天水圍週末 ~ 華嫂冰室 + 天瑞playroom

上週六,甜魔一家四口,約同另一戶一家四口 (兩個大B與小B都是剛好相差一週左右,真巧!!) 來到華嫂冰室共晉午餐,讓甜魔媽媽終於見識這到全元朗天水圍區最紅最火爆的小店魅力~~~


冰室地點位於元朗屏山坑頭村,不過按地理它更應屬於天水圍,是日甜魔一家也是搭西鐵去到天水圍站,再慢慢步行過去。沿路盡是鄉屋、荷塘景色,感覺很不一樣,為這次美食尋訪之旅添上一分郊遊的閒適感!



之不過當來到店外,輕鬆的感覺不再,因為實在太多太多太多人啦!! 沒法,小店只開星期一至六,早上8時至下午5時,除了放假的日子,上班族肯定就是星期六的中午擁來吃,所以等位的人多得十分誇張! 各自揹著BB的甜魔媽媽與友人還好有坐著等,可憐兩位爸爸要在外面暴曬差不多整整一小時,才排到位去吃,那刻,我都有問自己---值不值得??
 

終於有位,小店是很舊式的佈置,很有鄉村風味,特別我們就坐室外位,可以享受自然的日光,感覺份外寫意。對了,為了可以更快提供食物,縮短其他食客的輪候時間,這裡會有店員在入座前先幫大家下單;不過下單只限一次,並不接受加單,所以甜魔媽媽貪心的點了不少食物呢!
 

  
這裡並不設套餐,食物飲品全是散點;由於等位時曬得要緊,大家都頗熱就點了凍奶茶 ($13),媽媽與爸爸分享一杯好了。冰奶茶是加冰塊的貨色,但味道十分濃厚,頗有冰鎮奶茶的效果,甜度又適中,好飲,媽媽在想轉熱飲不知會否更加濃郁難忘? 又,後來友人老公加點了一杯凍鴛鴦,看起來與據講也是水準之作,下次再來要一試。


據老公講,這裡的麵包十分出色,比起麵食更值得一吃,於是甜魔媽媽就不客氣點下三款招牌之作,首先是招牌菠蘿包 ($15),香脆熱暖而挺身的菠蘿包,中間加了煎蛋、芝士及蕃茄,比起旺角名店金華冰廳的菠蘿蛋有點相似,但味道更豐富。


不過其實甜魔媽媽更加喜歡這招牌芝士咸牛肉蛋朱仔包 ($17),較為軟身但烘得香脆熱暖的朱仔包 (一上檯店員就叫媽媽不要再影,快點吃以保持風味!),加上甜魔媽媽大喜的咸牛肉煎蛋,再加上香口的芝士,又怎會不好吃呢?


最後一款招牌碎蛋沙律多士 ($18) 其實就與坊間的碎蛋沙律三文治味道相近,只是經過烘焗更加脆口吸引,相比就是前兩款好吃點,不過這款就健康些,爸爸媽媽各分一件後,也給Matthew及朗朗各吃了一件。


當然也要點麵食,這裡基本的兩餸麵$21 / $23起,再加餸$6/7款,如加小食雞翼2隻+$9,豬扒加$15。友人家庭點了魚片煎蛋出前一丁 (+$2),轉了冬蔭公湯底 (+$8),最後定價不知道,因為單上只得一個大數,但要讚是冬蔭公湯底十分濃郁香辣,甚有泰國地道風味,老公小試過後說下次一定要點來吃;特別店內也有酸辣湯底,也是他的目標!


甜魔媽媽就拍板點了鮮茄豬扒雞翼通粉 ($39),其實鮮茄通粉味道一般啦,學友人老公話齋是茄底煮得太爛了,不過豬扒與雞翼味道都不錯,而且口味較為清怡健康,吃完也沒多少味精反應,這點實在不錯。


三杯飲品、四份麵包再加兩碗麵食,埋單接近$200,不是便宜的茶記收費啦,不過食物的確幾有特色,地點環境更是充滿風味,在乏善可陳的天水圍區也算是十分吸引的一大亮點了~~
 
又拍一下友人的B仔吧,他比Chloe小一星期多點,眼睫毛特長,有點似女生,是迷死人的男生女相!! 令媽媽有點想起Matthew小時候啊~~~
   


不過爸爸始終對較小的BB好感不高,相比之下更喜歡大Matthew一星期的朗朗呢! 事實上,當日這兩隻年齡相近的好動豬仔,飯後在鄉村的空地跑跑跑,一起玩得超開心的~~~ =)



午飯過後,媽媽要給Chloe妹妹餵奶了,順便就上了嫲嫲天水圍的家,讓Matthew見叔叔最後一面了~~ 當然好動豬又是到處整古做怪,不過妹妹也不輸蝕,要人扶著企了! 是的,雖然Chloe沒有Matthew小時的反斗,但愛企是不爭的事實,不知是否甜魔媽媽陀BB時太活躍到處走,以致胎教影響到小兄妹變得好動呢?
 


餵完奶又是時間落樓繼續放電,搞笑是Matthew又要學叔叔拉筋;不知這隻好動豬,會否也像叔叔成為跑步健將、明日之星?


在樓下繼續玩~~


之後又到天瑞體育館的playroom玩,這裡雖不及天暉體育館的playroom大 (詳情按此),但也不失為一個開心放電的地方,還十分近爺嫲的家!!




有人喜歡凌空!!!!

小小攀爬專家!!
本來玩了一節 (20分鐘) 都差不多要走了,但後來朗朗又來了,兩隻豬仔又一起再玩過!!!!





開心的一日,夜晚還回到教會參加團契,吃美味大盆菜 (沒拍照不記了,不過那間盆菜真的很讚,絕對有下次,以後再介紹~~);不過這天對於爸爸來講可能過於忙碌了 (他中午沒來天水圍,但就另約了朋友在元朗掃街),因翌日還要跑馬拉松! 明天再記錄週日的點滴吧~~~
 
華嫂冰室
地址:元朗屏山坑頭村
電話:2617 2232
  
** 想收到兩小兄妹的最新消息,可以like一下Matthew and Chloe fanpage哦~~
 

8 則留言:

  1. N年前去華嫂唔駛等位,而且又冇乜人知呢度有間冰室,依家紅成咁

    回覆刪除
    回覆
    1. 依家佢真係太紅啦, weekend我自己都唔會去囉, 平日去就ok的~~

      刪除
  2. 曬成個鐘先有位,兩位人夫都好錫老婆喎!
    尾二張相相嘅Matthew好似玩梗拱橋呀! XD

    回覆刪除
    回覆
    1. 係呀, 個日真係多謝佢地的相陪~~~

      matthew依家成日做D高難度動作, 難以盡錄呀!!! ;)

      刪除
  3. 個bb真係有啲似matthew 仔!
    原來有間咁有風味既冰室. 雖然都心動, 但咁多人, 都係咪搞! :P

    回覆刪除
    回覆
    1. 妳講緊個細B? 係呀, 甜魔媽媽勁鍾意佢架~~

      如果依間要來揀平日啦, 會好好多的!

      刪除
  4. 睇到碗麵同包,都好想食,但一聽要排咁耐隊,即刻卻步!心怪不得你話係"最紅最火爆"啦!
    個遊戲室每節只有20分鐘,好少呀,要好似天暉果個預早一節排隊拎籌嗎?

    回覆刪除
    回覆
    1. 如果平日有假, 可以來一試的, 假日就唔好搞了~~

      係呀, 都係20分鐘一節, 不過唔係好多小朋友, 我地直接去都有籌可以玩的!

      刪除