❁ 鮨文 Sushi Man ❁ 頂級Omakase坐落元朗!!!

繼續元朗日菜介紹,今晚是高級版,寫的是來頭很勁、主打Omakase (師傅拍板) 的 鮨文


未吃前單憑地點(安娜扒房及貓山皇旁),真想像不到這由前壽司之神 Cupid 師傅所開的店子這麼勁。然而抵達後,無論是雲石門面、抑或店內都高雅而富日本風情,第一印象不錯。


Omakase 從來都不便宜,這裡晚市Omakase最便宜$600,也有$800、$1,000、$1,300選項,我們吃的是就是最貴的一款。首先有前菜/先付,分別是溫泉蛋青瓜絲沙律,以及胡麻菠菜。
 

胡麻菠菜很常見,水準正常挺合心。溫泉蛋青瓜絲沙律是以流心蛋黃拌均青瓜絲享用,口感是過份濕身,不夠爽口;雖然很老土,但個人真心喜歡吃簡單的蟹籽沙律更多。
  

不過,由茶碗蒸開始慢慢感受到師傅及廚子的誠意。成品很夠熱,燉蛋質感非常細滑嫩口,帶有雞湯的鮮美,更重要是份量少少的芫荽,帶來恰到好處的清新食味,是點晴之作。
 


然後開始刺身環節,首先是 深海池魚。這裡的刺身全部均很新鮮,採厚切的池魚食感厚實、魚脂味濃郁,是美好的開始。
 

接著有喜知次魚近親的 赤陸魚,肉質細緻,經輕灸過逼出油香,脂香迷人,很好吃!
 

之後是脂肪像網紋般的 霜降拖羅,油分豐富得非常誇張,除了入口即融,更是油花併發,是無上的邪惡享受!


吃過油脂豐厚的拖羅,又回到魚味濃重的 金目鯛。雖然其油分不及之前幾款刺身,但肉質卻特別滑溜細嫩,魚味份外鮮甜,也令人著迷。四款魚刺身均各有千秋,都令人愛不釋手!
 
   
然後又有 蝦夷鮑魚,成品清酒浸過爽嫩彈牙,芳香而沒有苦味,不錯;更精彩是後方的鮑魚肝醬,甘香鮮濃、纏繞味蕾!未夠彈藥品嚐三星志魂的$3,500 Omakase,這版本已很回味了。
 


吃完鮑魚,還有肝醬剩下,怎辦?師傅會送上一糰米飯,讓食客撈醬吃,不夠還可再添,實在很動人又滿足。
 

然後正式開始壽司環節,當晚我們很有口福,因為有數量稀少珍貴、有美麗花紋的 北海道縞蝦!當晚 Cupid 師傅在我們面前慢慢剝蝦,又加上蝦隻本身的蝦籽,即握成壽司。


與牡丹蝦一樣,縞蝦都是鮮艷光澤、剔透質感美,同時進口鮮甜又嫩滑;但其肉質卻更為緊緻,爽口度更高,加上爽脆的蝦籽自然又是人間享受,很美妙!
 

之後又有靚貨的 鹽水海膽迷你當,海膽混合了兩款以上不同的貨色,兩者都超級新鮮、鮮甜濃郁,有入口即融、美味非凡的效果,再加上脆紫菜更加讓人回味不已!
 

這頓實在吃得不太冷靜,因為太多款式都嘩嘩嘩很好吃;之後兩款壽司稍為心情平穩一點。
 

其實上圖的火灸銀鱈魚與中拖羅壽司都用料新鮮,水準很好,不過就沒有先前的驚艷感。
 

最後一款壽司是 赤貝,超級爽脆鮮甜而沒有一絲的腥味,加上適當的醬油調味,又是非常的出色美味。不過當晚吃的飯有一點鬆散,未知與當晚店內空調有點失靈有沒關係。


這 Omakase 份量對甜魔媽媽(大食女生)來講剛剛好,最後以味道極鮮極濃、膠質十足又夠熱熨的精彩魚湯作結,就完成很滿足的一頓。
  

超愛這魚湯... 見到那層膠膜嗎?底下非常熱熨呢!當然,如果再連上甜品(日後再增設),會是更完滿的一頓。十分慶幸沒為煲 HKTV(玩物喪志的C9真有想過!!!)推辭這一局! =P
 

始終,Omakase 除了吃材料及味道,師傅的功架及氣質也很重要。Cupid 雖然年紀輕輕,卻功架十足,近期吃過數場 Omakase 中,就算這裡最出色,高一點的收費也值回票價!
 

又,這裡午市食物並不貴,其中13件的 Omakase Sushi Set 只需$180,絕對是賣大包之作!找個沒那麼忙的週末,一定會帶上壽司迷老公,再訪再嚐 Cupid 的手勢~



鮨文 Sushi Man
地址:元朗仁樂坊利發大樓5號舖
電話:2285 9477
Facebook:https://www.facebook.com/pages/%E9%AE%A8%E6%96%87-Sushi-Man/1401469406832329
 
** 想收到兩小兄妹的最新消息,可以like一下Matthew and Chloe fanpage哦~~

17 則留言:

  1. 海膽迷你當超吸引,舖到滿滿連飯粒都唔見,恨C人啦!

    回覆刪除
    回覆
    1. 佢用料好一流, 如果連飯粒鬆脫都改善埋, 簡直係perfect呀

      刪除
  2. 上個月同海棠去食過兩次,一次午餐,一次晚餐。午餐套餐比較滿意,對得住價錢。晚餐食omakase$800同$1000,唔係話佢差,不過呢個價錢有更多更好選擇。最想講既係,見到廚師掉左其他客人影完相未食既食物,可能個客上載緊。雖然有做份新既俾個客,但係都嚇左一跳,餐飯食得個心好唔舒服。alina

    回覆刪除
    回覆
    1. Omakase的確比較貴, 所以揀午間去食係會抵好多~~~
      Mmmm, 我唔太明白「上載緊」係咩意思? 我知餐廳除了我地, 仲有搵其他bloggers & instagramers 試食, 不過應該都係食落肚而唔係掉左佢?

      刪除
  3. 吓?係元朗開左?我仲以為係尖咀tim

    回覆刪除
    回覆
    1. 真係好唔元朗style, 最搞笑是安娜旁邊!!

      刪除
  4. 回覆
    1. 佢D用料真係好令人回味的~~~

      刪除
  5. 估唔到元朗都有間咁正又正宗既日本料理, 真係有口福喇! 可惜老公唔愛刺身...要搵次lunch去, 佢食熟, 我食生先得! 多謝推介!

    回覆刪除
    回覆
    1. 唔駛客氣, 其實lunch真係更抵食, 遲d我都會去食呀 :D

      刪除
  6. 個鮑魚肝醬撈飯同海膽迷你當真係吸引死人啦! 可惜位於元朗有D遠, 唔係真係好抵食!!!

    回覆刪除
    回覆
    1. 都係架, 尤其對唔識路的, 個位置都有少少難搵

      刪除
  7. 回覆
    1. 之前经过,個門面同附返真係格格不入!
      Go go go.......

      刪除
  8. 看見那鮑魚肝醬簡直係精品口水直流呀

    回覆刪除
    回覆
    1. 依一餐真係充滿驚喜, 好在冇因煲劇甩底咋 :p

      刪除