最近甜魔家樓下又新開了不少餐廳，喜歡吃又貪新鮮的甜魔媽媽可樂了! 今晚就介紹一間對著以手打漢堡包著名的EC Kitchen，出品也甚為相似的Moment Cafe，甜魔一家的元旦大早餐也是在那裡吃的呢!
鳳攸南街一帶真的有不少小店，很多時媽媽都是直行直過不太理會，直到一天留意到食客檯上有個巨大又吸引的漢堡包，馬上抱著妹妹去試了!!
還記得這裡精選午餐 (12:00~4:30pm) 的選擇之一，就是手打牛肉漢堡配薯角 ($48)，馬上點了一份。成品跟是日餐湯／咖啡或茶 (凍飲加$3，特飲加$8)，當日餐湯據講是南瓜湯，但上檯不知怎的卻變了蕃茄湯，味甜而且濃，應該下了不少茄膏在內。最值得欣賞是超夠熱。
主角的漢堡也上檯了，包身烘得微帶金黃、香脆可口，手打牛肉香口又鬆化，而配料也新鮮而且豐富，吃時頗為濃郁的牛味，襯以清新蕃茄、生菜、微辣洋蔥，與對面的EC Kitchen都一樣好吃又有水準呢! 不過更開心是份量超巨大，再加上媽媽愛吃的芝士，加倍滿足了。另外，同上的炸薯角也香脆可口，但就略嫌炸得深了一些，沒有全部吃完了。
小店不設加一，埋單就是$48，本來就覺得幾抵食，不過看來看看餐牌原來單點這份漢堡只是$24!! 即是那碗水準平平的餐湯 (或者一杯餐飲) 及薯角合共多花了$24，相比似乎單點會抵食些。都說了媽媽喜歡計婆仔數...!!!
 |
| Chloe: 媽媽，妳超級婆仔啊!!! |
 |
| 媽媽要慳錢俾妳駛嘛.... Chloe: 哦，好啦，咁慳多D啦! |
這就是All day breakfast ($78) 的真身，內容十分豐富包括：意式雜肉腸 (共3款)、煙肉、火腿、班尼迪蛋、炸薯角、奶醬多，配上鮮雜菜沙律，西化得來又帶一點港式早餐的fusion意味!
其實兩口子都超愛吃奶醬多，這裡又用上麥多士更加好吃；三款意式雜肉腸都不錯，皮脆而且肉香，特別是黑椒那款最香口；其他的煙肉、火腿、沙律也可以，但唯獨最為期待的班尼迪蛋 (egg benedict) 竟是鐵石心腸.... 唉，與吃心太軟吃著硬心貨色一樣失望了!
當日除了All day breakfast，也點了正常的早餐，這是雜菌奄列配意式腸及奶醬多 ($38)；這個反而很不錯，因為奄列實在炒得很嫩很吸引，意式腸也量足同時皮脆肉香，最後奶醬多是講過了好味吸引，會為這份早餐再來的!
飲品方面，就是加$8的熱朱古力，香甜同時面層微帶棉花糖香氣，應是用了棉花糖朱古力沖製，不錯的。
老公點了熱咖啡看來也不錯，不過飲起來略苦澀了些，不合兩口子的口味。
為食Matthew見有美食，當然毫不客氣的搶食了，兩份早餐根本不夠填肚呢! 所以也散點了一份手打牛肉漢堡 ($24)，為食豬又是十分的喜歡呢!
這次埋單$148，之後一家四口就出發到沙田玩Snoopyland、逛街食飯了，詳情明天再記吧。又其實，見它的意粉及risotto也不錯的樣子，下次再找機會幫襯再試更多!
 |
| 最後，Chloe妹妹: 元旦日我好靚架! 都要出下鏡~~ ;) |
地址：元朗鳳攸南街9號好順行大廈地下1C&D舖
電話：6588 4808
** 想收到兩小兄妹的最新消息，可以like一下Matthew and Chloe fanpage哦~~
個漢堡包勁吸引呀! $24 一個真係好抵…下次嚟探你可以試食喎! 個薯角都好香口咁呀! 兩樣都好想食呀!!
回覆刪除welcome ar, 其實依期樓下真係越來越多新店, 好吸引架! ;)
刪除小店價錢+賣相也不俗呀!
回覆刪除支持小店!!!!!! :)
係呀, 依家hk商場內都係連鎖店, 難得有依d小店真係好似清泉呢
刪除個手打漢堡好吸引! 條腸好似燶左小小...
回覆刪除早兩日去左間連鎖熱狗店, order左兩隻熱狗, 一個走洋蔥一個唔洗走.
點知佢唔應走既走左, 應走既無走, 仲同我講話果啲係蘿蔔!! 激c人
可能影相問題, 食落兩者都好ok的~~
刪除邊間連鎖店咁唔掂呀? 等我black list左佢
咦!係咪上次阿龍叫我地食個間呀?
回覆刪除唔係, 係對面個間, 兩間都唔錯的! ;)
刪除