訂婚紀念晚餐 @ Morton's of Chicago

積壓的欠稿好多, 澳門的旅程仲未得閒寫.. 不過今晚都有好多正野益大家, 首先又係Matthew靚相
依2日凍左好多, 仲凍左好多冷笑話出黎, 大家真係要好好保暖呀 
 


著上雪人褸的Matthew仔, 個樣好傻更更好純啊!! 


仲有星期一晚做冬, 一家人開心的合照. Matthew真係大家的開心果黎架!  


 超鍾意爺爺 


又超鍾意車車 


另外亦share返上週日一家三口到Morton's補食訂婚週年紀念飯的片段 


原來對上一次去Morton's of Chicago, 已經係4年前啦!! (睇舊blog)
又係12月中, 當時都有棟靚靚聖誕樹, 感覺好有氣氛~~ 


餐廳星期日5點就開喇, bar仲早至4點半就開添
帶著Matthew唔想去到太晏, 當日我地5點左右就抵達~ 


真係都幾意外餐廳俾BB入.. 不過就唔提供BB椅喇
記得4年前兩口子坐的是window seat, 今次就坐場中間, 方便擺放BB車


Matthew仔對於座位安排好似有d不滿添... 
  
Matthew「依架車對我黎講好窄喎! 不如俾我坐大人椅啦~~」
(其實媽媽覺得, 下年依個時間, Matthew應該真係坐到大人椅喇 )


夕陽西沉, 金黃色的光線射進餐廳, 好靚, 加上時間太早無乜人, 氣氛超正!


不變的印有名字的menu... 今次係3張了~~~ 


點了熱水, 侍應密密添水, 服務一流!  



坐低冇耐, 超懷念的巨大洋蔥包上場啦!! 會再黎其實都有一半原因為佢架 


Matthew「嘩, 依個包又香口又鬆脆, 真係好好好食喎!!!」

媽媽心諗: 你仲未試加埋牛油咋.. 人間極品呀~~~ 



在三口子都狂食的情況下, 成個巨包100% KO!!! 好勁呀~~ 


爸爸機下的狼吞虎讌Matthew仔


Matthew「有d飽添... 要飲啖水抖抖先~~」 



媽媽一直都將Morton's寄來cocktail coupon收藏好, 是晚換了兩杯免費飲品, 好抵! 
coupon可換任何酒類, 包括dessert wine, 不過最終揀了侍者推介的Morton's Appletini ($130)

要讚酒味輕柔極易入口, 那蘋果口味十分清新, 加上杯邊的肉桂焦糖, 超夾超正呢! 


老公唔同佢客氣, 點了名貴的Gl Mer Duckhorn ($250), 哈哈
 
成品超大的一杯, 果香濃郁, 口感圓潤, 果然唔錯喎, 襯牛扒一流 


 
Matthew無得飲wine, 俾包維他奶你啦~~ 佢超like的, 不過冇影到佢之後的狼態了!


上回試了蟹餅覺得好好好好食, 但今次想有d新意就點了Morton's Prime Ocean Platter
併盤有凍有熱 (熱的都包蟹餅!), 今次揀試凍的(Chilled), 2位份量的$445, 都幾合理


併盤內容包括Maine Lobster, Jumbo Shrimp Cocktail, Jumbo Lump Crabmeat, Oysters in he Half-Shell, Alaskan King Crab Legs, 海鮮迷老公開心到暈!!!



雖然有d背光, 媽媽都黎一張合照~~


 
好啦, 開餐!! Jumbo Shrimp Cocktail係依隻的signature推介, 蝦隻超級巨大, 肉爽鮮甜, 點上少量cocktail醬, 真係有2萬個好食呀~~~ 



Maine Lobster, Jumbo Lump Crabmeat同Alaskan King Crab Legs則屬啖啖肉之作, 全部都極級鮮甜, 特別係蟹肉最令人滿足, 無論淨食或點上沙律醬 (點醬會有d似蟹餅feel了) 都好好好味! 



最後試Oysters in he Half-Shell, 生蠔非常新鮮, 海水味很重, 質唔算好肥美但爽脆迷人, 食完好滿足 


超爆笑係Matthew仔唔食得海鮮, 但又為食喎, 於是搶了俾我地清潔雙手的檸檬去食...

哎呀, 好酸呀~~~~~


問題係酸成咁都要繼續食...... 


仲黎!!!


搞到媽媽連續拍了超多張超funny照片~~ 同時笑到差d斷氣!!! 


經過近十次的嘗試, Matthew終於總結到「檸.檬.真.係.唔.好.食.的~~」


以防Matthew繼續食檸檬, 其實ocean platter仲包2包梳打餅, 俾佢咬啦!
 
天色突然一暗, 真係開始入夜啦~~



Nikon 1真係好堅, 影到好似好光好清咁, 其實個時已經好暗啦!


父與子
 
 
好快天色全黑, 我地張檯更加係全黑麻麻....


暗黑中hyper的Matthew仔....
 


依個時間, 主菜的Cajun Ribeye Steak ($678) 都上檯啦!!! 其實依份16oz的辣味肉眼扒, 4年前已經食過, 但實在太好味啦, 忍唔住要再回味一下 


我地張檯頂頭冇射燈, 環境真係黑到爆, 黎張flash睇下佢真面目啦!
 

開餐啦!! 5成熟的肉眼扒超厚切, 外層煎焗得微焦脆口超吸引, 微辣的調味尤其開胃
中芯部份就粉紅嫣嫩, 肉味肉汁令人滿足非常, 多年後重溫仍然超滿意! 


 
Side dish的Bacon & Onion Macaroni & Cheese ($105) 都上檯啦

份量飽滿, 焗到好香好吸引, 最讚是Macaroni除有濃濃煙肉+芝士香, 口感仲好al dente
不過因為份牛扒太頂肚啦, 份macaroni只食了2啖, 就全部打包, 成為翌朝午餐~ 



之後係激動人心的dessert presentation, 但其實碟上只show了5款
另外餐廳仲有5款hot desserts可供選擇, 總共有10款之多!! 我地只試到2款咋~

食完主菜等了一陣才上甜品時, 正好俾個肚稍為休息一下~
順便都係欣賞美麗的維港風光啦


爸爸同Matthew來張合照


輪到媽媽.. 已經忍唔住大啖大啖鍚落去啦~~~ 


抖啖氣...


又再深情鍚過!!! 


鍚到Matthew仔都嫌擰哂身, 有d嫌棄添....


我唔理... 我係都要鍚你, 鍚到你燶!!!! 


玩左一陣, 甜品都上檯啦~~~


首先係慶祝我地紀念日, 店方送上的巨型Souffle for two 
souffle係檸檬味, 份量真係超巨大, 另外連同一個sabayon sauce同上


太暗關係, 今次特別要求落flash合照, 不過操作上有d問題
結果由爸爸出面解決, 只得媽媽同Matthew合照添!

至於點解Matthew扭計, 可能大家都估到---心急想食souffle!!!! 

 
媽媽「一陣影完就有得食啦~~~」


最後一張合照, 要捉實Matthew的小手, 以防佢再次突擊souffle!! 


要講依個Souffle for Two真係正到無朋友, 又香又軟又滑, 檸檬味清香不膩, 一流!! 
原價要$170, 今次店方免費送上, 仲好味+抵食過Legendary Hot Chocolate Cake


另外仲點了個Upside Down Apple Pie ($145), 其實有d後悔, 因為真係好飽超飽
不過蘋果餡料清爽可人, 又配上優質美味的HD vanilla ice-cream, 美味之下都清左碟! 


仲收到店方送上的3口子合照, 好sweet ar, 希望下次再黎時再增添多位成員啦! 

 
仲有大大包的Macaroni拎走, 感覺超級豐富. 由於太多野free左, 埋單只$1,500好抵食! 


最後等Matthew仔o係聖誕樹前合照留影, 預祝大家聖誕快樂~~~


雖然, 當晚豬仔玩到好累, 有d眼訓唔太精神.. 同聽日仲要返工的媽媽情況相似! 



呵呵, 一齊努力撐埋聽日呀!! 之後就係開心聖誕假期, cheers~~~~ 

沒有留言:

發佈留言