見到這張照片，相信很多Matthew仔的粉絲都會心痛了，其實媽媽也有一點的... 雖然，很坦白講其實甜魔媽媽非常喜歡Matthew的喊樣的! XD 無論如何，要講隨著好動豬越來越貪玩，發生意外的機會真的大增，單在除夕當日就有幾宗小意外了，下面逐一分享!
話說除夕當日甜魔媽媽三點就可以early release了，就相約放假的爸爸，與同嫲嫲一起帶同小兄妹出到葵芳，在媽媽公司附近來頓除夕tea~~ 見到妹妹第一件事當然就是餵奶，餵完出來原來他們揀了A1 Restaurant坐下，也好吧。
媽媽來到時，爸爸及嫲嫲已經點了大阪風味牛肉炒烏冬 ($52)，以及芝士薯仔卡邦尼意粉 ($46)，兩者都是廚師推介。炒烏冬以鐵板上檯，墊底又有煎蛋，面層一些木魚絲，所以稱為大阪風味吧，牛肉就幾乎找不到。由於賣相太不吸引，媽媽一口都沒有試。
至於卡邦尼意粉，也即是Carbonara，味道與口感都不錯，識食Matthew也大啖大啖的吃 (媽媽也是看他的反應，決定吃意粉不吃烏冬啦! XD)；唯一要彈是平白加上薯仔，簡直是畫蛇添足，刪減掉更好!
甜魔媽媽來到後，再加點一份抹茶紅豆丹麥多士拌A-1雲尼拿雪糕 ($52)，也是廚師推介的它，賣相比menu失色多了，多士不香不熱，紅豆又乾又少，這樣的貨色賣半百，太搶錢了!!! @@
下午茶也可以加$10換不同的小食／甜品 (是日為奶凍，沒興趣沒點了)，當中的炸薯角水準不錯，至少夠香脆熱辣，比多士或烏冬都吸引。
而全餐最美味是另一款小食---炸南瓜餅，成品其實與MOS Burger的北海道南瓜餅有99%相似，應該是來貨，總之香脆不油，熱暖又有南瓜甜香，好吃。
飲品方面嫲嫲點了熱檸茶 (沒試)，爸爸要了熱咖啡 (不錯)，又點了一杯橙汁給Matthew (超細杯!)，埋單$187，其實不算太值，不過難得三堂同代一起於除夕嘆tea，OK啦。
不過一邊嘆tea的同時，爸爸與嫲嫲一邊講及早前發生的意外，就實在令人既好笑又心痛了......
 |
| 受傷的豬咀 |
話說，爸爸想趁餘下僅有的假期，帶Matthew好動豬去元朗公園玩樂並影相 (Chloe妹妹就留家)，出發時還挺興奮開心的~~~
之不過蹦蹦跳的好動豬很快就跌到了，喊得十分淒涼呢.... 仔細一看，原來咀仔也跌爆了，應該非常的痛呢!!!
 |
| 雖然喊樣很可憐，但同時也很可愛，嫲嫲也忍不住笑了!! |
 |
| 見到流血豬咀嗎? |
有人更加開心到瞓地呢! 不過樂極忘形之際，也是悲劇發生之時；不久好動豬又遇上第二宗意外了....
 |
| 哎呀~~~~~~!!!!! |
 |
| Matthew: 眼睛痛痛..... |
沒事後，Matthew自然又再開心繼續玩，這次他要自己爬上百鳥塔! 相比去年9月媽媽坐月時 (詳見《Matthew仔重遊百鳥塔 (附: 超精彩影片!!)》)，豬仔這天再來百鳥塔，又長大了不少...!!
不過臨離開時，有人一直摀著pat pat，驚驚青青的樣子，為什麼呢? 原來，有人痾了很大的臭臭，擔心臭臭會掉下來....!! XD
其實就這個故事，爸爸也精心製作了一條短片，大家也來看看吧~~~ =)
雖然經歷了不少意外與風浪，Matthew仍是那麼天真可愛、好動為食不改，難怪爸爸問嫲嫲「我小時間與Matthew相比，那個可愛些?」得到老人家斬釘截鐵的回答：「當然是Matthew可愛好玩得多了!!!!!!!」 XD
 |
| 超愛他的食相 |
哎呀，寫了貼了那麼多關於哥哥Matthew，其實Chloe妹妹也很可愛，很好玩的。看看她紅粉緋緋的圓圓臉蛋，以及怒髮沖冠的髮型，誰敢說不是? XD
就這樣與一對寶貝渡過了2013，來到2014了! 新一年希望有更多的時間與他們好好相處，繼續見證並寫+拍下他們的成長點滴!!
** 想收到兩小兄妹的最新消息，可以like一下Matthew and Chloe fanpage哦~~
Haha大大poo poo
回覆刪除haha, matthew仔真係笑料不絕架~~
刪除媽媽一口都沒有試, 爸爸自討沒趣問嫲嫲, 嫲嫲斬釘截鐵, 抱爸爸, 掩住臭pat pat, punk妹妹, 今日好精彩:D
回覆刪除Matthew食野時, 豬咀仔唔痛? 上樓梯好勁, 又快又唔駛扶.
其實Matthew講咩呢?
係呀，依日超級豐富！btw片中matthew係講「好多雀仔喎」，都係有啲鄉音呀~~~ :p
刪除小心D呀好動豬，
回覆刪除男仔係寧舍好動麻煩啲，女仔乖好多呀！
刪除哎，喊樣真係可憐，但又真可愛，怪不得嫲嫲也忍不住笑啦!
回覆刪除Matthew 摀著pat pat果張更可愛，hohoho!
妹妹怒髮沖冠，hahaha!
哈哈，依篇真係令人哭笑不得架~~
刪除小朋友唔跌唔大，慢慢Matthew就會學懂小心謹慎 ^^"
回覆刪除係啦，唯有咁諗，同埋仔始終粗生啲
刪除男仔跌下唔緊要啦，Matthew個咀損左仲有小妹妹鐘意同佢玩
回覆刪除個個係姐姐黎架，教會的小朋友，matthew真係太高了~~~
刪除MATHHEW係咪講：好多雀仔呀 ??
回覆刪除我大約聽到少少
yeah, 好叻呀!!
刪除"要抱爸爸...." 真係好好笑........... 同埋爸爸好衰囉，仲要係咁問 Matthew 係咪有好多poopoo...人哋已經好不知所措架啦嘛!
回覆刪除冇計啦, 依家牙牙學講野的matthew太好玩啦, 點捨得唔逼問下佢喎! :p
刪除Video好正喎~最鍾意matthew仔大笑的樣子, 好靚仔~
回覆刪除Matthew行樓梯好叻叻吖, 完全唔駛扶住, 好勁吖~
hehe, 我都鍾意matthew笑樣, 不過其實更鍾意佢的喊樣呢!
刪除matthew係行得好叻叻啦, 佢又知自己掂, 唔俾我地扶架!