跳至主要內容

勇氣新嘗試 ~ 單拖KO兩件!!

雖然每朝都很不想返工,不過不得不承認其實返工後時間運用反而好了,至少來到weekend也不會訓懶覺,用在上網的時間也大大減少,一有時間反而都盡量爭取陪Matthew仔... (妹妹? 媽媽每天餵她很多次,加上換片、掃風,前後至少半小時,共處的時間不會少啦~~)
 
而上週日,甜魔媽媽更有一項頗驚人的新嘗試----在爸爸晨咁早就返工的情況之下 (是的,他星期日也要返工... 好慘,不過好在翌日有補假),嘗試一人KO兩件!! 其實Chloe妹妹一向很痴媽媽很乖的,問題一定不會大,不過面對大佬Matthew,結果如何呢?

Matthew: 依個pose係咪好有打大佬feel??
甜魔家每個週日上午的活動是返教會,不過我們返的教會位處的唐樓並沒電梯的,還好只是二樓,很多時都是由爸爸將BB車拿上去。然而只得甜魔媽媽一個,還要揹著Chloe妹妹,肯定不能再揹BB車,於是媽媽就試著不帶車出去了!!



出門前媽媽問了Matthew「唔坐車車好唔好?」當時Matthew是答「唔好!」的,不過當出到外面,好動豬又超興奮有如甩繩馬騮呢! 當然我們盡量避走任何的馬路,同時多多使用公共交通工具。另外沒有BB車下所有行裝都要媽媽揹上身,所以要盡量少帶東西,另外也安排Matthew自己揹起自己的片片及水水。

甩繩馬騮

走得太快,影都影唔清楚!!!
算是最清的一張~~~
返教會前,媽媽先帶Matthew去吉野家食早餐;在這裡出現第一個意外----Matthew仔真的高大長大了太多,揹著妹妹的媽媽如常將他放在餐廳內的BB椅上,但放進去的姿態不太對,以致Matthew「kick」住了腳仔,可憐好動豬馬上爆喊,sorry ar!!! > < 還好有其他人幫忙將Matthew抱出來,事件也沒有影響他胃口,早餐吃得很多;不過之後大隻豬還是坐大人椅算了~~
  
Matthew: 媽媽,妳下次要小心呀~~
媽媽don't worry, i forgive you~~
之後返教會也沒有大問題,因為Matthew行樓梯好叻叻 (而且好鍾意的!),但當去到中午問題又來了,好動豬玩累了眼瞓了,不再想自己行... 揹著妹妹的媽媽又不可以再揹起Matthew,那一刻都幾無助呢... 好在終於等到屋苑的shuttle bus來到,媽媽請Matthew用最後的精力上車後,不久好動豬就在穿巴上沉沉睡了! 很感恩那時爸爸已經返完工回到家,可以在樓下抱起累透的可憐豬上樓~~
 
雖然這次勇氣新嘗試有驚也有險,不過就令媽媽發覺Matthew好動得來其實也算聽話,不會亂扭計,也懂體諒媽媽 (揹起妹妹不能再抱他),心裡其實很感動,很幸福的~~
 
不過之後的日子,還是有BB車同行比較穩陣... 所以下午一家四口再次出發 (我們去參加Jamie的生日party!! 容後再記~~),一定要推車了;途中爸爸還很衰的搓豬仔的臉臉,留下趣怪的留影!!
 



由豬咀變成8字咀!!! 
  
** 想收到兩小兄妹的最新消息,可以like一下Matthew and Chloe fanpage哦~~

留言

  1. matthew好叻呀,雖然攰但都冇扭計要你抱佢

    回覆刪除
  2. 好勁一個帶兩個!!! 我都未試過!

    回覆刪除
    回覆
    1. 其實都係一個上就啫! 不過試完一次有排都唔再試啦! :p

      刪除
  3. Matthew個樣咁寸呀?好似老豆喎,哈哈

    回覆刪除
    回覆
    1. 佢真係好鬼似爸爸, 不過更加靚仔charming~~~

      刪除
  4. 回覆
    1. 咁快上網睇blog? 好好休息呀, 遲d可能妳都得架!

      刪除
  5. Matthew仔第一張相相好巴閉,衫上面係唔係介紹佢係handsome devil? 太貼切~
    一拖二,好勁! 妳嗰日有無累到儍?!

    回覆刪除
    回覆
    1. 係呀, 特登睇中handsome devil買架!! XD

      個日其實我都OK, 反而係matthew全程要自己行, 比較累係佢呀~~

      刪除
  6. matthew 仔仔好乖呀. 不過出街都係帶車好呢, wakaka!

    回覆刪除
  7. Super Mom,勁!一次KO兩件!
    我同一仔去街,一仔爸都話唔放心,要我帶麻工人姐姐!

    回覆刪除
    回覆
    1. hehe, 可能我孤寒, 真係唔多帶工人姐姐出街架 :p

      刪除
  8. 如果可以搭港鐵出入,帶bb車都ok架,就算matthew瞓咗都唔怕嘛!
    不過如果係搭巴士就諗都唔駛諗了,放棄架bb車啦! ^^!!

    回覆刪除
    回覆
    1. 琴日再試多次 (不過有埋爸爸), 其實都真係冇大問題! 以後再繼續試多D no bb車~~

      刪除

發佈留言

此網誌的熱門文章

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~