甜魔家獨門靚B秘笈

繼早兩天的分享,收到MM Studio的照片沒錯甜魔媽媽是欣慰照片拍得很美,不過更開心是兩小兄妹本身實在可愛:與爸爸十足餅印的Matthew仔,精靈的眼神異常迷人;而妹妹也越大越精靈了,與哥哥也越來越似樣。與老公都一致認同,他倆絕對是青出於藍而勝於藍! =)
 
再加上,早前一連見到幾個關於「生靚B」的分享,所以今天也忍不住膽粗粗的,在這裡寫一下自己的心得,嘻嘻~~ 



首先,最近看了一篇《長相完全由遺傳決定?懷孕飲食讓寶寶長得更漂亮》,覺得有些地方可以給身邊的孕媽媽作參考。雖然,裡面寫的都是一些營養食物,不過懷孕期吃得營養,的確對媽媽及BB的健康與美麗都有百利而無一害;事實上,甜魔媽媽也是自從生了BB後,越來越注重營養吸收,真心覺得這是比用任何化妝/護膚品更好的養顏方法呢!
 
除了文章提到的食物,或者身邊的孕媽媽都聽過,就是孕期內要每天吃奇異果,這樣生出來的BB眼睛就會又圓又大。陀著Matthew時,媽媽忘了在3~5個月時聽到這傳聞後,就很誠心的每天吃奇異果/奇異金果;來到陀Chloe後,也由一開始盡量保持這個習慣 (不過由於身邊的老人家對第2胎似乎沒那麼著緊,中間甩餐的次數多了些.....)。到底這個方法有沒有用? 其實甜魔媽媽也不能確定呢,大家覺得呢? 不過反正奇異 (金) 果是維他命C極豐富的水果,多吃沒有壞處,唯一不好的影響,是陀完兩胎後媽媽由喜歡變成討厭吃奇異果了!
   
不過其實甜魔媽媽始終覺得BB的樣子如何,90%以上都還是遺傳的。根據上一代人的觀察所得 (他們生得較多胎!),在沒有小生產/掉胎的正常情況下,第一胎似爸爸,第二胎似媽媽,如此類推,而第三胎多數是最漂亮的寶寶。甜魔家的寶寶已經證實了第一個講法幾正確;至於第二點,不是講笑,如果經濟條件理想加上照顧人手充足,甜魔媽媽真的想試試呢! 當然現在應該不會了。
 
另一個有趣的網上美醜比較,是有韓國第一美女之稱的金善喜的女兒,以及靚佬湯的女兒,不是講笑,那效果對比都驚人的!!! :O
 
靚媽與X女.... 相差真是太遠了!!!
明明兩口子都不是那麼差的....
另一邊廂,靚佬與他的小美人兒
真可愛~~~
當然,矛頭直直指向韓國高超的整容技術 (因為就算是似爸爸,金善喜的老公也長得不太差!),說第一美人也是第一整容美人,云云.... 也難怪,也有整容公司以下面圖片來作招徠:
 
借蘋果的照片來笑一笑:(廣告) 你唯一擔心的是該如何跟孩子解釋! XD
當然,以上是得啖笑,但甜魔媽媽真心想分享自己經歷過有點效的方法,未必個個人work,但試了沒有壞,就是用懷孕期多用念力去想像BB模樣。還記得在陀Matthew時,媽媽一心想BB要非常似爸爸,好讓自己可以再次經歷爸爸的童年時代;而陀Chloe時,媽媽由於太喜歡Matthew了,常常都想妹妹要似哥哥。結果哥哥真的有90%以上似爸爸,而妹妹在似媽媽同時,又真的頗似哥哥呢! 很神奇。
 
不過說到底,甜魔媽媽始終覺得,沒錯長得美麗是有一定優勢,可除非是當明星要常常上鏡拍硬照,否則一個人的氣質為人其實遠比長相重要。所以先天長在美不夠的,絕對可以栽培內在美去補救,要知青春易逝,氣質與品格要長久得多了。
 
特以此文分享給身邊懷孕中/準備懷孕的媽媽 (歡迎轉載!!),並祝大家都可以誕下一個健康美麗、同時氣質、品格均超卓的B仔B女! =)
 

** 想收到兩小兄妹的最新消息,可以like一下Matthew and Chloe fanpage哦~~ 
  

20 則留言:

  1. 第一張相妹妹笑的好甜丫

    回覆刪除
    回覆
    1. 好開心佢地兩個都笑得似我丫! :D

      刪除
  2. 我就相反,hannah 勁似我,而妹妹而 so far 似爸爸

    回覆刪除
    回覆
    1. haha, 剛好reverse左, 其實一人似一個幾好呀, 夠哂公平~~

      刪除
  3. 我朋友又係陀B時日日都食奇異果佢囝囝勁聰明呢^0^

    回覆刪除
    回覆
    1. 陀仔一定要食, 因為仔一定要叻
      陀女更加要食, 因為食左會大眼, 樣靚樣樣野都加200分!! XD

      刪除
  4. 回覆
    1. 其實有時我覺得Chloe有d似charlotte mui mui架~~ ;)

      刪除
  5. 兄妹都咁得意,妹妹眼神依然似陳茵薇 XD

    回覆刪除
    回覆
    1. 太好啦, 我等緊另一個筍盤女婿! XD

      刪除
  6. 念力? 我都有咁做, 最後.. 我諗的.. 都好似成功左!! 哈哈

    回覆刪除
    回覆
    1. 其實都係我阿媽同我講佢試了work, 我跟住再試, 真係有d效架~~ ;)

      刪除
  7. 呢篇野好搞鬼呀! hahaha...
    "第一胎似爸爸,第二胎似媽媽", 身邊真係有人係咁喎, 好準呀!

    回覆刪除
    回覆
    1. 不如妳都快d生多胎來proof下啦, hehe

      刪除
  8. 回覆
    1. 怕酸就要食奇異金果, 不過點都好9個月後真心唔想再食了!!!!

      刪除
  9. 原來係食奇異果……哎呀,我錯過咗添~~ ^^!!

    回覆刪除
    回覆
    1. 唔緊要啦, 信毅已經十分之大眼又精靈啦!!

      刪除
  10. 差d miss 左依個post添!好彩你refer番它出來!
    我果時差不多天天食奇異果,因它多维他命C,同我有便秘(但幫肋不大),但一仔真係眼大大呢!

    回覆刪除
    回覆
    1. 係丫, 仲記得第一次見到一仔張相, 仲以為佢係mix的, 眼仔鬼咁大~~ :p

      刪除