人日美食團拜+雙B混戰日

繼續記錄遊記前, 請容許媽媽jump quene寫左新鮮滾熱辣的新春片段先~~ 

經過初六的攤抖 (其實都冇點休息, 因為老人家太掛住Matthew, 晨咁早就帶佢去飲茶啦!), 剛過去的2日行程都好豐富, 首先係人日上去杏仁姨姨屋企拜年~~ 今次Charlotte都有黎, 兩隻B簡直係大混戰!



對上一次見Charlotte, 已係2012的事; 雖然講緊係大除夕, 隔左都係2個月唔夠, 但再見面突覺BB大個唔少, 開始好動周圍爬啦!


抱落都重手左好多, 當日見佢都係一隻為食妹, 食solid食得好好呀! 


至於Matthew仔更加不得了, 是日剛好叉足電出黎, 完全唔客氣通屋走啦!!



好動豬幾乎想拎角仔去餵魚啦..............!!!! 


當日的茶點都好有水準, 有杏仁親手焗製的朱古力包包, 超足料勁受歡迎!! 


大家見到依滴口水嗎? 冇錯, 佢就係屬於Matthew仔架啦, 為食豬真係好識食架! 


唔止Matthew, Charlotte都好鍾情依款包包, 兩隻B都食到停不了口!!!


另外主人家焗製的光波爐Rosemary chicken wings又係簡單得黎好好味!! 


由轉個頭清到8899, 大家就知D包同雞翼的人氣度有幾勁啦~~~ 



仲有雅倫親自落廚煲的酒釀湯圓, 好甜蜜好幸福呀~~~ 



大人咁多野食, BB都唔執輪, 依日Matthew仔話要試食super lemon糖!!

「哎呀呀!!! 好酸好酸呀~~~~」 旁觀的大人個個笑到氣咳!!!! 


之但係咁酸o既糖Matthew又唔俾爸爸食喎............




不過當Matthew搶返粒糖後, 佢又好醒目唔肯擺落口喎... 引到我地一班大人鬼死咁肉緊, 衰豬!!

講完食, 其實兩隻B的互動都好得意, 值得記錄下來~~~
     

依張係Matthew同Charlotte難得平靜相處的一刻, 因為佢地之間成日都有「火花」的...


o拿, 開始想爭cusion喇......
  


Charlotte「是但啦, cusion都唔吸引, 都係Yan姨姨的相機蓋正D!」

(按: 唔知點解Charlotte真係好愛我的相機蓋... 哈哈~~~)


Matthew見到有人搶佢媽媽的相機蓋, 又爭埋一份, 點知爭輸左即扭計大喊!!!


個樣駛唔駛咁委屈呀?! 同時請留意, Matthew仲係握住粒super lemon架~~ 


之後又爭籌碼玩..... 可以foresee到原來兩隻B在同一屋簷下, 相處真係唔簡單!


大家都玩到癲了~~~


玩完人肉氹氹轉, 雙B又去玩吧檯氹氹轉, 先係Charlotte~~~


Matthew當然都唔會執輪, 緊接而黎lur住要玩~~~



玩左差不多2粒鐘, 其實兩隻B都開始累啦...
依個時間, 杏仁嘗試應用所學, 以baby 香薰 (foot) massage幫助雙B入睡~~
  

D香味聞落, 唔好話BB, 就算大人都想訓呀... 
之不過依個treatment只宜單獨試, 雙B在場時, 貪玩戰勝了一切, 今次到Charlotte主動出擊!


貪玩妹笑得咁燦爛咁開心架~~~

  
之不過道高一尺, 魔高一丈, Matthew仔轉個身就還擊, 仲要係出招扯人地裙仔!! 

 
個衰仔除了扯人裙仔, 片末最後一段仲要好大力咬媽媽隻腳, 好衰豬呀!!!!! 
 
就係咁, 我地由三點一直玩到差不多六點, 差不多係時間散水啦... 離開前當然要大合照!
不過相仲未收到, 遲D再同大家share啦~~~

又, 回想起 N年前的人日 , 我地都開心歡聚過! 唔知下次再聚, 會多添幾多新成員呢? 

** 想收到兩小兄妹的最新消息,可以like一下Matthew and Chloe fanpage哦~~

沒有留言:

發佈留言