都知大家等得好心急啦, 好的, 跟住落黎一連三日, 一次過介紹Day 3 - 5的行程啦!! 
首先show下每朝的元氣早餐, 好鍾意日本有500ML的盒仔奶, 每日一盒, 好適合一家三口一齊飲!! 而用的麵粉靚關係, 求其一件白面包配牛奶, 已經既美味又營養!
依一日我地決定去京都食綠茶甜品 (哈哈, 媽媽始終都係為食~~), 今次真係要搭JR啦!
雖然難波都有JR站, 不過酒店職員建議我地先搭御筋堂線去梅田, 再經o個度轉去大阪JR站搭
都好o既, 一於去梅田見識下啦! (如果心齋橋係油尖旺, 梅田就類似中環~銅鑼灣一帶
)
咁樣立食法, 實在好有風味呀~~~
簡單的menu, 由於我地只識得牛串同豚玉依個漢字組合, 就點了依2款串物~~
牛串故名思義就係牛肉串啦, 豚玉原來係豬肉丸子, 兩款都係炸的 (大阪好似好興依D炸的串物店, 反而串燒店好少見), 兩者本身肉質唔差, 但好失望係凍的...
差不多行到去大阪JR站, 又俾太丸吸引了, 上了去樓上的Uniqlo掃貨~~~
其實事緣係Matthew仔著左兩件褸, 暖就暖夠哂暖, 不過都幾「亞定」, 坐得唔舒服呀~~
所以見到Uniqlo童裝薄身羽絨褸特價只賣¥1990, 馬上即買! 爸爸唔抵得, 自己都買多件呀
當日的戰利品都唔少, 好在有架大車.. 行下行下又到lunch time, 我地決定o係梅田大丸的樓上餐廳食埋lunch再出發了~~ 揀了依間U-Don Daining黎開餐, 雖然唔係特別好食, 但D野食好o岩BB!
我地坐和式的座位, 有風味得黎又唔會好唔舒服~~~
有套好靚的BB餐具, Matthew仔梗係好開心啦~~~
為食豬知道自己有好野食, 開心與奮到呢~~~
先黎熱茶, 依個BB唔o岩飲~~~
食物到啦!! 首先係爸爸的鰻魚飯+湯烏冬定食 (¥1280), 份鰻魚飯其實好普通, 但同上的甜蛋, 仲有清湯烏冬都超適合BB食呢! Matthew仔食到津津有味~~
媽媽點了親子丼+湯烏冬定食 (¥980), 又香又滑又嫩的蛋更加o岩BB食, 講真佢真係煮得幾有質素架! 份量又唔小, 我地食唔哂的湯烏冬都用保溫壺 (BB去旅行必帶) 裝起, 留起遲D再俾Matthew食!
之後出發去京都啦! 搭JR有度唔好, 就係D站離景點比較遠, 旅遊書教我地要再轉巴士....
但帶BB車上巴士好論盡喎, 睇完地圖覺得2km的路都行得過, 我地決定自己行去祗園~~
o係街下見到一截假的櫻花... 其實係做乜東東呢?
其實行過去都蝕唔哂架, 因為沿路都有唔少景點~~ 行左大概5分鐘, 就有東本願寺~~
覺得依棵松樹好靚好靚!!
爸爸的靚相
Matthew訓了, 媽媽好難得黎張留影先~~
日頭唔可以講人, 一講Matthew就醒了, 快D加返頸巾!!
食飽又訓飽的Matthew仔超級好心情呢~~~
繼續行~~~
行了冇耐, 又有另一景點---涉成園~~~ 不過佢要收費參觀的, 我地梗係唔show佢啦!
其實京都沿路一帶都好有古都風味呀~~~
依D建築旅遊書冇講, 應該唔算係景點, 不過都好古舊有風味架~~
慢慢邊行邊影了約20分鐘, 我地來到鴨川河, 不過冬天冇乜水唔好睇啦~~
反而同爛玩豬玩仲開心~~~
已經好接近京都兩大景點----清水同祗園, 接著我地要面臨2選1的抉擇啦!
由於清水個邊好多梯級, 考慮一陣我地決定放棄世界文化遺產靚相, 只逛祗園算啦~~
再行一陣, 就去到六波羅蜜寺, 已經離祗園好近啦!
路邊的小巷小店亦越黎越有風味了, 令人好神往呀~~~
正式進入祗園範圍, 首先見到両足院~~
沿路開始見到好多和服女子經過~~~
建仁寺~~~
再向前行就係花見小路, 成條街都好有風味, 不過由於有車行駛, 我地影唔得好多相咋!
同埋有少少失望係見唔到藝妓囉~~~
唔少店外都有依個笑門... 其實點解呢?
逛完花見小路, 一心要去祗園的都路里朝聖啦! 但原來間野要上樓梯, 而且人龍仲由樓下排到樓下添....
充滿和風的裝修與佈置~~~
小店只得2-3成滿, 我地可以揀坐和式坐墊呀~~~
爸爸好少上鏡, 今日黎張特寫先~~~
一來先點了兩份甜品~~~
依個係媽媽至愛的抹茶白玉しるこ (¥950), 濃郁清幽的抹茶湯比Nana's的甜多了, 不過仍然很得媽媽歡心, 中間的白玉丸子軟滑可口, 很滿足! 嫌太甜的, 還可以吃旁邊的漬菜啊!
另一個甜品是亀山 (¥950), 哈哈, 到底係咩呢??
原來係紅豆年糕啊!! 店方用上丹波大納的紅豆, 大大粒超飽滿勁香甜, 非甜魔應該頂唔住, 媽媽都要邊食邊飲茶; 但要讚同上的年糕真係超煙韌好好食, 整個組合都係like啊!
意猶未盡, 追加多份抹茶とお菓子 (¥800), 係由超濃的抹茶 (今次唔甜了), 襯以紅豆蓉同和菓子~~
精緻剔透的和菓子靚到令人唔捨得食啊!! 當然最終都有食, 既酸又甜幾開胃的
至於香甜的紅豆襯以甘濃的抹茶, 又係無得頂的絕配, 食得好滿足的一個下午茶!!
(按: 我地食甜品時, Matthew都同時食奶, 一齊大飽足! 另外此店只營業至5點, 幫襯要早呀
)
食完繼續逛, 京都真係周圍都有依D古風建築 / 寺廟架~~~
街上仲有好多和服美女~~~
根據老公的講法, 由後面睇, 個個都美若天仙, 哈哈~~~
行下行下, 見有人龍店, 我地又唔執輸排埋一份~~~
依間丹波屋, 專賣唔同的糰子、丸子的~~~
全部都唔知係咩, 求其點了一串 (¥120), 原來係醬油味, 咸咸地有D怪, 都係之前的抹茶甜品好味D!
繼續周圍逛, 到處都係精緻吸引的茶店~~~
其實我地係想行去白川河~~~ 雖然冬天冇乜水唔係咁靚... 如果櫻花盛放時就完全唔同lu!
繼續向前行見到一間叫白梅的餐廳, 門口真係種左幾棵梅花!!
靚景引得我地不停影相~~~
Matthew都好奇上望~~~
就在此時, 巧遇一位好人先生, 主動提出幫我地影合照!! 終於有我地一家在日本的正式合照啦~~
依一帶實在太有風味了, 個種清新古樸真係好令人懷念呀~~~
行下行下, 唔知點解俾老公影到我騎呢的一刻.....
天啊!! Matthew都睇到O哂咀..........
玩得差不多, 我地決定去最近的鐵路站, 搭另一條線返大阪 (因祗園站唔通JR京都站的...)
唔知點解, 傻豬仔入到地鐵會咁開心?!
忘了依條叫咩線, 總之可以搭到去大阪的淀屋橋, 距離心齋橋只得2個站, 轉程車就得了!
又去返心齋橋, 當晚微雨呀, 所以無乜得點行~~~
落住雨凍凍地, 去了食燒肉~~~
老公點了一支清酒送肉~~~
嘩, 好正好肥美的燒肉併盤啊!!!
另一碟~~~~
但真係估唔到Matthew仔咁快訓醒, 媽媽要超小心架住佢, 唔俾佢玩爐呀!
所以全程都係靠爸爸來燒, 唔知係咪咁o既關係, 覺得今餐的愛心燒肉好好食
Matthew的晚餐有日頭餘下的半碗湯鳥冬, 再加半碗茶漬飯 (梅子比較酸, 上檯後要快快拎走呀!!), 又食到好飽飽豬了~~
趁返酒店前仲去超市買了好好味的雞蛋布丁同白桃啫喱, 當然仲有更多生果!
o係日本, 真係求其買D cheap boom boom的布丁同啫喱, 已經好美味啦~~~
衰人老公仲買了爆谷黎引誘Matthew......
為食豬真係好想好想食架~~~
就係咁, 今次的新春關西之旅就過左大半lu... 不過最後2日都好緊湊, 請密切留意!
留言
發佈留言