跳至主要內容

甜牛魔第二擊 @ Ruth's Chris Steakhouse

上月Chocolate Library + Prime Steak一聚後, 發覺好多甜魔更傾好大大件的扒房甜品, 同時仲係牛魔, 於是當日敲定5/22再聚Ruth's Chris (尖東店)~ 
大家都好心急, 六點左右已準時在門口等, good ar, 至like早食野!! 


與上次到訪一樣, 抵達時還有日光呢~~


去年8月的紙婚紀念日, 就是與老公就坐這情調卡位之上~ 



這次與甜魔們就被安排就坐廳內~~ 


是晚八人的甜魔大檯~  


table setting


檯上小燭光~


鬆脆的麵包籃~ 雖然質素不比Morton's, 但後來用來拌蝦汁食, 一流!!!


是晚點了三款頭盤開胃, 先有mushroom stuffed with crabmeat 蟹肉釀蘑菇 ($120), 點了雙份~ 蘑菇唔夠大隻肉厚, 上面的蟹肉又唔及蟹肉餅的足料鮮味, 一般啦


Sizzlin' Blue Crab Cakes 名物蟹肉餅 ($160)
超大堆頭, 香噴噴, 熱辣辣的蟹肉餅, 充滿牛油香!! 


Barbequed shrimps 紐奧良炒蝦 ($330)
一客5隻start size賣$160, 要雙份不如揀一客12隻main course size啦!! 大蝦鮮爽不在話下, 最迷人係個汁.. 撈包食真的無敵!!! 薯蓉也香滑不得了~ 


之後到主菜時間, (唔係甜品, 真係認真的食這裡美味的牛扒當主菜!!), 店方送上每人一隻超熱並滿佈牛油的碟! 香到呢.....   再過一陣, 主菜亦來到, yeah~~~


沒點澳洲牛, 是晚三客都是USDA牛, 包括: 11oz Filet 牛柳 ($490)
以穀飼的厚切頂級牛柳, 牛味純正, 肉質特嫩~ 


16oz Ribeye 肉眼扒 ($550)
巨大的牛扒內盡是紋理細膩的雪花紋, 吃來口感特別豐腴, 香口美味!! 


16oz New York Strip 紐約牛扒 ($550)
口感比肉眼實在有嚼勁, 肉味極濃, 近來愛吃瘦肉的我最欣賞就是它!! 


三款牛扒都要了medium (圖為NY strip), 全部火侯控制一流, 超好味!! 


配菜也貪心的選了四款, 包括兩薯兩菜 ($80@)~
首先有French fries, 薯條金黃又香脆, 份量好大, 人多分享最適合! 


Potatoes mashed, 薯蓉帶有淡淡蒜香, 質感非常軟滑, 好味! 


芝士焗西蘭花, 用上超級澎湃的雙色芝士焗製, 唔好食有鬼!! 


我要求encore的忌廉菠菜, 店方用特配醬來調製, 滋味香滑迷人, 好味! 


在主菜環節中, 每人都分到超過5安士牛扒, 再加上種種配菜, 都幾飽架.. 不過之後又有超吸引的甜品presentation, 大家仍然好有志氣, 決定全部都要食!! 


是晚除了水果杯及雪糕球, 其他給我全掃!!! 嘩哈哈哈哈~~ 


首先有Warm Apple Crumble Tart ($105), 大大個蘋果批, 香甜微暖, 拌上一球香滑的雲尼拿雪糕, 好正!!  不過如果外層再脆d, 會更perfect!

Chocolate Sin Cake ($90), what a evil name!!! 
食落除了香濃柔滑的朱古力味, 原來仲有陣陣咖啡味, 糾纏不己!!!

超大個超厚底的Cheesecake ($105), 睇到都開心~~~ 
一試之下, 面層cream cheese既香又滑, 中層芝士濃度與實度恰到好處, 加上鬆化勁厚的餅底, 超好食好滿足!!  所以開動後10秒內已無左一半...


Creme brulee ($95), 算是一眾甜品中最輕盈的一款~
但香脆的焦糖下, 是充滿雲尼拿籽的香滑燉蛋.. 都好好食架!! 

Banana Cream Pie ($105), 又係一款大件頭的甜品
雖然此撻批身稍硬也太實了, 不過熟度剛好的香蕉片, 燒上脆焦糖, 加上中間香滑又甜美的吉士醬, 真係好吸引!!  最後都全部清光~~~

   
仲有Chocolate Molten Cake魔鬼熔岩朱古力 ($105) 
又是超大件頭之作, 還好蛋糕質感較鬆軟, 雖然不太流心, 但在雪糕及焦糖醬的襯托下, 仍然美味吸引, 又係全數清光!!! 

   
最後仲有慶祝版的Bread pudding with Whiskey Sauce 特色麵包布甸~
壽星Ivan, happy birthday + thank you ar, haha!! 
這款麵包布甸較正常版小一半, 但香甜迷人的Whisky sauce比例卻更多, 濕潤又美味, 正~~~ 結果是晚全部甜品全KO, 好成功呀, yeah!!! 


食完多款飽滯的甜品, 大家都需要消滯, 就一齊去了SOGO買Milk Top!! 


每人揀一d, 最終揀出8款口味大合照~~ 


終於試了食友推介的榴槤, 真係好像真呀, 下次要買俾老公食!!
而最高度推介是番石檔, 極之清新討喜, 當晚最早清哂亦係佢!! 後面的綠茶亦是穩定的高水準, 紅茶就仲係甜少少~


這四款中, 較好是榛子黑芝麻, 因為楓糖太甜了, 而豆腐又太硬太實!!


最後當然都能全部完成~ 好滿足的一晚, 期待下次文華再聚丫!! 


留言

此網誌的熱門文章

聖誕必吃!香港文華東方酒店 ღ 上海灘 × 文華東方節慶下午茶

最近吃了不少下午茶,但最出色的一定要數文華東方酒店期限推出的【上海灘 × 文華東方節慶下午茶】,無論氣氛、賣相還是味道都是一等一的好,非常推介給愛吃下午茶的朋友!     除了 Café Causette 或快船廊,一如之前數次與  Timothy Oulton  的合作,下午茶也在酒店大堂供應,而大堂也擺放著美美的下午茶攤位,上面綴以嬌美的紅玫瑰;另一邊則是閃爍的聖誕樹,配上古典雅致的環境,氣氛好極了!

輕鬆親子假期 @帝京酒店:Lion Rock 半自助午餐 + 家庭房體驗

爸爸開始放假,甜魔家也開始了超多場小渡假;首先分享由  2月派對  上幸運抽獎得來的  Lion Rock  半自助午餐 + 家庭房住宿體驗,沒壓力之下去食去玩,真的份外輕鬆愉快;而且酒店與超好行的 MOKO 商場接鄰,兩母女忍不住一起大敗家呢! 上週六Chloe完成跆拳道考試後(對,妹妹已經升級藍帶!),一家人先到酒店三樓的 Lion Rock 獅子樓  嘆一頓開揚美景下的半自助午餐,價錢$148起已包括自助前菜、新鮮沙律、湯品、甜品糖水及新鮮水果,匯豐卡還有8折優惠,相當抵食~ 

#移加檔案 #溫尼伯檔案 #YanInWinnipeg 第29週:出發告別篇

最近一週曼省確診數字再創新高,社交及防疫措施也進一步收緊,不過這些都不太重要... 因為,出文之時,親愛的家人已經抵達香港國際機場,成功取得機票,準備出發前往加拿大相聚了! 毅然出售兩幢物業、放棄百萬年薪 (老公)、同時也放棄多年來建立的人脈關係種種,一點不易;然而由第一篇「 艱難的決定 」開始,早已明白要追尋自由,以及守護一對子女的不菲代價。