跳至主要內容

半島今佐Imasa ~ 老公生日快樂!

其實很多時連老公自己也忘記了, 10/27才是他的真正生日 
放心喎, 媽媽一定不會忘記這天, 因為一早預訂了這晚去半島的今佐日本料理嘆日式放題!


Matthew出生後, 爸媽曾經有次拋底Matthew, 兩公婆到嘉麟樓撐檯腳 (返看按此)
而一家三口同來就是第一次, 當然要留影~~ 


到處望的Matthew仔, 似乎對新環境很好奇呢~~


今佐就是位於嘉麟樓旁邊, 入口特別矮小, 好似小人國的入口, 其實幾搞笑的! 


它也是半島內唯一一間爸媽未試的餐廳, 所以是晚好開心呀 


入口位的酒陣~~~


進場後, 發覺樓底不高, 裝潢也沒特別, 主要是以親切又誠懇的服務營造cozy感!



當晚所見, 很多家庭會在這裡舉行聚餐, 可見其親和力!



這裡的晚市是buffet + 任點任食, 收費$598/位, 加$80另享汽水、日本啤酒、梅酒或清酒

當日一家三口早到了, 正好可拍下buffet的陣容, 首先有茄子七味燒、芝士脆春卷及朝鮮風螺肉
 
沙律吧, 特別加了煙鴨胸及芝煮海老, 當然少不了日式胡麻醬汁!



精緻的刺身部, 內容全部都很新鮮, 當中以甘海老的質素最讚!! 


另一邊還有超人氣的蟹腳、更多的刺身, 以及老公狂攻的海膽!!


海膽鮮濃不得了, 有人前後吃了十多碟啊!! 


壽司也做得很精緻, 媽媽試了大部分都令人滿意!

熱食也有不少, 包括豚肉味噌湯、黑松露蒸蛋、雜菜炒牛助肉、大板燒餅、燒秋刀魚、帆立貝岩石揚、大根煮蟹肉, 以及鮮味美味的蟹肉雜鍋炊 (蟹肉粥), 好想給Matthew吃啊!


燒秋刀魚的質素也很讚, 前後吃了3件之多!! 




最後甜品環節也很精彩, 令人目不暇給, 而且每款質素都很高!! 



不多介紹了, 大家看相吧~~~  






 
 


這裡的BB檯是木製, 與環境很配合. 事實上, 這裡可以帶BB來, 是我們訂檯的最大因素!
媽媽機下的兩父子, 是不是很似樣?
 
以熱茶暖胃後, 也是時間開餐lu~~~~


爸爸一來先向海膽及蟹腳進攻!!


媽媽就取了水果給Matthew, 當中西瓜很清甜啊~~~


還是習慣先飲點熱湯, 這豚肉味噌湯的水準不錯啊~~~


老公再吃更多的海膽及刺身~~~


媽媽的第一碟, 事實上我不是刺身怪, 吃完這一碟就收手
並非質素不佳, 而是從來未吃多過一碟刺身, 講真都幾輸桌....


老公開始向壽司進攻, 我也想吃啊!!


於是... 媽媽果然是飯桶啊, 覺得有飯的壽司比刺身更好味~~~
當然, 這裡的壽司飯比例合宜、軟硬適中、質感黏口、略帶醋香, 也是原因!



要讚這裡的服務超好, 當媽媽見到外面的蟹肉粥不適合BB食 (怕過敏啦...), 有點失望
侍者就主動建議點一碗特選細麵 (himi udon), 切細碎一點給Matthew吃~~


於是, 當晚Matthew有史以來第一次試食細麵! 反應都唔錯喎~~~
 
點開有條路, 兩口子又點了侍者推介的軟殼蟹手卷 (x2), 及油甘魚手卷~~
其中新鮮製起的軟殼蟹手卷真係超脆超好味啊! 


又分享了黑松露蒸蛋, 好足料啊~~~

 
始終心思思想給Matthew吃壽司飯, 於是拎了幾件壽司
由媽媽吃掉餡料 (哈哈, 成日食buffet想做的事), 餘下壽司飯給Matthew吃~~


開始向熱食進攻, 帆立貝岩石揚炸得太深了, 當造夠肥美的秋刀魚就好好好味!

 
馬上encore一份, 試埋大板燒餅, 不過後者麻麻咋


好想俾Matthew食蟹肉粥, 因為真係好鮮甜好好味! 結果我們自己食了3碗!


爸爸開始有點飽滯, 拎了水果, 搭件macaron同吃~~ 原來綠茶味的macaron好得喎!


又拎了蛋糕及軟芝士餅~~~


媽媽仲未覺飽, 繼續發功~~~


第3件燒秋刀魚了~~~


Buffet更包每位自選主菜, 媽媽點了銀鱈魚西京燒, 肉嫩鮮甜不得了, 好好食! 


爸爸要了牛肉豆腐鍋, 份量頗大, 由於牛肉超嫩又有肉味, 勁好食, 清貨無難度! 


又任點任食了3款軍艦, 飛魚子同海鮮 (前面2款) 都唔錯架~~


終於開始飽了, 係時間掃甜品了!

羊羹 (紅豆糕) 味道濃郁但唔過甜, 綠茶菓子也一樣清甜不膩; 咖啡撻鬆脆迷人, 夾心香濃柔滑; 拿破侖香脆不得了; 士多啤梨卷軟香清甜, 朱古力撻則柔滑而濃郁, 全部都好好食喎! 
 

蜜桃布甸麻麻地, 而芒果慕絲就非常柔滑動人而且味道天然, 媽媽俾Matthew食了少少添
另外幾款macarons都唔錯, 不過最好味仍然是綠茶味, 好甘濃幽香呀!


爸爸始終不是甜魔, 又轉戰海膽, 今次撈粥食添!!
 


媽媽唔抵得又整返碗, 撈埋牛肉同食~~ 原來牛肉都幾鬆化好味喎!



之後仲獨力KO多件手卷, 勁唔勁?



最後仲有每位兩球雪糕, 口味每日更換共有兩款, 梗係兩款都要啦!
當晚是海鹽及藍山咖啡味, 但其實兩隻味都唔夠濃, 雪糕仲有D水, 都係露台餐廳的雪糕正D


食飽飽, 都係時間切蛋糕, 不過坐唔定的Matthew走左去撩人, 同人地檯玩到好熟!


去到另一檯一樣大受歡迎, Matthew你有無咁PR呀???



好唔客易捉佢返黎, 同爸爸一齊慶祝生日~~~ 老公, Happy birthday!


依個蛋糕連同一支半島香檳, 係貴為半島AE卡carder的尊享生日禮物黎架 


雖然食唔落, 都影張相啦~~~
 
爸爸媽媽都笑笑口, 唯獨Matthew整個Nike眉......


哎呀, 越講越衰添, 咩樣黎架?! 


最後清新解滯的水果~~~ 整多件macaron!



超飽足的晚餐, 蛋糕就打包了當翌日甜品, 仲有支超正的香檳take-away, 最後仲有85折!



其實今年已是第3年享用優惠啦~~~ (按此看第一年第二年慶祝)
Cut左AE白金, 好在仲有半島AE, 愛C您啦!! 

留言

此網誌的熱門文章

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

2023 Road Trip to Beautiful BC ♥ 美麗卑詩省自駕遊 ♥ Day 1-3 : From Winnipeg to BC

終於完成工程浩大的  遊記 summary ,緊接著也高速分享 Day 1 - 3 的詳細遊記,反正這三天主要是由 MB 省的 Winnipeg,連跨兩省開車至 BC 省的 Abbotsford,除了中間在 AB 省的 Calgary 有小段時間 shopping、與友人相聚、遊水放鬆,其餘時間基本上都在開車中渡過~~~ 首先在 Summary 分享過,為了減少請假日數,9月20日星期三 Day 1 這天,一家人是等兩兄妹放了學,回家置放好書包才開始出發去6小時車程外的 Regina。下午 4:30pm 出發的我們,在3小時車程遠的 Brandon 小休+買了A&W 晚餐後,就一口氣開車至 Regina;由於接近冬季日落時分越來越早,當抵達 SK 省後很快就天黑了,最後一小時是「天黑黑」的情況下開車,壓力山大呢... 😥