Matthew仔 ~ week 8 (Yahoo copy 版)

來到第8週 (Dec 2 - 8), Matthew仔繼續急速成長;
爸爸媽媽在開心欣慰的同時, 有時又會突然不捨得他長大!!

12/2 (五), 天氣轉冷了很多, Matthew仔的冬裝也出動了
嘩, 你真係好靚仔, 冧死媽媽了~~~~ 

得戚樣都一樣得媽媽鍾意~~~ 

 連扭計樣都一樣得意, 媽媽鍚哂~~~ 


12/3 (六), 這天爸爸全日留在元朗, 一家三口好快樂! 


爸B好鍾意玩Matthew肚仔~~ 一擰Matthew就會縮腳仔, 好搞笑! 

 星期六亦是Matthew仔去接受第一劑口服輪狀病毒的日子~~
一啖甜甜地的口服液, 就花了$800大元, 比爸爸媽媽吃的米芝蓮更貴呀!


下午返到屋企, Matthew換衫扮Mickey boy~~~ 



來到12/4 (日), 爸爸媽媽又帶Matthew返教會了~~~
這日有超多靚姐姐啊, Matthew仔發了!! 

不過傻氣的Matthew仔卻不多望人地靚靚的B女, 反而成日望向媽媽....
哎呀, 你簡直冧死媽媽啦~~~~ 



12/5 (一), 媽媽又帶Matthew去健康院做檢查
原來BB已經4.84KG, 快要衝破5KG大關, yeah~~~ 

下午媽媽又忍唔住手痕, 又將Matthew裝扮成女仔
其實, 只要加一頂粉紅色帽仔, Matthew就即時變成女仔樣了! 

喂喂, 不過人地女仔冇你咁粗魯打喊露喎.... 


12/6 (二), 媽媽與BB留家休息~~~
由這天起, 媽媽覺得Matthew比初生第一個月多了很多肉, 越來越肥仔了!

來到12/7 (三), 媽媽為Matthew換上一件較緊身的內衣, 更覺得他肥仔了..
媽媽忍不住同他講, 「媽媽要賣你豬仔」了!! 

12/8 (四), 媽媽第四次到博愛醫院

去前還心存僥倖, 可是一照超聲波結果還是不行, 媽媽還是要受第4次施針來抽塞位
之後醫生約了媽媽12/14再去覆診, 真的很希望那次不用再施針啦~~~ 

回到家裡, 湊Matthew仔的生活仍然有苦有樂... 喂喂, 做乜又扭計呀?

婆婆說Matthew這張喊臉特別似媽媽小時候... 咁又幾可愛喎! 


轉個頭, Matthew仔平靜下來, 並在媽媽及婆婆面前表演拳擊!! 



呵!! 大家見到Matthew仔的無影手嗎?? 

還有不夠一週, Matthew仔就會踏入2個月大的階段... 時間, 真的過得很快呢!