跳至主要內容

永利軒 ~ 令人R頭的2星店 (Yahoo copy版)

繼12月尾一家三口的澳門冬日住宿之旅, 上週二媽媽又拎了假即日遊澳!!
其實, 今次係CEO帶領整個FHY小組 (連同com sec Mandy), 一齊過大海食食食 

第一站去了永利酒店的永利軒食lunch, 不過結果有d失望

作為五星酒店中菜廳+米芝蓮二星餐廳, 大紅色調勁搶眼, 門面同環境係無得彈的


餐廳的樓底雖唔算好高, 但空間感都幾足, 牆上一條活龍活現的龍雕更添氣派 




大紅牆壁上掛著福祿壽字畫, 再加上金色龍壺擺設, 優雅地表現了中國風情


在超正環境下為CEO伉儷留影先, 可惜之後食物水準未能同環境掛勾


首先上檯有雪影燒餐包 ($35), 包身外層輕薄香脆, 唔差, 不過中間叉燒餡好普通


如下圖, 崧子叉燒批 ($32) 的外觀唔算好四正, 有D位係崩崩地, 味道亦無驚喜


鵝肝咸水角 ($38) 唔睇餐牌真係唔太覺鵝肝存在, 味道依稀同普通咸水角差不多


明太子鮮蝦豆苗餃 ($38), 皮薄但非常黏口, 餡料質素則唔錯, 但仍未有驚艷火花


我地又另點了蜂蜜灸叉燒皇 ($98), 但成品較實, 唔得鬆化富蜜味, 只勝在夠大份!




仲有名貴的鮑魚燒雞酥 ($68), 鮑魚無乜口感同鮮味, 其實又係麻麻地
 
自家特色麻蓉包 ($28) 則比較似樣, 麻蓉餡甜度適中而且好香


不過都有餡料不均的問題呀!!



反而無乜期望的洛神花扣豬手 ($38) 唔錯, 豬手扣得好入味而且軟稔鬆化


豆腐千層腐皮夾 ($32) 係另一味較特別、有賣點的點心, 其實有點似豆腐撈油條效果



食到一半, 我地已判依間野完全唔值2星, 去到冰花紅棗燉鮮百合蘆薈 ($28) 都無乜期望去試, OK啦
 
最後黑糖南瓜子馬拉糕 ($28) 都唔錯o既, 雖然個人更推介利苑的奶皇千層糕



今餐埋單MOP537, 話貴唔貴, 但當你食過同是二星中菜的8, 就會覺得人地值好多!
可能, 依度始終係食景為主啦~~~ (不過8的環境都唔差架, 睇舊blog)



唔緊要, 麻麻地的首場後, 之後連續3場都十分滿意呢! 後面再記了~~~

留言

此網誌的熱門文章

聖誕必吃!香港文華東方酒店 ღ 上海灘 × 文華東方節慶下午茶

最近吃了不少下午茶,但最出色的一定要數文華東方酒店期限推出的【上海灘 × 文華東方節慶下午茶】,無論氣氛、賣相還是味道都是一等一的好,非常推介給愛吃下午茶的朋友!     除了 Café Causette 或快船廊,一如之前數次與  Timothy Oulton  的合作,下午茶也在酒店大堂供應,而大堂也擺放著美美的下午茶攤位,上面綴以嬌美的紅玫瑰;另一邊則是閃爍的聖誕樹,配上古典雅致的環境,氣氛好極了!

輕鬆親子假期 @帝京酒店:Lion Rock 半自助午餐 + 家庭房體驗

爸爸開始放假,甜魔家也開始了超多場小渡假;首先分享由  2月派對  上幸運抽獎得來的  Lion Rock  半自助午餐 + 家庭房住宿體驗,沒壓力之下去食去玩,真的份外輕鬆愉快;而且酒店與超好行的 MOKO 商場接鄰,兩母女忍不住一起大敗家呢! 上週六Chloe完成跆拳道考試後(對,妹妹已經升級藍帶!),一家人先到酒店三樓的 Lion Rock 獅子樓  嘆一頓開揚美景下的半自助午餐,價錢$148起已包括自助前菜、新鮮沙律、湯品、甜品糖水及新鮮水果,匯豐卡還有8折優惠,相當抵食~ 

#移加檔案 #溫尼伯檔案 #YanInWinnipeg 第29週:出發告別篇

最近一週曼省確診數字再創新高,社交及防疫措施也進一步收緊,不過這些都不太重要... 因為,出文之時,親愛的家人已經抵達香港國際機場,成功取得機票,準備出發前往加拿大相聚了! 毅然出售兩幢物業、放棄百萬年薪 (老公)、同時也放棄多年來建立的人脈關係種種,一點不易;然而由第一篇「 艱難的決定 」開始,早已明白要追尋自由,以及守護一對子女的不菲代價。