跳至主要內容

返工泵奶

甜魔媽媽回到工作崗位後,不似上次有蜜月期,馬上工作就超忙了.... 最恐怖是其實我還未接回100%的workload,之後的日子都不知怎過了,只有希望12月尾快點到,這個quarter快點完!!!
  
不過再忙也要抽時間去泵奶,因為谷奶真的很不舒服啊! 如果谷到塞、塞到乳腺炎就更大鑊了 (上胎的經歷是要前後抽了五次奶才清掉!! @@),所以由昨天起,媽媽每天都泵奶兩次。不過我實在少看了公司同事的繁忙程度,或者這樣說,這兩年間公司的事情真的多了很多,兩層總共近十個meeting room,竟然有些時間是全部engaged的!! 昨天施施然返工的媽媽,第一件事就是面對要四周找地方泵奶的大問題,驚青了整個上午! 還好最終都算找到地方解決生理需要,雖然第一場不是最理想的地點,時間亦不是最理想的時段,也不要緊,照去也可~~
 
講真,未返工前,甜魔媽媽未試過用雙泵泵奶超過15分鐘 (單泵一邊就試過,主要是夜晚泵到睡著了... 還好都是廿多分鐘,還未爆樽! =P),昨天早上7:25-7:50am餵完奶再揸清後,上午10:45~11:15am首次試泵半小時,已有8安,頗有驚喜呢! 雖然感覺還未算很清 (個人清的定義是胸部超軟... 間中還會感到有點涼意,大家也會這樣嗎?),但要講Freestyle那細水長流的出奶方式,的確比起手揸成績好很多!!

去到下午,要等到3:00-3:30pm才有房間了,其實等待過程中頗谷呢,不過奇怪是產量反而不及上午,只有6安左右,不知是否與泵奶時間較短只是廿多分鐘有關 (因為set-up加之後清場,也要5-10分鐘!).... 不要緊,反正6:30pm我就可以回到家裡餵妹妹了,那刻就真正感到很清很舒服;而且這首日的產量已遠超Chloe妹妹的飲奶量,因為衰妹在家裡絕食了!! 唉,這點容後再記吧~~
 
來到第二日,book到房的時間是10:00-10:30am,下午要到3:00pm再有房了 (事實上之前也有人奶媽媽同事book奶泵奶,真正拿到房時間已是3:10pm!),還好甜魔媽媽早感到谷不是辦法,在中午先手揸了2.5安出來鬆一鬆,所以問題不大。不過這兩次泵奶都是廿分鐘多點,所以二變三的產量沒有增加很多,分別是上午7安,中午 (手揸) 2.5安,下午5安。
 
不過返工泵奶除了book房煩、set up煩,還有中間要洗泵 (我用熱水前後滾三次) 真的超煩也花時間,如果再加上帶飯,帶回公司的東西實在超多!! 所以奶泵我已決定留在公司,每日只帶一套喇叭、五個奶樽 (四個泵奶用,一個揸奶用,視乎book房時間),前後泵兩次,這已是我的極限。其實如不是立定主義離職,我甚至想過不如自費買個電奶煲放在公司,那麼洗奶泵就會方便很多,也不用帶來帶去了~~
   
相比上胎只用手揸,雖然產量較低,清奶也不太好,每天固定要揸三次 (不過現在如果時間不對也要煩三次啦!),但就真的方便很多。據聞手泵的功能在是手揸 (快但不清) 與電泵 (慢但較清) 之間,其他有經驗的媽媽可以分享一下嗎?
   
  
** 想收到兩小兄妹的最新消息,可以like一下Matthew and Chloe fanpage哦~~

留言

  1. being a working mom is never easy

    回覆刪除
    回覆
    1. 好似係越來越難, 以前都仲簡單好多....

      刪除
  2. 還好你只需要捱個多月..........就唔洗日日好似旅行咁..........拎咁多嘢~~~~

    回覆刪除
    回覆
    1. 希望係啦, 我阿姐放緊假, 我都要等佢返黎再cfm多次, 真係捱唔住呢~~

      刪除
  3. 估唔到你會帶飯。

    haitang

    回覆刪除
    回覆
    1. hehe, 其實唔去tasting的日子, 我食得好健康架!

      刪除
  4. 回覆
    1. 係架, 成個人好偉大, 胸前特別偉大, haha

      刪除
    2. 好多人都恨唔到呢...包括我:p

      刪除
    3. 可惜只係偉大一陣, 一收奶又打回原形啦 :p

      刪除
  5. 我上年都係咁,如果個日無得泵真係要用手清,勁辛苦架!!
    加油呀!

    回覆刪除
    回覆
    1. 買左泵更加懶左用手, 其實有佢已經幫輕左啦~~

      刪除
  6. 希望泵奶情況有所改善,會越來越快啦!
    雖然辛苦,但為咗妹妹健康,將來睇番轉頭,妳會為自己嘅堅持而驕傲!

    回覆刪除
  7. 我日日走難咁, 帶勁多嘢, 由最初日日怨, 到依家習慣咗喇
    但就快踏入6個月, 唔知點解出奶出得好慢, (我用medla 電揼, 係好大部嘅pump in style model)
    聽人講avent 手揼好, 又pat pat 痕買咗個, 今日第一日帶返工, 個袋輕咗勁多, 但未知成效如何

    回覆刪除
    回覆
    1. 餵左半年後, 泵/揸奶都係慢, 只得bb啜最快最work刺激到噴奶反射!

      avent的手泵係好多人讚架, 期待妳的分享呀!!!

      刪除
    2. 我兩個孩子都係用avent 手泵,全人奶,無添加,餵到歲半至兩歲。覺得手泵泵得好清,我會泵完左,右,再左,右,repeat 多一兩次。咁就清晒

      刪除
    3. 好多朋友都讚avent夠力, 不過我自己未試過, 因為怕用手泵會好累呢! 反而用手揸我覺得冇咁累

      刪除
  8. 回覆
    1. 可惜妹妹一日都食唔到8安呢... 真係激C人~~

      刪除
  9. 我同事那時都好勁....買埋冰箱返工, 方便運返d 奶回家...

    回覆刪除
    回覆
    1. 嘩, 買埋冰箱咪超重? 我唔知算好定唔好彩, 兩胎都係冬天返工, 拎奶反而冇咁大問題~

      刪除
  10. 加油呀 !! 仲有個多月嫁咋

    回覆刪除
    回覆
    1. 希望順利就係個幾月, 唔順利可能做埋1月架

      刪除
  11. 在職媽媽辛苦, 要餵母乳的在職媽媽更辛苦,
    媽媽真偉大, 阿yan加油!

    回覆刪除
  12. "五個奶樽",唔係用奶袋嗎?
    我果時用avent手泵,用麻佢d杯膠,因我產量唔多,每日返工只可午飯去附近商場泵一次,所以兩三日先用冰袋帶番d膠杯返屋企。
    中午手泵2.5安,請問會否比到錯誤signal身體話唔駛要咁多人奶架?

    回覆刪除
    回覆
    1. 奶袋太貴啦, 所以我用奶樽, 長遠來計慳好多好多架~

      一日只泵一次, 一次2.5安真係好唔夠喎! 一係密d泵, 一係再搵勁d的泵 (個個人唔同要慢慢試呢), 一定要清到奶奶量先會上架

      刪除
  13. 返工泵奶真係好辛苦,我餵到半歲就捱唔住啦,你要加油呀!會不會做FTM?

    回覆刪除
    回覆
    1. 會轉FTM呀, 不過超想拎埋double pay先走, 所以最快都要年尾, 甚至可能做到新年添

      刪除

發佈留言

此網誌的熱門文章

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~