跳至主要內容

閃著淚光的決定 ~ 分手晚餐@ Cafe Landmark

之前不少同事、網友都好羨慕我地, 但其實幸福背後, 埋藏著一個計時炸彈!  

去到上週日, 炸彈爆發, 我地真係承受唔到要分手lu... 最後的晚餐, 去了 Cafe Landmark



位處置地廣場的中心, 依間真係好開揚, 感覺高級得來又不會太拘束, 氣氛很舒服~~





是晚一家三口的座位, 係咪好正呢? 



大個仔的Matthew是晚也食了唔少野呢~~~

首先是麵包籃, 大半的麵包質感鬆軟, 給Matthew吃得七七八八!
為食仔連後面的牛油都好想拎, 衰豬, 依個未食得呀............ 
  
老公點了鮮蟹肉帶子周打湯 ($80), 圖於已分為二的份量, 並不少


雖然加上魚仔餅令人感覺兒嬉, 但中間的蟹肉及帶子並不少, 很足料, 鮮味不俗交足功課 


見到Wine by glass的價位很合理, 老公又點了一杯Merlot ($79), 份量很大呢!


看看酒杯與老公的對比, 就知真的很抵飲~~~ 而且風味不差呢! 



龍蝦意大利幼麵 Lobster Linguine ($250) 是不可不試的的招牌, 又是分為兩份上檯

龍蝦肉鮮、富彈性, 好吃極了; 底下的忌廉汁混和了龍蝦鮮味後, 更是美味不可言
吸收了龍蝦及忌廉雙重滋味的扁意粉, 本身又煮到al dente極有口感, 整個組合值100分! 


冇後悔放棄原隻扒波士頓龍蝦 ($400) 來吃它, 因為真係好好好好好味~~~~ 
 

另一主菜是香煎牛柳配法國鵝肝Beef Tenderloin and Foie Gras ($240), 依個價位都好抵食喎!


鵝肝雖然煎得不及香脆, 但勝在本身味濃香馥~~~ 


澳洲來貨的牛柳質素都very good, 紅嫩味濃, 剛好煎到5成熟, 好美妙~~~ 


墊底有不少薯蓉, 媽媽挑出沒沾醬汁的部份給Matthew試吃, 為食豬鍾意到爆!! 

好耐都未試過放肆啦, 當晚一口氣點了三個甜品, 好滿足啊!!
其實, 三個人食三個甜品, 都唔算過份丫 



講起甜品就好笑, 因為用上大量生果陪碟, Matthew又可以食唔少生果, 所以同我地爭食!
有片為證, 隻為食豬識得「ng ng」咁催食, 一D都唔客氣架 


即管又睇下當晚有咩甜品同水果咁吸引Matthew同媽媽啦~~~

首先是Tiramisu ($70), 其實主體質素平平, 不過加球白朱古力雪糕即時加分 
下方的士多啤梨更成為Matthew的主要飯後果, 為食豬食得津津有味!


Mango Napolean ($80), 芒果是香脆酥皮的數倍, 是款清新版的拿破侖
再加上三球vanilla bean雪糕, 好難令人唔鍾意囉! 


最後當然少不了Dark Chocolate Pudding ($80), 媽媽最愛的心太軟!! 


新鮮焗起的軟心朱古力布甸破開, 裡面都OK流心, 朱古力味頗為濃郁, 配上雲呢拿雪糕好味呀 



睇真D, 依度仲有好抵食的$68蛋糕+咖啡cake set! 
雖然寫是afternoon下午茶時段, 但其實供應時間去到夜晚8:30pm架



不過我地都冇點cake set, 因當晚又係行駛AE白金卡的半價優惠, 套餐並不適用
其實飲品亦不適用優惠, 但難得開心都點了杯酒, 其餘食品就總共折了$400, 埋單$570, 超抵!

但今晚會是最後一餐嘆優惠了, 因為AE白金卡好惡, 堅持要收$1,600的年費, 好貴!
話就話多食幾次已經可以回本, 但有左佢其實會心思思駛多左
而且每年咁收落去, 條數都好襟計, 所以最後都係要含淚同佢講分手了... 

(按: 一開頭講的分手, 之唔係AE白金卡囉... 唔係大家仲以為係咩呀? )

食完Cafe Landmark時間尚早, 之後一家三口上Three Sixty shopping, Matthew可以坐車仔!
 

食飽飽就變身爛玩B, Matthew仔又再次好興奮呢~~~ 


最後仲買了超好味的La Rose Noire Bakery muffins, 做第二朝的早餐
很慶幸這最後的一晚都過得快樂無遺憾~~~~

留言

此網誌的熱門文章

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

2023 Calgary Foodie Trip ❤ 卡加尼暴食之旅 ❤ Day 1: Kim's Katsu + Aggüdo Coffee Roasters + Abbeys Creation + Joy Tea + HY's + 桃園茶餐廳

來到太陽眼鏡旺季,甜魔媽媽工作太忙了!😢 又差不多一整月沒 update... 趁尚有記憶,在上班前的空檔快快來補寫一下 4/30 - 5/2 Calgary 之旅的點滴,而其實說穿了也就是吃吃吃吃~~~😋 第三次去 Calgary 了,不過之前兩次都是 Road Trip 開車去,這回是頭一次搭飛機去,為了節省假期嘛!當然有抵的機票及酒店也是原因,這次我們訂 Flair 的四人來回不包行李機票只需 C$392.04*,就當不考慮 mileage 也比開車的油價便宜一大截。而位於 Downtown 並靠近中國領事館的 Holiday Inn Express Calgary 則 C$519.74 三晚,價格已包沒怎麼吃的早餐及 overnight parking,不過這次難得當 downtown 居民也沒另外租車了,給當地 Uber 司機賺點錢吧~  

Hong Kong Homecoming ✈ 2024 加燦回港 🍁 泰國番外旅程:曼谷篇

忙完 Hickory Farms 又有 Cleo 的工作,媽媽要到出發前3天才再次享有私人時間;加上週日獻詩+冰釣又花了一整天,昨天又有另一場聚會(2025甜魔在加近況遲些再寫文分享),要拖到出發前一晚才有時間寫最後的泰國遊記!!! 😅 由於行程及照片相當豐富,泰國之旅會分為曼谷及華欣上下篇推出~~~ 我們在10月8日清晨 check-out 帝京酒店後,就 Uber 到香港機場乘搭 7:35 的班機出發去曼谷;太早關係,早餐也沒吃就上機了,機程上當然也是倒頭就睡 😴~ zzzz      早在香港就買好泰國 Sim card 的我們,抵達曼谷時大概是9:25am,原計劃是租車遊曼谷+華欣,但最後老公想徹底放鬆一下,於是我們就選擇搭的士去曼谷市中心,途中也預約好由曼谷往返華欣的接送車。 早上的曼谷塞車不算嚴重,我們很順利抵達水門,第一件事當然要去醫肚,畢竟我們一家都沒吃早餐!由於肚餓而跳過先去酒店,首半天行程我們是拖著行李的,還好東西不算太多而且 Matthew 真的很幫得手,是個妥妥的暖男~~~😊   寬別曼谷太多年,望到街邊小吃也覺得很吸引!不過第一餐還是先去水門雞飯,畢竟這是甜魔媽媽遊曼谷多年下來的習慣與傳統~大家都餓了,除了每人一杯泰式奶茶,又點了苦瓜湯、2份大雞飯、1份豬手飯、1份雞腎及1份青菜,十分的豐富~~~   雖然,其實媽媽更喜歡也更掛念是隔壁粉藍店的雞飯+鴨腿麵,不過這家水門雞飯也著實滿足了口腹之慾,之後還順利掃了幾串街邊風味串燒,雖然熱度不是很足~~~ 吃完水門雞飯,是時間找甜品吃!我們逛著逛著竟遇到來自加拿大的 Tim Horton's!合照後當然 byebye,珍貴的 quota 當然要留給泰國獨有的餐廳,比如 Swensens。   其實 Swensens 的雪糕及甜品水準不算特別高,但 MC 小時遊泰每次都會去吃,久而久之也成了另一個泰遊必吃傳統。而且這天的芒果 smoothie 及朱古力新地雖然只是中上之姿,最後媽媽點這份 Banana & Nutella 的 Honey Toast 卻好好好好好吃得過份,筆時也無限想念!!!😍   吃完 Swensens 樓上就是 Big C,榴槤迷兩父女又怎會錯過飽嚐金枕頭的機會?由於媽媽吃了太多 Honey To...