跳至主要內容

Matthew仔升呢

大家仲記得前幾晚一鍋篇post嗎? 當晚Matthew仔已經整傷變成花臉貓了 
BB新陳代謝其實好快, 以為過多兩日應該就會無事啦, 點知....


 
無啦啦整多撻la, 今次整親額角, 遠睇好似紋左眉添!!! 



由依個角度睇, 仲好似紋得相當唔錯添~~~~ 



同一張見到紋眉同花臉!! Matthew仔, 媽媽真係頂你唔順了~~~ 

 
不過今晚的重點唔係依度, 而係Matthew仔真的大個仔要正升呢了......

因為再過多6個月左右, Matthew就要做哥哥啦!!! 
冇錯, 媽媽的造人計劃比預期中快, 成功三年抱兩, 依家已滿哂3個月啦~~ 
  


大家覺得意外嗎? 今次其實我都係一月中先知道有了6週身孕, 當時都幾驚呢 
因為剛在未知的情況下, full pay了新春關西之旅的$$$, 而今次懷孕反應比上次勁好多!
最後, 大家都知我地決定照去, 而且平安無事歸來, 其實真係好感恩呢~~ 
  
講起黎, 唔知係當時年紀輕, 定係Matthew天性精力充沛又為食, 上次我陀得勁精神+好胃口
多月以來只嘔了一次咁大把, 相反今次就累+成日反胃, 食野只可去到7成飽, 否則又想嘔...
不過其實情況唔算太嚴重, 大家見我間中仲出去食飯就知 (但就好少飲酒), 相信依個都係乖B 

講到依度, 相信大家都非常關心一個問題----到底依個係咪妹妹呢? 
其實我都好緊張好想知, 可惜暫時仲未肯定, 只係由過去2星期的超聲波結果, 都未照到「姑姑」
所以我當佢係妹妹先架啦, 仲連中英文名都諗好哂, 哈哈哈~~~ 

其實我份人好唔識將D野收收埋埋, 今晚公告天下真係一心都鬆哂!
而且踏入第4個月~6個月將會係懷孕的honeymoon (雖然今週我仍然有D反胃..), 相當期待的
當然再有update, 特別係胎兒的性別大事, 會再同大家分享!! 請祝福我地一家四口丫~~ 

***************************************************************

最後, 開心的分享家庭事後, 都順手宣傳下公務先~~~

FHY最近出了一個好得意新app --- FHY Association Name Card, 只要大家透過手機下載 (Android和 I Phone都得), Cap左張圖, 然後Message到我們的Facebook專頁, 便有機會得到Fiat Caffe的甜品2客! 獎品只得三份, 先到先得, 大家要快手呀! 
 
更多詳情可參閱有關網址:http://www.fabricelau.blogspot.hk/2013/02/fhyapp.html

留言

此網誌的熱門文章

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~