Matthew's 1st trip ~ Ocean Park 玩樂篇 (day 1)

由LIS乘搭shuttle, 只需5分鐘就抵達海洋公園, 好快呢!!  

是日天氣超好呢, 等媽媽做機婆為兩父子拍一張吧~~~ (不過主角仔訓著了...)


由爸爸操刀來張自拍合照.. 效果麻麻地喎! 


好在工作人員好熱心, 主動為一家三口影張合照, 好靚! 
如果Matthew仔醒過來就更好了~~~


Anyway, 入園啦~~~~ 


要讚海洋公園baby-friendly左好多, 增設了好多育嬰間
Matthew仔連續兩日, 都在園內開心開餐! 


好多年冇見安安佳佳喇!! 第一件事去熊貓館探下佢地~~ 


安安今日好俾面, 走得好出食竹, 引黎好多人影佢呀!


媽媽的定焦鏡冇得zoom, 不過都算影得清楚!!
 

 
佳佳當日就匿埋了, 另外仲有金絲猴睇~~~


不過Matthew全部都冇睇, 因為仍然訓緊 (可能之前o係酒店太興奮了!!)
唯有拎兩隻熊貓公仔, 同佢合照留念啦~~ 


之後貪快貪方便搭海洋列車上山~~


爸媽都係第一次搭, 咪睇好似好多人, 其實好快又舒服, 幾正架


搭車中途仲有短片播放, 好有氣氛~~~


去到山上的高峰樂園, 首先經過新裝後的動感天地


D新game好刺激呀!! 
媽媽都幾有興趣去玩架, 不過帶著Matthew就唔好喇~~


其實大家的目標是新開冇耐的冰極天地呢!! 


新項目超多人排, Matthew好醒目, 等我地差不多排到就醒啦~~
由於要模擬北極的寒冷氣候, 等企鵝易於適當, 館外的排隊位已經好凍啦!


入去lu~~~


全館都可以見到不同種類的企鵝游來游去, 好開心喎!




不過由於個館真係好凍, 我地只留了5分鐘就離開了~~
館外熱辣辣, 完全是另一個天地, 餵完奶後, 我地決定再度落山玩!


Matthew仔今次都可以一齊enjoy海洋列車的show啦 (但上車同落山是不同的)


之後帶佢去睇另一個新建的熊貓館睇盈盈、樂樂!


順便可以探埋熊貓的親戚---小熊貓, 唔睇腳掌真係好難相信佢係熊呢


主角大熊貓又係見得一隻, 不過依張媽媽都忘了佢係盈盈定樂樂了 


Matthew, 你快D望下熊貓啦!! Panda呀!!


傻豬豬唔識望熊貓, 唯有俾佢睇張近照啦~~


對住圖片先識俾反應, 哈哈!



俾Matthew睇埋小熊貓先~~


之後爸爸化身金魚佬, 帶Matthew仔去睇金魚!! 


對BB黎講, 金魚真係好好睇喎! 難怪D金魚佬要用依樣野黎引佢地 



臨走, Matthew又在禮品店同玩具熊貓玩~~


依個頭cool超搞笑!! 
不過Matthew一手就將佢「蚊」甩, 媽媽試了好多次先影到架


Matthew都係對水最有興趣, 向著噴泉望了好耐好耐呢!
 

既然係咁, 爸媽決定不理人龍, 去排好多人的Grand Aquarium. 等左差不多半粒鐘架!


進入水族館初期, Matthew仔都仲有電, 仲想伸手摸下海星....


但去到level 1的末段, Matthew已經呵欠不斷了.....


爸媽深知不妙, 唯有不斷加速, 越過一層又一層.....


依個牛奶魚的tower真係好靚, 去年來時部S90唔夠勁影唔靚
今次有Nikon 1在手, 趕路也要拍一張!


差不多抵達喇, Matthew你要撐住呀....

 
排了半粒鐘, 其實莫非想俾Matthew見到最終的超大水族館魚群畫面...


好可惜, 有人已經忍唔住訓了......


算啦, 就俾Matthew訓飽飽, 之後爸媽抱他搭shuttle返酒店, 帶埋泳衣就落去游水!



5點幾冇咁曬, 玩耐D都唔怕曬燶啦!
見到Matthew游得咁開心, 又揀其他遊客咁開心, 媽媽影了2張後都上房換衫一齊游! 



游完水沖個涼, 餵埋Matthew又係爸媽的dinner time~~~ 

多得LIS的shuttle, 我地慳了唔少的士錢, 當晚可以豪搭的到另一間酒店開餐, 聽晚再講!

沒有留言:

發佈留言