Grappa's ~ 為忙碌的一天充電

過去的週一好忙呀!!
上年要帶半歲的Matthew到健康院打針, 下午又要到尖咀影studio, 夜晚還要與家人吃飯
忙到這個早上精精神神的小超人, 去到夜晚都勁累呀... 
  

11:30AM去到健康院, 磅重及見姑娘做測試
重8.42KG, 長71.5CM的Matthew反應不知幾精靈, 當然及格啦!!

之後等到12:45, 來到最殘忍的時刻--- 一次過打3針!!!
或者今次好難得有爸爸在場, Matthew頗為堅強, 喊了兩聲咋, 真叻仔 


媽媽順便在健康院餵埋奶, 之後出到尖咀已經2點有多啦!!
3點鍾又約了Luvvybb影相, 但媽媽的早餐早已消化盡扎殆, 點好呢?

此時在同街的金巴利道見到這間Grappa's, 真是大解救啊 



店內環境舒適寬敞, 放得下BB有餘, 正~~~


我地開餐前, 當然要先俾Matthew食飽飽, 一陣仲要影相!!



BB車變成餐車, very good!


論到爸媽啦! 其實我地得半粒鐘食, 只點一份午餐再加一個甜品

首先是麵包籃, 款式同質素當然冇得同文華扒房比, 但可重溫意大利黑醋, 媽媽已經好開心


Caesar Salad, 用料十分新鮮, 生菜又爽又脆好好食, 醬汁又夠濃郁好味道! 


炭燒頂級美國肉眼扒 ($148), 成數超好, 中芯剛好是粉紅色
而且食來是意想之外的肉味香濃又多汁, 比前晚的文華扒房更好味!! 

(註: 媽媽首訪文華扒房的roast beef超正, 第2次稍為失色了)


爸爸要了熱咖啡, 味道十分香濃, 要加兩杯奶來中和~~


媽媽點了Tiramisu, 濕度、質感十分對辦
mascarpone又香又滑, 美味滿足! 


食完埋單剛好3點, 是時間上去影相啦!!


相比之下, 在家影相真是太舒服了, 在studio真的累多了, 有點似打仗!!!
媽媽唯一希望效果理想, 等遲些取了相再與大家分享啦 

今晚只分享當日其中一個造型, 後來有人著住這套衫訓了半粒鐘呢! 



至於當日的晚餐, 就留待明天分享了~~~~