跳至主要內容

2011 Maldives + Kuala Lumpr Trip ~ Day 4 : 浮潛 + Beach Party

Day 4日間是多日來最晴朗的一天, 老公正好在這天報了名出海浮潛, 感恩!! 
我就乖乖留在water bungalow, 陪樓下小魚玩下水好了~ 其實都一樣開心~
夜晚再度幫襯了Sand Coast, 繼續滿意; 然後去Beach Bar參觀Friday special的outdoor party, 然後就回房瞓埋最後一晚了~~


由於連日早睡關係, 朝早6點未夠人就自然醒了... 老公出去影日出, 我就留在屋中與清晨的魚仔玩水~~ 朝早真係特別多魚呢!!  



我地住的water bungalow真係好正, 除了日落, 都可以斜斜地見到日出呢!


老公特別出去影的相當然就更加靚了~~~


講個秘密大家知: 我一共收埋了六大個麵包, 足夠慢慢餵魚至天光丫! 
一直餵到老公返黎~~~~


天完全光啦!! 係時間梳洗+收拾, 出發去食早餐 ; 是日天氣特別好, 好感恩!!


仲見到心心雲添... 神真係好鍚我地一家三口呀!! 


泳池邊原來有yoga班呢! 好悠閒~~~


第3日來食早餐了~~ 原來幸福的天堂日子已經過了一半... 


是日老公要出大海浮潛, 要食飽D~~


食完早餐後抖一陣, 老公就興奮地出發去water sports center啦! 


是日天色真係超好, 揸部白痴機仔都可拍出絕色靚相!!



Resort每日早上10am展開浮潛tour, 共有3條路線, 約2小時收USD50/位 (另加13.5% charge)


夠鐘出發啦!! 同阿B一齊目送老公離開~~~



佢地搭的唔係一般快艇, 而係紅色的鳳尾船~ 好有特色~~
開船了~~~ 兩小時後見啦!!


告別老公後, 又去了links @ sheraton上網~ 2小時好就快過!


12點幾, 老公返到resort了!! 一齊返water bungalow醫肚, 然後睇相~~
(註: 每日午餐我地都係食乾糧+早餐麵包補貼~ 慳唔少!! )


老公特別影左好多相同我&阿B分享, 真係好~~~


是次浮潛目的地叫Coral Reef, 就係位於依個Resort島附近


以下就係老公用lumix機仔影的相, 睇完我都當自己同阿B都去左ga啦!!
(註: 其實好多係video, 我格硬convert成相, 質素會差d, 請見諒~~)




休息了一陣, 見天色咁靚, 老公決定冒矖燶的危險, 都要出去影相!!!


以下全都係老公的作品~~





依一張要講解下----相中的唔係雲影, 而係魚群呀!! 下面我都會影+post~~~




個女人真係超嘆~~~~~



o拿, 是日上午老公就係搭佢出海架啦~~~~ 

  
等到四點幾冇咁曬, 我都爭取最後機會, 再次落水浮潛~~~


驟時天色轉陰.. 有D凍添, 不過好處係唔怕曬黑了~~


由於屋下水淺, 所以好易就影到好清o既相了!!



一直玩到5點幾, 梳洗好再出去欣賞日落! 又去了昨天的吊橋~~~~


我的拙作


然後夜晚提早去Sand Coast食飯, 抵達之時仲有少量日光~~ 




又見到魚群啦~~~ 佢地會不斷改形狀, 好搞笑!! 


玩完影完一大輪, 到開餐之際, 環境又變得好黑了


仍然好好味的Naan bread~~~ 


Salad of Chicken, Soft Boiled Eggs and Lettuce with Parmesan Dressing (USD18)
個雞好香又好嫩, 拌上煮至七成半熟的雞蛋, 同雞肉餡批, 和諧而美味~ 而且生菜都好爽脆清新, 好味!! 


Korean Rare Beef Salad with Sesame Dressing (USD19)
牛肉切得都幾厚身, 味道較辣, 留返俾老公食多D


Grilled Baby Chicken with Pear and Cabbage Salad, Hazelnuts and Sherry (USD32)
個雞又係好香且嫩, 配少少雪利酒汁, yummy! 


Simply Catch of the Day served with Baby Potatoes, Salad, Lemon and Olive Oil (USD34) 此魚極鮮美, 肉嫩又多汁, 好味道!! 


配菜都新鮮好味~~~


又試了兩款新甜品, 首先係Coconut Caramel (USD14), 椰子蓉加上焦糖而成, 口味較甜膩


Almond Nougat Ice-cream with Praline (USD14)
依個雪糕批中有香脆鳥結糖同脆榛子, 超級好食呀, 100分!! 


除了食物好食大份有水準, 餐廳的夜景都好迷人呢~~~ 


一邊食飯, 已經聽到沙灘盡頭好多鼓聲, 飯後去睇下發生咩事


原來有friday special特別節目!! 不過個buffet內容唔多吸引


另一邊又有D小攤擺賣, 仲有人即場畫畫添~~~




另外每半小時仲有擊鼓表演, 不過同老公都好掛住間房同張床, 決定早D返去休息了~~ 明晚, 就要離開依個天堂了..... 

留言

此網誌的熱門文章

聖誕必吃!香港文華東方酒店 ღ 上海灘 × 文華東方節慶下午茶

最近吃了不少下午茶,但最出色的一定要數文華東方酒店期限推出的【上海灘 × 文華東方節慶下午茶】,無論氣氛、賣相還是味道都是一等一的好,非常推介給愛吃下午茶的朋友!     除了 Café Causette 或快船廊,一如之前數次與  Timothy Oulton  的合作,下午茶也在酒店大堂供應,而大堂也擺放著美美的下午茶攤位,上面綴以嬌美的紅玫瑰;另一邊則是閃爍的聖誕樹,配上古典雅致的環境,氣氛好極了!

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~