們去吃韓國菜補數吧,反正,我們家的飯堂香港地,最近新出了韓風料理。順便也是兩口子未出發先興奮一下,呵呵~

  

甜魔媽媽挺愛吃韓式湯麵,首先點了泡菜丹麥吉列豬柳拉麵 ($55)。成品的湯麵連同雜菜上檯,另外吉列豬柳是分開另上,同時附上一兜韓式泡菜,相當豐富。


湯麵的辣度較低,單吃不夠過癮,我會吃時加添泡菜增加辣度。不過這樣也有好處,就是為食小兄妹來搶食的,也可以給幾條他們(當然先要過一過水)過過口癮。吉列豬柳就炸漿輕薄,香脆可口,同時丁點不油,這個無可奈何給Matthew搶了很多來吃!
 

妹妹(電人):俾我試條啦~
妹妹(甜笑):成功收買爸爸,可以有得食!
雖然麵條已給過水浸泡,不過應該也有少量味道殘餘在內。Chloe妹妹辛辛苦苦氹到幾條麵條,一邊珍惜品嚐同時,似乎一邊覺得:這味道好新奇啊~
 

勇於嘗試新鮮事物的Matthew更不用說,馬上大口大口吃下去!不過他吃到一半,都有表示微感到辣意。的確,韓國與泰國一樣,食物不十分適合幼兒,這也是不帶他們去的原因啊!


拉麵只是給小兄妹過癮,接著這 鐵板美國牛肩肉紅米珍珠飯 ($58) 才真正適合他們吃。菜式設計有點似韓式石頭飯,不過用上鐵板燒形式呈上,同時白飯轉成健康紅米飯。由於醬汁是另加的(侍者提示夠味其實可以不用加),在拌勻過程中只要不拌到泡菜,就不會辣了。
 

成品非常熱辣,未幾牛肉片差不多熟透,而底層也呈現美味的飯焦,吃時拌上辣醬,好味道!首次吃紅米飯的Chloe又是有點不慣,Matthew就還好,吃了不少帶蛋的部份。
 

最後是 鮮人蔘燉鮮雞 ($72),其實會選它,有一半都是為了同上的韓式炒年糕;年糕質感頗煙韌,最妙是搭上午餐肉及芽菜,更添滋味。另外菜式也附送一兜泡菜,甜魔媽媽又是努力吃吃吃,希望能消去午餐肉帶來的肥膏...!!!
 

也講講主角的人蔘雞湯,成品十分足料,除了人蔘、鮮雞外,還有不少的糯米在內,令湯底更添一份甘甜味,再加上先前的炒年糕,整份餐飽肚感十足呢。
 

當然這不算是正宗風味的韓國菜式(遲些再作介紹),不過勝在環境寬敞好坐,設備又夠baby-friendly,一家幾口來過過韓癮不錯啊~


香港地 Maxim's Hong Kong Day
地址:大角咀海泓道1號奧海城三期UG65號鋪
電話:2758 5228
      
** 想收到兩小兄妹的最新消息,可以like一下Matthew and Chloe fanpage哦~~

8 則留言:

  1. 妹妹側面真係有D似婆婆呀!

    嘩! 好開心呀,有兩個唔同類型嘅旅行,正呀!冬天去韓國可能真係凍D,兩公婆去反而可以浪漫下。

    我老公上次返香港未試過香港地,因為最後一晚想試嘅時候,比我阻止咗,而我想最後一晚食特别D嘅嘢,佢話下次一定要試下。^^"

    回覆刪除
    回覆
    1. 我都好期待去韓國, 上一次去已經係2004啦! 竟然隔左11年先再去, 個時冇乜野食, 依家應該多左超多甜品同新派料理, 諗起都興奮

      香港地超好食稱唔上, 不過留得耐去食返餐, 飲杯奶茶都唔錯架

      刪除
  2. 正呀!去韓國
    唔帶佢地都好丫,一來妳地可以拍下拖,二來韓國唔太岩佢地咁細

    回覆刪除
    回覆
    1. 唔帶佢地梗係輕鬆好多, 結果今年有2個2人世界trip啦, 開心之餘又覺得自己有d過份 :p

      刪除
  3. 贊成唔帶小朋友呢~~WAKAKA!!
    兩口子拍吓拖,同小朋友"小別"吓,都係一件好事來的 ^^

    回覆刪除
    回覆
    1. 一年去2次二人世界, 自己有d覺的過份啊...
      不過諗起下年返工就去唔到咁多旅行, 所以照book啦! 反正今年旅行個rate真係靚 ;)

      刪除
  4. 兩個拍拖去旅行係最好增進感情嘅時機

    回覆刪除
    回覆
    1. 點解我覺得係肚腩增進的時機o既?
      台北之旅就話有2隻化骨龍, 依2次自己去勁食, 返黎唔肥就有鬼喇 :p

      刪除