昨晚數臭了韋森特後, 今晚繼續記錄day 1晚上, 一家三口豪搭的士去酒店食飯的經歷
到底我地去左邊呢? 答案是數碼港艾美酒店(Le Meriden Cyberport) 的 Prompt
可能大家已估到, 此酒店餐廳可享AE白金卡半價, 反正爸媽未過來數碼港, 就來見識下
整間酒店與餐廳, 設計都十分cyber而時尚, 果然有數碼港風範!
(下面會再post酒店相)
而Prompt的最大特點, 是既供應buffet, 也提供a la carte餐牌
因pool side party關係, 當晚只供散叫, 也好, 反正它的散點評價比buffet高多了!
到底我地去左邊呢? 答案是數碼港艾美酒店(Le Meriden Cyberport) 的 Prompt
可能大家已估到, 此酒店餐廳可享AE白金卡半價, 反正爸媽未過來數碼港, 就來見識下
整間酒店與餐廳, 設計都十分cyber而時尚, 果然有數碼港風範!
(下面會再post酒店相)
而Prompt的最大特點, 是既供應buffet, 也提供a la carte餐牌
因pool side party關係, 當晚只供散叫, 也好, 反正它的散點評價比buffet高多了!
沒錯, 餐廳外就是游泳池了, 在這裡舉行party超有feel呢!
趁event未開始前, 爸爸先抱愛水的Matthew出去觀光~~~
之後, 麻煩小魔怪乖乖坐下來, 爸爸媽媽要享受一頓浪漫大餐啦!
爸爸點了侍者推介的Riesling, Columbia Valley, Chateau Ste Michelle, USA ($88)
此酒定價不貴, 卻清甜易入口, 而且倒得很滿, 足夠二人分享呢!
媽媽另點了杯mocktail -- Cyber Plus ($60)
是由芒果汁、檸檬汁、菠蘿汁加Ginger Ale而成, 甜酸交錯中微帶薑味, 好清新!
接著, 餐包及牛油麥包也伴生蠔上檯了!
記得在法國旅遊的日子, 生蠔總會跟麥包同上, 是晚突然感到很有風味
雖然, 那幾件牛油麥包實在難吃, 還是本來的黑芝麻餐包美味得多 (後來老公添了一件)
新鮮精選生蠔 ($168), 餐牌上寫的是六隻, 上檯卻有七隻?! 賺了~~
侍者沒講生蠔是何品種, 吃蠔初哥的媽媽也吃不出來, 總之新鮮度有, 但又未及Ambrosia的出色
仗著有AE白金卡的優惠, 兩口子點了很多主菜, 包括:
Spaghetti Carbonara, 全份$168 / 半份$98, 兩口子要了半份的, 但成品卻十分巨大!
意粉稍為稔身, 不夠挺彈, 但醬汁調味卻做得很好, 蛋香濃郁, 惹人食慾!!
又點了Roaste Lamb Rack in Parmesan Herb Crust ($288)
成品又是不小, 羊架肉質粉紅柔嫩, 味道香騷迷人, 加點芝士香草焗香, 好正!
配菜的炒新薯及雜菜也不錯, 除了大蔥 (還以為是蘆筍呢) 媽媽全部吃光了
還有大大個的LM Signature Pizza ($165), 它的toppings特別豐富, 包括:
蓄茄醬汁、加州香料辣蝦、蜜糖車厘茄、朱古力雞柳、酸忌廉雜菜及沙樂美腸綠茶鹽..
咁食法飽死人咩?! (中午仲食左semi-buffet架...) 最後當然吃不完要打包啦!!
有點可惜是店內甜品款式很少, 當晚更只得Cheesecake或HD雪糕...
於是索性不吃甜品埋單 (媽媽轉死性了!!), 折後今餐只$500, 搭百幾蚊的士黎都抵!!
臨行, 在餐廳隔離的PSI酒吧門口的彩色沙發前給Matthew拍照
張沙發好colorful好靚呢, 可惜連拍兩張都懞了~~~
也影一影酒店大堂給大家看看~~~
媽媽與Matthew一起合影留念~~~
其實, 來回程在的士上, 沿路見到一大片超豪宅如貝沙灣, 都令媽媽睇到嘩嘩聲、流口水
難得一日的假期, 買唔到住唔到, 發下夢都好丫, 哈哈
之後返LIS休息一晚, 一家三口第2日再出發去海洋公園玩過! 聽日記錄!
留言
發佈留言