近月與失散已久的中一班主任聯絡上，原來他住將軍澳。所以得知九龍東智選假日酒店的 稻 INA by Inagiku 新增了Teppanyaki Chef Omakase，毫不猶豫就來吃了，順便可以會舊師～
稻 INA by Inagiku 位於酒店2樓，與近日改供應廣東菜的晉薈處於同層，同樣享有高樓底、青綠開揚的迷人景色，在這裡享用午餐，絕對是人生一大樂事。
這天特別來吃 鐵板燒廚師推介 Teppanyaki Chef Omakase，食材由大廚每天親往街市選購，食客可開出目標價位，師傅就會從而選擇不同的食材來製作這大廚拍板的鐵板燒。
首先品嚐前菜小吃，分別有乾身帶鹽花的美味枝豆、輕薄脆身的鱈魚乾片，以及油潤好吃的雞泡魚乾絲，三款都是高水準出品，甜魔媽媽都很喜歡！
特別當雞泡魚乾絲配上沙律醬，從來都是個人至愛小吃，非常讓我吃上癮，完全停不了口！
是日吃過午餐的Chloe妹妹也有同來，安坐安全舒適high chair的她，也一起分嚐了鱈魚乾片，她超喜歡的，一吃就是三數片。
然後又來有機野菜沙律，成品用料新鮮而且色彩繽紛吸引，十分的開胃清新，吃時可配搭胡麻汁，又或油醋沙律汁，令沙律滋味倍添。
接著有三色刺身，分別是深海池魚、金目鯛以及拖羅，刺身不經冰藏處理，來得份外新鮮好吃，每款採厚切，各有兩大片，吃來是無比的滿足；特別是拖羅油花豐富又無根，很美妙。
這樣巨型的新鮮鮑魚，在這裡定價$800隻，以份量來計很合理。不過在烹煮的過程中，鮑魚會不斷扭動，看不慣的最好要先行避席！
要讚貌似十分年輕的師傅刀法如神，所有動作清脆利落，不消一刻，鮑魚已給生剥離殼了！
早年品嚐的鐵板燒鮑魚由於體積大小，一隻只夠一切成四件；這天的巨型鮑魚就可以分為薄切及厚切兩種吃法，份量巨大足夠五人分吃呢。
給師傅的功藝深深吸引著，驚嘆不己的甜魔媽媽只記得拍了薄切的上檯版本。其實兩款都很好吃，但個人稍為喜歡薄身那款多些，鮮美爽彈又可口。
而其實厚身的版本也有水準，熟度與質感都很完美，都說師傅的功架十足啊～
之後品嚐新鮮的花甲，剛於街市買來的新鮮貨色，鮮味十足，基本上不用任何調味已經十分好吃。太心急品嚐關係，又忘了拍上檯版本，哈哈～
然後有 鹿兒島黑豚薄燒，靚黑豚的質素不用置疑，在大廚精妙的火候掌握下自然好吃。更美妙是同上的蔥及薑粒辛香吸引，邊吃再邊品嚐清脆美味的蒜片，更覺享受加倍～
來到 鐵板燒和牛牛舌 更是嘩嘩嘩好吃不得了，油脂分佈細緻平均，入口先是和牛沒有的爽彈感，然後是油花併發然再慢慢融於口，那感覺太妙了！
當然，師傅能將牛舌燒至外層輕脆，裡面仍然嫩滑多汁，也是實力的表現。這客牛吞，真是極品來的，推介大家一定要吃！
夏日炎炎，押尾有清爽的 梅子素麵 來清新一下味蕾。為食的Chloe見到麵條粉紅迷人，也爭著要吃了一口，不過吃不慣那微酸清新感，一下又吐了，哈哈～
沒錯，這迷你紅豆餅就是特地製作給Chloe妹妹的！這正正也是 Omakase 的美妙之處，師傅即席的發揮總帶來無限的驚喜。
而這紅豆餅也實在出色，新鮮煎起的燒餅質感鬆軟棉香，襯上香甜碩大的十勝紅豆，實在是飽餐一頓後美好的結尾。這樣一頓高質素 Teppanyaki Chef Omakase，不計鮑魚，收費約是$500/位，食客亦可以提出自己的心水價位，師傅會再作配合。
飯後甜魔媽媽與Chloe直接留在環境優美的餐廳，會見闊別廿年的班主任（暴露了年齡... 算啦，也不是甚麼秘密 =P）。為怕妹妹坐得悶，餐廳又送上 Hello Kitty 填色紙，很貼心～
太多年沒見，大家一聊就是個多小時，後來不好意思阻餐廳打掃，才移師到商場再逛再聊。途中，也請路人幫忙拍了一張合照－－要講Chloe的師公超後生，廿年沒變啊...!!!
最後逛了小兄妹最愛的 BabiesRus，也是時間差不多離開，前往銅鑼灣，先後拜訪 Gusella 及 Paul Lafayet（明天再介紹）。
甜魔媽媽這星期，真的忙！不過邊忙還能邊享受美食，同時仍能有不少時間陪伴小兄妹，要好好感恩了。遲些再分享更多～ =)
稻 INA by Inagiku
地址：將軍澳唐德街3號香港九龍東智選假日酒店2樓
電話：2623 2300
** 想收到兩小兄妹的最新消息，可以like一下Matthew and Chloe fanpage哦~~
嘩妳班主任好後生呀
回覆刪除佢話自己讀化學, 識得防腐喎, haha
刪除鮑魚真係好大隻呀！牛舌個樣好吸引, 煎好上枱後簡直似鵝肝，而我平時其實係好驚睇得出係牛舌嘅牛舌架！:P
回覆刪除阿蛇簡直似學兄多D! 不過甜魔媽媽都唔弱，最多估妳係大專生
大專生？哈哈...真攞命! 唉......
刪除我同海豚兒一樣, 好明顯的牛舌唔太鍾意, 但燒到咁金黃香脆內嫩真係好正
刪除又其實, 世界上都有3字頭的大專生o既, 呵呵, 唔駛太認真
吓！？原來你3字頭㗎咋？呵呵，唔好意思，失覺晒！
刪除已經寫到明正正廿年前F.1, 仍然計唔掂數的, 返去重溫小學數學啦!
刪除無計啦！閣下副尊容誤導左我嘛⋯
刪除似乎, 閣下對在下的儀寄超級留意上心喎!
刪除否則都唔會3番4次上黎, 幫我增加hit rate...
其實講起黎要感激你!! 但希望你千萬唔好係異性, 費到搞到老公擔心啦 :p
放心啦！我就算再重口味都真係啃唔落如此極品。只係見你超級留意上心hit rate,我作為粉絲當然要keep住上嚟留言撐場啦。都明白你要保持人氣,d廣告先會長寫長有㗎嘛��! 喺呢度祝生意興隆，業務蒸蒸日上！我會繼續留言支持你架！��
刪除放心啦！我就算再重口啃唔落如此人間極品。其實我一直好欣賞你高尚嘅情操同充滿真誠嘅文字㗎。你簡直係社會良心，blogger界嘅典範！知道你超級留意上心hit rate,作為粉絲嘅我當然keep住人喺度留言撐場啦。明白要保持人氣，嗰d試食試用後真心誠實分享文才會長寫長有㗎嘛！加油呀！我會繼續上黎支持你！
刪除唔知點解你的留言會三度消失???
刪除Anyway, 首先想講唔好意思, 之前一直未能確認閣下身份, 所有少少串咀希望引你表露身份, 依家知道你係邊位, 可以打開天窗說亮話啦!
再次多謝你咁關心我, 我真係開心有讀者俾意見, 甚至係反對的意見; 高尚我一定受唔起, 但自問真心去寫所有文字, 包括試食/試用, 但都可以理解有讀者覺得試食/試用就係廣告, 所以我都會label出來, 以資識別。所以好歡迎你繼續留言, 為反而反的point, 我會自動ignore的 ;)
同埋, hit rate唔係我最介意, 係我估你會回應先咁講。今朝都諗過將3度留言的email notifications, 放上facebook同大家分享開心下, 但都係算啦。我其實唔係討厭你, 同埋真心覺得你唔好四圍樹敵會好d。專心寫好自己的blog, 可能你會更紅呢。
最後, 無論點都好, 你寫我好啦, 真係唔好搞我的朋友 (其實你第一個留言都對我網友唔太客氣...) 同家人, 咁就一切無問題!
真係好後生呀你中一班主任~
回覆刪除除了個樣後生, 連身型都keep到, 真係叫佢師兄仲貼切!!!!
刪除放心啦！我就算再重口味都啃唔落如此人間極品。其實我一直好欣賞你高尚嘅情操同充滿真誠嘅文字㗎。你簡直係社會良心，blogger界嘅典範！知道你超級留意上心hit rate,作為粉絲嘅我當然keep住人喺度留言撐場啦。明白要保持人氣，嗰d試食試用後真心誠實分享文才會長寫長有㗎嘛！加油呀！我會繼續上黎支持你！
回覆刪除