跳至主要內容

2011 Maldives + Kuala Lumpr Trip ~ Day 3 : Full Moon + Sand Coast



Day 3, 一清早仍然有D天陰, 不過就冇雨, 同埋見到屋下有超大堆魚!!
與老公在water bungalow餵下魚, 影下相, 到9點幾先出發食早餐~
天氣開始轉晴, 好野!! 


  
又係途經一條花草大道去早餐地點~~ 每朝散步5分鐘, 好清新健康丫! 

  
Resort內非常乾淨, 一隻小強都無見過 ; 反而四腳蛇就有唔少!


除了Feast, 其實我地仲有其他晚餐選擇, 趁天晴又去望下先~~~
依間叫Sand Coast的餐廳, 真係可以坐o係沙灘食飯, 好寫意! 


去睇埋另一間Sea Salt, 又係對住海景食飯, 環境都唔錯
其實Resort仲有一間泰式餐廳, 不過無海景唔考慮了~~


行到肚餓了, 係時間去Feast食早餐~
每日的水果內容都有d唔同, 是日冇奇異果, 但就多了楊桃同熱情果


當日亦發現左炒蛋比omelette好食 (尤其在加了double cheese後) ; 又試了waffle同french toast, 原來配Nutella都幾正


成間resort都行得七七八八, 當中最吸引都係水上屋~~
影多幾張相後, 又係時間返去浮潛lu!! 


整個下午都上水, 落水, 老公玩得樂而忘返


我都自得其樂, 睇下書, 寫下教會堂慶特刊的稿件, 聽下音樂, 做下yoga...


傻佬返來了~~~~ 


玩累了, 就攤o係露台曬太陽~ 真係嘆爆hea爆!! 



都忘記總共落了幾多次水啦... 


今日都有影相同拍片~ 用熟了部機, 的相有改善啦~~




玩到5點幾, 沖個涼又時間出發了
我地唔係做spa, 而係去spa center的吊橋上捕捉黃昏美景


開始日落西斜...


在water bungalow的倒影下捕捉動人一刻~~~



不過未等到日頭全落, 我地又要出發去露天酒吧了!!


因為Resort內每日6pm有sharks feeding!! 


講的當然唔係大白鯊, 而係小小的虎頭鯊~~
早前都見佢在我地住的water bungalow下游過架 


除了小小虎頭鯊及魔鬼魚, 阿雀都來爭食


餵到差唔多, 同老公揀了張沙灘床坐底, 繼續欣賞日落美景


合照, 可惜唔夠wide, 影唔到阿B


正式日落西沉了~~~



太陽剛落山, 另一邊月亮又高掛了~ 而且是滿月!! 


趁好天, 同老公繼續捕捉日落餘韻


行下行下去埋day 1初抵埗的Arrival Lobby


其實此島叫Full Moon Island, 三年前被Sheraton收購了, 所以更名為Sheraton Full Moon Resort~~ 在Full Moon Island遇上滿月之夜, how amazing! 


老公high到呢....  


夜啦, 係時間去食飯~ 是晚天晴, 梗係揀有outdoor沙灘位的Sand Coast

是晚月光燦爛, 個景超靚!! 


由於個灘好黑, menu都有支電筒仔照明~~ 


水要另外收費, USD8.5 + 13.5%, 都唔過份~~~~


好好味的Naan bread basket, 我地全部食光!! 


Grilled Prawn, Haloumi and Watermelon Salad (USD19)
D蝦超大隻, 又鮮又彈, 勁好味, 配西瓜超refreshing!! 


Tuna and Acavado Salad with Sesame Dressing (USD18)
個場真係太黑, 落flash影一張俾大家睇 ; portion又係好大, 同HK的main course差不多大!! 吞拿魚扒又厚身, 不過火候不一, 我食左較嫩的兩件, 餘下一件真係食唔到了~


主菜時間, 揀了Pizza Piccante - Tomato, Mozzarella and Salami (USD25)
Pizza薄身香脆好味, 大大個都KO哂!! 


仲有Yoghurt Marinated Lamb Cutlets with Spiced Chickpeas, Falafel and Hummus (USD34) 羊架又係好足量, 帶點中東調味同乳酪醬, 好滋味, 又係食清光 


食完主菜已經超飽, 但點都少不了甜品環節~~~ 
Chocolate Java Truffle Cake (USD17) 大大個超濃郁, 帶點橙香, 美味!!! 


Maldivian Dessert Tasting Platter - Coconut Rice Balls, Banana in Coconut Cream, Pumpkin Custard (USD16) 食落其實怪怪地, 佢都係西式甜品好味D~


anyway對依間野好滿意, 所以之後兩晚都連續來食, 掃佢menu!!


幸福的天堂島day 3就此完滿結束~~~~

留言

此網誌的熱門文章

聖誕必吃!香港文華東方酒店 ღ 上海灘 × 文華東方節慶下午茶

最近吃了不少下午茶,但最出色的一定要數文華東方酒店期限推出的【上海灘 × 文華東方節慶下午茶】,無論氣氛、賣相還是味道都是一等一的好,非常推介給愛吃下午茶的朋友!     除了 Café Causette 或快船廊,一如之前數次與  Timothy Oulton  的合作,下午茶也在酒店大堂供應,而大堂也擺放著美美的下午茶攤位,上面綴以嬌美的紅玫瑰;另一邊則是閃爍的聖誕樹,配上古典雅致的環境,氣氛好極了!

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~