跳至主要內容

2011 Kuala Lumpr Trip ~ Day 6 : Nomad SuCasa + 茨廠街 + Frangipani's

就這樣由天堂回歸香港, 感覺太難受, 所以又有這KL之旅~ 大家都知KL景點唔多, 主食係食, 所以由Day 6開始, 暴食之旅正式展開! 


其實航班上有飛機餐, 但我地掛住訓, 抵達KLIA時已經好肚餓.. 饑不揀食下, 去幫襯了Burger King~ 馬拉人做野真係幾慢, 叫份外賣都要等10幾分鐘...


而且機場BK冇早餐供應, 價錢又貴(一份餐要RM19.2), 唔推介大家食~ 
book了機場巴, 食完就o係車上又瞓了...


再次醒返時, 已經抵達市中心, 是日好好天呢! 



第一時間去酒店擺低行李~ agent介紹下, 揀住Ampang Park附近的Nomad SuCasa

  
房間全full了, 做唔到early check-in, 唯有出去行下食下野先
酒店附近的Ampang Park冇乜野行, 不過再前一個站的KLCC就好多野睇
自己摸索下成功搭到KL的LRT, 好有成功感! 其實KL有好多鐵路, 其中我最鍾意搭LRT, 因為好多個站都架空, 可以欣賞市內風光, 好正 



去了Jalan Pentaling (茨廠街), 又即唐人街搵食


好似HK的旺角呢


去幫襯羅漢果龍眼冰糖燉冬瓜


好熱, 二人都要了凍飲 (RM1.5@), 好清潤, 但加冰後都仲係好甜


去1938年開業的南香雞飯食海南雞飯


比羅漢果龍眼冰糖燉冬瓜好飲的酸梅水, 但可以再少甜D


好耐冇食煮菜啦! 質素一般都照殺~~~


著名海南雞飯, D雞好一般, 同新加坡差一條街, 飯就真係好香美味 
總消費RM13.65, 比BK抵食100倍!!!


繼續掃街, 去了好地痞的冠記


又係一間70幾年的老店, 餐桌同餐檯都好古舊


依度出名食雲吞麵, 但其實叫任何麵都會附小碗雲吞, 真係唔錯 ; 但重點係麵, 超級好味,好食到發癲, 只賣RM5咋!!! 
其中豬油應該佔了好大功勞, 料完全係多餘, 早知改叫雲吞撈 (淨麵+多少少的雲吞)


都飽飽地了, 但又想去埋1927年開業的金蓮記


太熱了, 去了有冷氣的新舖坐 ; 唔知可以叫細, 要了一份中的福建炒麵 (RM15).. 飽C了..


又試了瓦煲老鼠粉 (RM8), 今次要細的
老鼠粉其實即是貴刁, 加上半熟蛋滑溜質感好特別~~ 


食到好飽, 去KL Sentral買埋翌日上雲頂的車票, 然後搭LRT返去Ampang
順便趁好天欣賞KL市內風光~~



返到酒店樓下的商場, 見到有Tutti Frutti, 又去了食


依杯盛惠RM9.81, 即港紙26蚊左右 ; 唔知係太熱, 定一排冇食froyo, 覺得KL的Tutti Frutti好食過HK! 


約3點, 再次去到入住的Nomad SuCasa, 有房喇!!


今次book的係apartment, 地方好大~~ 依張餐檯好好用呢!!! 


今次book的apartment超大, 有埋廚房, 不過冇用過



睡房都好大~~ 


空間寬落的衣帽間~


同Maldives一樣, 浴室同時有shower同bath, 多個選擇! 


樓下仲有個大泳池, 不過依幾日都冇去游


好眼瞓, 一家三口需要來一個午睡先..... 
瞓到六點幾, 再搭的士去KLCC~ 個商場超巨大, 要擇日再行


原來太近好難影相, 放棄了影日落雙子塔的念頭後, 直接搭的去食飯


來到KL首晚, 已經發現塞車情況好嚴重... 結果司機未車到目的地已經放低我地, 我地又唔識路, 結果無啦啦多兜左半粒鐘先去到餐廳, 好炆!!
講返開心野, 一早網上book了主打法國菜的Frangipani's, 亦係當日最精彩的一餐


場內優美而寧靜, 是標準fine-dining格局



最特別是餐廳中間有個水池! 


檯上準備了勁多款酒杯....


但我地只係飲水咋!


由侍者送上的餐前包, 後面個款有好香香草味, 正! 


好香的牛油~~~ 


Amuse Bouche, 清甜的蕃茄配以脆片, 開胃好味! 


Amuse Bouche, 小小牛柳粒下, pat薯蓉香滑到無朋友!! 


Clam Chowder (RM38), 非一般的周打蜆湯


蜆是以skewer形式上, 異常香脆並不油, 口感超特別
湯底味濃甚似龍蝦湯, 但又有粒粒粟米增添甜味!  


Pan-fried Foie Gras with Crispy Puff & Apple (RM78)
造型精緻, 肝味香濃馥郁, 好味不得了; 底下蘋果粒又甜美, 好睇又好食! 


然後有石榴青檸雪葩間下場~ 好refreshing! 


主菜點了Duck Confit (RM80) share~~


燒得好靚的鴨腿, 睇到人流口水~~~ 


薄脆外皮下, 中間鴨肉嫩得不得了, 而且又夠juicy, 好好味~~~
配菜的薯蓉又係超香超滑, 連mustard都寧舍香過人, 好出色!! 


但最開心都係甜品環節, 一口氣點了3款甜品(RM35@)!
落單時侍者好驚奇, 又提醒我地甜品好大份.. 其實都唔算太大啫~~ 


Dark Valrhona Chocolate Granche with Creme Chantilly, Candied Hazelnuts, Toasted Almonds & French Merginue 中間的黑朱古力真係勁濃, 配以多層忌廉及蛋白餅, 又加上大量甜榛子及杏片, 口感好豐富! 


Pistachio & White Chocolate Cheesecake with Irish Tea Sauce, Toasted Pine Nuts & Pistachio cream filled Russian Cigarette
俾介紹呃左, 唔太食得出開心果味, 不過芝味好香純, 質感滑感都幾正, 面層雪茄又夠脆口; 另拌碟的Irish tea sauce好香好特別, 多d就好啦! 


但講到最好食, 一定係Creme Brulee, Glacee, Flambee!!!


由侍者加酒點火燃燒....



成品除了同時富有蛋香、吉士香、酒香、焦糖脆香, 仲有香甜雲尼拿雪糕在底, 口感又超勁滑, 好食無朋友!!  連老公都要爭食!!
可以好肯定的講, 是我有史以來食過最出色的Creme Brulee!!


overall好滿意的一餐, 貴少少都好值, 推介俾任何會前往KL的朋友呀!! 
之後行去隔離Jalan Alor買生果, 目標是老公至愛的榴槤~~


極品貓山王, RM20個, 老公食到津津有味!!


其實大家都好怕熱氣, 所以又買了山竹中和一下, 一大串只需RM14, 好抵


買返酒店慢慢食~ 張檯真係好好用呀, 哈哈!! 

就咁, Day 6的行程又圓滿結束了~~~~ 

留言

此網誌的熱門文章

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~