跳至主要內容

2009泰國行 - Pattaya 飲食篇 : Icing me / Tienthong

本來想寫Pattaya玩水的節目, 不過玩水過程中怕濕, 冇乜點影相
最特別的海底漫步已經post左相 (其實仲有video, 等我研究下點upload先)
仲有一張買返來的係空中飛人相 

此外仲玩左香蕉船水上電單車, 非常之盡興呢!! 
都講下價錢啦, 事隔多年其實加價唔多, 各項收費如下:
海底漫步 - 2,500 baht
空中飛人 - 500 baht
香蕉船 - 300 baht
水上電單車 - 1,200 baht
當日老細主動向我地減價, 話買海底漫步可以免費送埋空中飛人同香蕉船
開頭我都以為套餐價不嬲係咁, 但同行又另外有女仔只join海底漫步
可見套餐優惠都唔係個個可以享受, 要大家識講價先得! 
講完玩, 又到網主最重視的食食食! 
是日午餐由local tour承包, 地點係珊瑚島上的Tienthong Restaurant


餐廳依沙而建, 除左提供膳食, 亦提供收費廁 / 沖身間
用餐區設備頗為簡陋, 但臨近沙灘自然風光都幾有風味~


我地3個女仔被安排分享一份團餐, 有一湯, 6小菜, 一炒飯, 都算豐富啦!


小菜除左魚, 仲有青口, 不過新鮮度一般


大家一定以為依個係炸魷魚圈啦, 原來係洋蔥圈先o岩!
我地幾乎食剩哂, 不過後面的炸南瓜幾好食~


成餐最正都係飯後清甜的水果, 不過大家覺唔覺得泰國的西瓜寧舍多核?!?

玩到3點左右要回程, 中途遇上閃電+暴雨, 真係俾佢嚇+凍鬼死!! 
後來遲左成1.5小時先返到酒店...
再梳洗完畢, 我地邊有精力再出去搵食, 結果又留o係酒店食野


講到係無選擇之中的選擇咁, 其實依間Icing me非常正, 環境同食物都好得我鍾意, 大家睇圖就明! 



同Spazio一樣, 又係有photo menu, 清晰易明, 正!


不過水又係要收費~


大家太累, 胃口反而麻麻, 只share左2個主菜
第一個係忌廉菠菜芝士捲粉, 粉皮非常軟滑, 加上又熱又香的芝士, 正! 



另一個係肉醬千層麵, 芝士交融肉醬, 又係非常美味呢 



雖然大家胃口一般, 我仍然堅持至少要2個甜品 


第一個american chocolate cake濕潤又濃郁, 層次豐富分明, 好好味! 


另一個white chocolate cheesecake芝香甜美動人, 加上oreo餅底, 又係回味之選! 


覺得依間cafe的水準好好呢, 比Spazio有過之而無不及
最後自己一個人幫襯埋清新的strawberry ice-cream, 完成滿意的一餐!


ZIGN Hotel真係住好又食好, 所以最後離開時真係好唔捨得呢~ 

留言

此網誌的熱門文章

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

2023 Road Trip to Beautiful BC ♥ 美麗卑詩省自駕遊 ♥ Day 1-3 : From Winnipeg to BC

終於完成工程浩大的  遊記 summary ,緊接著也高速分享 Day 1 - 3 的詳細遊記,反正這三天主要是由 MB 省的 Winnipeg,連跨兩省開車至 BC 省的 Abbotsford,除了中間在 AB 省的 Calgary 有小段時間 shopping、與友人相聚、遊水放鬆,其餘時間基本上都在開車中渡過~~~ 首先在 Summary 分享過,為了減少請假日數,9月20日星期三 Day 1 這天,一家人是等兩兄妹放了學,回家置放好書包才開始出發去6小時車程外的 Regina。下午 4:30pm 出發的我們,在3小時車程遠的 Brandon 小休+買了A&W 晚餐後,就一口氣開車至 Regina;由於接近冬季日落時分越來越早,當抵達 SK 省後很快就天黑了,最後一小時是「天黑黑」的情況下開車,壓力山大呢... 😥